Friday, June 02, 2006

تناقض رجل .....

قفلي انا اكلمك
...و يأتيني اتصااله سريعا

انا: الوووووووووو هلا و غلا طويل العمر اشلوونك افا عليك اشدعوه ...
عمي : هلا بشييخه الزين كله لا مو القصد بس تدرين فيني انتي و الهنا ما احب ابد انتو تكلموني لاني اطول كثير و استرسل في حديثي و الا ما تبين اسولف؟
انا : افا علييييييييك حلالي كلا لك بس لا تخاف ماعندي حلال
هههههههههههه انا تمام بخير طيبه زينه
كل شي زين فيني بسسسسس حدي ولهانه عليك
هو: نصابه انتي طالعه للنذل خويك ..انتي كلا ما تسألين و لا تفكرين تكلمين الا من السنه لي السنه و هو ما يفكر يكلم الا اذا يبي قروش
انا : عمي بدون مقدمات ... شنو احلى شي في هالدنيا
هو: والله شوفي طال عمرك احلى شي في هالدنيا المرأه
بس مش اي مرأه عرفتي

انا : شنو احلى لحظات تكون فيها مع المرأه عمي؟
هو: احلى شي في هالدنيا يا بنتي ان جسمك يلامس جسم امرأتك الي تحبها
انا : اوكييييييي (يعني كمل)بصوت مستغرب
هو: شوفي يا الشيخه الرجل بعد عمري هذا يكون شاف جميع اصناف الحريم و جميع اشكالهم الحمرا ..و البيضه و السمرا بدون استثناء
و صدقيني في حريم ندفع لهم من غير ما نلمسهم من كثر ما الواحد يتقزز منهم
انا : ويييييي!!
هو: طبعا على زمنا ووقتنا ماكان في شي في شبابنا قبل ما غير بنت عمك و بنت خالك و بس و لما تزوجك ام دحيم و هي بنت عمي هايم فيها قبل لا اشوفها
كنت وقتها انا في حايل عند خوالي و هي في الرياض و كان سفري للرياض مثل الحلم
رحت و سافرت و تزوجتها و كانت هي كل الدنيا في نظري
حبيتها حب لا يوصف و كل سنه احبها اكثر من الي قبله
لكن الحين بعد هذا العمر بعد 38 سنه زواج يكون الحب الاحترام اكبر و التقدير و اموووووور الحياه الي غيرت الحب و خلته شي اكبر و كل يوم يكبر
انا : اشلون؟؟؟؟؟؟؟؟؟
هو: طبعا يابنتي الدنيا هذي دروس و عبر ...بعد ماشفنا الخير ولعبنا في الفلوس لعب ولعبنا في الحريم اكثر من الفلوس
كنت اخونها جنسيا كثير بس يشهد ربي ما قد خانها قلبي
انا : نظريه جديده هذي عمي ؟؟؟
هو: لا يا بنتي .. الشباب و طيشه و الفلوس و السفر و الشرب كان لازم مع كل ليله تمر فينا
مزاج يديد مع وحده جديده
و كنت في كل مره ارجع فيها من السفر القى ام دحيم هي هي زيها ما تغير حبها و ما تغيرت معاملتها لي على الرغم من انها كانت تدري اني اخون و اني ازنى بس كانت تسمعني صووت دعائها كل ليله و اهي تدعي ربها لي بالصلاح و الثبات على طريق الخير و هي ماشافت فيني خير بس ثقتها فيني باني احسن رجال في الدنيا و كانت تقول عني اني احسن واحد بين رجال العايله و كانت تسميني بختها و ماتناديني الا يا يا بختي ..
كنت لما اشرب ... تقولي بكره ربي بيصلحك
انا: الله يعينها
هو: فعلا ربي عانها علي و عاني انا لخدمتها
اسمعي القصه هذي تستغربين منها .. من ست سنوات و انا كنت موصلها مع الخدم لباريس .. و انا رايح باريس على اساس اهي قريبه من المغرب .. و قدام الناس انه هي مسافره معي و انا مبيت النيه لاغادير.. و اهي تدري اني اسافر لشغل بس حي تحس .. طيب
قلت لها يا ام دحيم تراني مسافر بعد يومين للعمل و بتركك لحالك مع الشغالات هنا لين يجونك البنات
قالتلي سم و ابشر و عسى الله يعطيك على قد نيتك....
اتعرفين و ايش الي صار؟؟
انا : شنوووووو؟؟
هو: في نفس اليوم رحت سهرت و شربت كثير على الرغم من انه الاطباء ناصحيني كثير..
شربت لين الصبح .. استفرغت دم ... جتطني جلطه 3 ايام ما غير بس افتح عيني الاقيها تقرا قرآن او تصلي جمبي او تدعيلي
طبعا انا مستحقر حالي كثير لاني كنت بروح العب في المغرب و انبسط و هي هنا جالسه تحت رجلي تقرا و تدعيلي
و اعيالي الي هم اولادي مافيهم واحد فكر يكلم
يقولون و اش انسوي به هو كذا طول عمره سكران!!!
