Monday, November 13, 2006

طقوس غريبه ...بس اهم شي لا احد يشوفها

ليشش؟؟
ليش المرأه تتصرف تصرفات مالها سبب؟؟
ليش المرأه عندها اسرار
تخفيها؟؟

ليش احنا انجابل المنظره ساعتين اندور شيبه في راسنا؟؟
ليش انجابل المنظره ساعات انطالع تجاعيد عيونا
اوو الخطوط الي تحت العين

ليش كل يوم انطالع ضروسنا؟

ليش كل مرا نطلع من الحمام بعد الشاور نجابل المنظره ساعه
نشوف جسمنا و خطوط الستريش مارك و السولولايت؟

ليش مو راضين نعترف ان جسمنا مو لون واحد!
ليش نخش وايد شغلات عن الرياييل
ليش اخش حبوب التخسيس و خل التفاح عن الاهل و الرفيجات
و اذا احد سألنا قلنا ضعاف خلقه !!
ليش وايد انشمم اشعورنا؟؟

كل هالشغلات نمارسها في بيوتنا
امام رجالنا
و مع هذا نخفيهاااااااا
!
صديقاتي العزيزات ..
شنو تصرفات تمارسونها بروحكم
من غير ماحد يحس؟

21 comments:

سالفة قلب said...

انتي اشلووووونج

حبيت اسلم عليج

ياجلوج وياحلو اللي تكتبينه

بس انا ابصراحه ماقدر اقول عن

طقوسي

؛)

lawyer said...

هلا و غلا
سالفه قلب نوووووووورتي حياتي انتي

هههههههههههه

شكلها السالفه فيها ليمون
و دهن و خلطات للراس


;)

احترم الخصوصيه

Яeema said...

hehehehehehehheheheheh

أمبييييييه ما أدري
كل الأشياء إللي أشتريهم من سنفرة و دهن كاهم يسمعون حسج



أموت علي الصالونات
بس هذي طقوسي


أحاتي شي ضروري

ضروسي
أهم شي إن جدام ريلي ضروسي
لولو


أمبيه أكو وايد أشياء بس ما تنقال عليها حضر


ههههههههههههه
هههههههههههههههه
بقولج إياهم بالتليفون

brb calling .....

kuwaitia said...

مواضيعج عجيبه

:))) اتونس

اممممم انا اهم شي عندى ضروسي وريحتهم

والباجى ماينقال استحى

Cr8ivia said...

Restricted Area lol

madre min wain ityeben ur ideas

بنت الشاميه said...

تصدقين قعدت اراجع نفسي شنو اسوي وما اخلي ريلي يشوفه ما لقيت شئ خاص
بس الشئ الي اسويه وهو دايما يضحك عليه كل يوم قبل ما انام امشط شعري واحط كلونيا !!!!!!!!!!!! ليش اسوي شذيه انا ما ادري
بس صج عندك افكار رائعة تخلينا نفكر فيها مشكورة

نون النساء said...

ما أقدر أقول

هههههههههههههههههه

Anonymous said...

لووووول والله خوش موضوع ذكرتيني بسالفة
لوووووووول

الله يسلمج أهم طقوسي السرية إنني أنط حبل 500 نطه كل يوم بالليل الساعة 12لأن نط الحبل أحسن رياضه لشد الجسم

أبوي مسكين هالحزه يقعد بالصاله
اللي تحت غرفتي
و يسمع أصوات و مخترع

يقول حق أمي:تصدقين يا أم فلان
كل يوم الساعة 12 أسمع صوت غريب كأن أحد يطامر فوق و كلكم نايمين و يستمر الصوت ربع ساعه و يختفي
!!شكله بيتنا مسكوووووووووووووووون

لووووووووووووووووووووووووووووول
و أنا أسمع و ساكته
و من داخلي بموت عليهم من الضحك

Kwaitiyya said...

لوول موضوعج !!
ما عندي ريل فا مادري شنو اللي بخشه عنه
عاد أنا فضيحه ما أخش شي عادي تروالي

دائما مواضيعج متميزة يا لوير

albandry said...

اممم احط كريم بيج على كل نفرة تطلع لي تمص الدهن لوووول

الوص ريلي كريم من بووتس مال الريل واحط دلاق وانام


احب اسوي ستريتشينج قبل لا انام


بس بعدين الباجي ترهات لا تكتب امام الناس
:)


فناتق انتي فطوم

lawyer said...

ههههههههههههههههه

افكاركم عجيبه

وااااااااي رفيجاتي كلكم كشخه
تدهنوووووون

و تتسنعووووووون

و علامي انا بس اشمم شعري
ههههههههههههه


لا بس احتريت بقلدكم بدهن ريولي

مششششششكله ما عندي الا فازلين

وصصصصصخ دلاقاتي
هههههههههههههههههه

دبق

nachla said...

اووووه عندي لك خوش خلطة
جلسرين من الصيدلية + كريم تايلاند البيوض +