و من بعدها يابنتي و انا ما اناظر في هالدنيا غير رضاها
و تعلمت درس كبير في الحياه
الحين اقدر احط عيني في عينها
بالاول كنت لما اغلط في حقها و اهي تقابل اسائتي باحسن من الاحسان والله كانت تكسر عيني
يا بنتي و لا يغرك الرجال تراااااه يبان في عينه
الزين و الشين يا بنتي يبان
انا: اي اشعقبه بعد ما يضيع شبابها
هو: لا ضاع و لا شي قسم بالله هي في عيني احلى من ذي الودره هيفا التلبينيه
انا : عمي فيلبينيه مووو تيليبنيه
هو: الي هوووووو
انا : عمي ييعني ليكون انت مستانس بس !!! اشعقبه بعد ما صك عمرك تسعين
هو: تسعييييييييييييييين جني يركبك قل امين .. هو ولدي منحاش منك من شوي من طوولت السانك
معذووووور لما يقول عنك قصيميه ما ينكسر باسها
انا : احم احم
والله ولدك لعووبي اكثر منك و سرسري
داشر مافي امل ينصلح ابد
هو: ادعيله الله يصلحه
انا : الله يصلحه و يخليه لشبابه بس بعيد عني الله يعافيه
هو: صدقيني والله انا داري انك مثل امه معدنك ذهب و غيرتي فيه كثير بس مو وجهه نعمه
بس خلاص هو عارف قيمتك من زمان
انا: ادري فيه اشووفه يدززلي مسجات يقولي بتجين جنيف هالسنه
هو: الاااااااااااااا على هالطاري عرفتي اخر خبر؟؟
انا: خير لألألألألأ؟؟!!!!
عمي: ماقالوولك عارض البيت للبيع ..وبشتري في ايفيان
انا : اكووووو احد يبيع بيت في لوزان و يشتري في ايفيان !!
هو: اييييييييي اسكتي يا شيخه ما صدقت قالتلي بيعه
انا :منو.. خالتي ؟؟
هو: اييييييييي هي كل خواتها شروا في ايفيان ..طيب.... جتني قالتلي انا كبرت و ما ابي اجلس لحالي في لوزان و مافيها الا ضيقت الصدر
قمت قلتلها ابشري و سمي ماطلبتي الا عزك و ايش تبين ؟؟ ابيع بيت لوزان و احطلك احسن شقه في ايفيان .. هي مستغربه
و ماتدري اني بفتك من ضرايب هالبيت ايفيان ما تجي ربع الضرايب و ارخص اشجاب الي جاب
بسسسسس خليها على فالها
مو تقولين لها
خابرك زين ترفعين عليها السماعه الحين و تقولين لها صايره يا كافي ام هلااااال
ماتصدقين تسمعين خبر الا طرتي صليتي في اذنها
انا : اااااااااااااااناااااااااااا حرااااااااااام علييييييييييييييييييييييك يا عمي
ليش اشوف انا ماقلت لها على سوالف الخط الثاني و لا قلت لها على رفيجتك العراقيه
عبالك بتمشي علي دووووووووووووور الزوج المناضل من اجل الاخلاص
هو: الله يلعنك من قالك ؟ قسم بالله هذي العراقيه مدري عنها و لا شفتها هي مكلمه بالغلط
قسم بالله والله احلف لك جد و لا ادري عن احد
انا : اقووووووووووول عمي هااااااا طلعت ام هلال انا ؟؟
هو: يا شيييييييخه قسم طلعتي انتي عمتي و تاج على راسي بس حسك تجيبين خبر لام دحيم والله تروح فيها
انا : هووووووووووووو اشقالولك مينونه خبله
بس انا اقول يوم انك صرت شريف روما اضبط الدور عليها مو علي
اخراجك ضعيف عندي انا عارفه البير و غطاه
هو: والله اقولك ما اعرفها اشفيك انتي ....
انا : اشدراني عنك انا خايفه على خالتي تحط على راسها مرا
هو: يخسوووووووووووووووووون كل حريم هالدنيا ما عاشت و لا كانت الي تكون لا حشى ما احط عليها مرا ثانيه و انا بعقلي
و حيلي
يابنتي والله اذا الله بلغك و حبيتي و حبك رجلك انشاء الله
بتشووفين ان في اشياء اكبر من الحب اهو احترام لقدرها
لا اكثر و لا اقل
بعد هالعمر ما اسوي في بنت عمي ابد كذا
هذي ام دحيم
اهي جنتي في هالدنيا
انا : عمي اتصدق انتوا الرياييل غريبين ...
و يقطع حديثنا ان دخل عليه ضيف
سكرته منه على عجل
مدري حتى اذا قالي مع السلامه
بس خلاني استغرب من شغلات وايد
الحب القديم
تركيبه الرياييل
تناقضهم
يموتون على حريمهم
و يحبون باجي الحريم للنظر و المتعه و تكحيل العين
اسأله تدور في بالي وايد راح اعرفها من العم بودحيم
بس في اتصالي مرا ثانيه


على هالطاري ترا اهو مو عمي بس احتراما له اناديه عمي
اهووووووووو صديقي اكثر من انه عمي
بس لانه عمره فوق ال 66 و كلا قاص علي يقولي 30
هم هذا شي ثاني الحين في الرياييل وايد يخفون اعمارهم

البيت
الزوجه
المال
الاستقرار
النساء
المتعه
الحب
كلها تناقضات يعشقها الرجل
الله يصبر قلوبنا

18 comments:

Unknown said...

فطووم قوة
شوفى انا ضد اى ريال يروح يخربط من وره مرته يعنى شحقة متزوج شرب وبنات بالحرام شوفى مرات تكون فى علاقة صداقة بين المرة والريال واهيا غلط انا معاج ولكن اقصد فيها صداقة لمجرد تبادل اراء او كلام
ولكن ان يروح حق مرة ثانية حق شغلات حرام هذا يكون ضايع
انا بنظرى الريال صح يحب الحريم ولكن تحب الحريم روح تزوج وحدة وثنتين ثلاث قد يكون هذا بنظر المجتمع الحين خطأ اجتماعى الزوج على الزوجة ولكن شرعا ما عليه اى شئ يشوبه ولا ان الريال يطيح بالحرام
طولت وايد وسورى بس العم هذا سلمي عليه وقوليله مشارى يقولك هنيالك قلبك خضر :D

lawyer said...

مشاري
تركيبه العم بودحيم
ريال يحب الحريم ينام معاهم بالحرام ميخالف
بسسسسسسس مستحيل يتزوج على مرته
بس دام الله هداه الحين عقب 60 مليون جلطه و مرض
هههههههههههههه
يبقى سؤالي ليش الرجل يخون ميخالف بس يتزوج ثانيه حرام

ليش يحافظ على بيته و ما يحافظ على دينيه

Mohammad Al-Yousifi said...

همم موضوع مثير بس بو دحيم نسخة مكررة من كثير كثير شياب و شباب, الموضوع طويل وايد

لبس الريال طبيعي ما خالف بيئته

Unknown said...

اللى جذى فطوم
يخاف من مرته وما يصارحها بان فى اشياء لازم تتغير منها علشان يرتاح فى بيتى

bo9ali7 said...

انا باعتقادي ان الواحد اللي يمارس الجنس من اجل الجنس فقط اكيد فيه شي غلط..لان الجنس هو نشوة الحب وذروته..فاذا لم يكن الحب موجود اساساً..فكيف يحدث الجنس؟

lawyer said...

كلا مطقوق
يزاك الله خير على الاعتراف ان في مثله وايد

الله يصبر قلوبنا

مشاري
اهو معترف ان مرته كامله بس اهو لعوب
و حياه الرفاهيه
ملايين كل يوم بيت يديد كل يوم فرصه يديده
كل يوم شي يديد فلا بد من امرأه يديده مع كل ليله سووده منيله بنيله



بوصالح
كلامك هذا اعتقد ان ينطبق على الاشخاص الطبيعين و مو الناسسسسسسس الموهووسه
بس اتصدق انا مرات اعتقد ان الريال لما يشرب
ابد ما يحس في نفسه الا وياه مرا ..
و هذا حجي نص الرياييل .. لما اشرب ما احس في عمري

و اسوي كل شي
فاكيد اكيد ماكو حب يديد كل يوم بس اكو مغامره يديده كل يوم

lawyer said...

صباح الخير بلوجرز
اليوم فازعه من الصبح لي الحين ما طلعت من البيت اول مرا اسويها يمكن
بسسسسسسسسسسسسس منبطه جبدي فازعه من ال 6 عبالي 7
بدلت بسرعه بسرعه
قمت لقيتها 6 و نص
يالله ميخالف بس المشكله ماكو زحمه برا لان ماكو مدارس

و كل مرا زحمه و موت اقوم مبجر
شي يححححححححر

الماي نااااااااار الساعه 6 الفير في شهر 6
مدري اشلون بصبر في هالصيف
لاني امس سويت اعتصام في البيت
الله يستر من نتايجه
انا ادري محد بيظيع في هالدنيا غير انا و راسي اليابس و اعنادي
مدري اشفيني هذرت و تحلطمت من الفير

اتمنى لكم صباح يديد
معطر بماي ورد يبرد على قلووبكم

Diver said...

لا تعبين نفسج محد يفهم الرياييل الا الرياييل و في الجانب الاخر محد يفهم الحريم الا الحريم
عشان جذي الحياة مع الجنس الاخر مثيرة مثل العبة الي تخليك على طرف الانهيار من النتباه و الشوق

Unknown said...

فطوووم طفوو اليلر شكلكم لى الحين شابينه

بعدين عودة حق بو دحيم
اقولج شى
وهذا سر عند الريال
والله
الرجال ينقسمون نوعين

نوع يستلذ بالحرام
نوع لو طاح بالحرام يقعد يأنب نفسه لى ما يغسل قلبه من الذنب
بودحيم من النوع الاول وغاب عن الدنيا
بس صدقينى خلج من كلام الاحترام هذا كله
ريال تبى الحريم لا تخاف من مرتك وتزوج ثانية بس اللذة الحرام اللى يزينها الشيطان هذى بلوة عسى الله لايبلينا
تحياتى المعبقة بدهن العود لج يا اختى ولا تصيرين مليقة :P

layal said...

صراحه الريال وايد صريح وفاضح نفسه بنفسه
وشنو اللي يخلي الناس تاخذ فكره عن العرب انهم ما يعرفون كوعهم من بوعهم ويفسفسون الفلوس الا من هذي الحركات فلوس ضايعه بين نسوان وشرب وسهر
النعمه زواله لكن من يحس ؟؟

bo9ali7 said...

lawyer
عدل كلامج, المشروب معروف انه يهيج الرجل جنسياً, ويزيد من جرأته بالتالي تحلى بعينه يخوض مغامرة جنسية رخيصة..لايمكن يخوضها وهو صاحي

Dr. Saleh said...

الحديث الأول

‏حدثنا ‏ ‏عبد العزيز بن عبد الله ‏ ‏حدثنا ‏ ‏إبراهيم بن سعد ‏ ‏عن ‏ ‏ابن أخي ابن شهاب ‏ ‏عن ‏ ‏ابن شهاب ‏ ‏عن ‏ ‏سالم بن عبد الله ‏ ‏قال سمعت ‏ ‏أبا هريرة ‏ ‏يقول ‏
‏سمعت رسول الله ‏ ‏صلى الله عليه وسلم ‏ ‏يقول ‏ ‏كل أمتي معافى إلا المجاهرين وإن من المجاهرة أن يعمل الرجل بالليل عملا ثم يصبح وقد ستره الله عليه فيقول يا فلان عملت البارحة كذا وكذا وقد بات يستره ربه ويصبح يكشف ستر الله عنه

الحديث الثاني

‏‏حدثنا ‏ ‏مسدد ‏ ‏حدثنا ‏ ‏أبو عوانة ‏ ‏عن ‏ ‏قتادة ‏ ‏عن ‏ ‏صفوان بن محرز ‏ ‏أن ‏ ‏رجلا ‏ ‏سأل ‏ ‏ابن عمر ‏
‏كيف سمعت رسول الله ‏ ‏صلى الله عليه وسلم ‏ ‏يقول في النجوى قال يدنو أحدكم من ربه حتى يضع كنفه عليه فيقول عملت كذا وكذا فيقول نعم ويقول عملت كذا وكذا فيقول نعم فيقرره ثم يقول ‏ ‏إني سترت عليك في الدنيا فأنا أغفرها لك اليوم


فإذا بليتم فأستتروا لعل الله يغفر لنا ذنوبنا

وأيا كانت القصة واقعية أم من نسج الخيال وبغض النظر عن تساؤلات محاميتنا العزيزة فالقصة تبرز بعض واقعنا المرير ألا وهو المجاهره بالرذيلة سواء من الرجال أو النساء

وكما يخون الرجل فالمرأة كذلك تخون
ومتى أرخصت المرأة بنفسها وشرفها فسوف تكون صيدا سهلا للمتعة والمتعة فقط

وخير رادع لنا من المعاصي هو حب الله ومخافة عقابه
وإن لم توجد في قلوبنا فالأمر سيان للرجل والمرأة

وآسف على الإطالة

ii said...

شكرا دكتور صالح على كلامك
الله يجزاك خير
:)

3ateeja said...

في ناس تعشق الحرام يا فطوم يعني لو يتزوج اربع هم يخون بخامسه ماكو فايده
بودحيم وغير بو دحيم
حياتهم ملل
يبون يغيرون
شلون مو عارفين
حلال
حرام.. المهم يغيرون
عسى الله يستر علينا بستره
:)

Raed said...

لتبقى كلمة خالدة : الذكور كثير وقليل هم الرجال

3ateeja said...

bo 9ale7
المشروب ما يهيج الرجل جنسيا ولا شي لكن المشروب معروف عنه انه يرفع درجة حرارة الجسم ممايجعل الرجل يحس انه مهيج ولكن لا مهيج ولا شي بلعكس المشروب له آآثار عكسيه على القدره الجنسيه هذا من جانب ..
ومن جانب آآخر المشروب يخلي الانسان يفقد حياة وهالشي معروف بين المطربين
حتى مطربين قبل في بعضهم يخافون من الجمهور فيشرب ويصعد المسرح يغني بدون رهبه
فهو يزيل الحيا والرهبه ممايجعل الرجل ايضا يعتقد انه هائج جنسيا
ولا اهوه لا يهيج ولا بطيخ :)

q8y_saint said...

اولا : شكرا على الموضوع

اخرا : موضوع بودحيم صاحبنا طبيعي و موضوعه ما يتعدى انه يود ان يقعنع نفسه قبل ان يقنع الاخرين بانه لا يزال حي يرزق
فالعلاقات التي بقوم بها تعطيه الشعور بالشباب و الشعور بانه لا يزال مرغوب
فالعلاقات النسائية لا تعدوا عن كونها مغامرات تكسر حاجز الملل و تجدد شبابه الضائع
كما لا استبعد ان يكون حديثه مملوء بالمبالغات

mishal said...

من شب على شئ شاب عليه

تربيه النفس وتهذيبها منذو الصغر هو احد العوامل التي تجعل النفس قويه لاتتبع الشهوات
وجهاد النفس هو اعلى مراتب الجهاد


لكن استغرب هجومك المستمر على الرجل وكأنه هو منبع الفساد

شدعوووووه وين راحت سوالف الحريم
والا نسينا ان اغلب من سيدخل جهنم هم النساء

على العموم لايوجد شي افضل من (السحر الحلال)

انا حتى سالفة يكلم خطيبته مو داشه مخي
احب ان الشخص يحتفظ بسجله نظيف


****
التشفير مطلوب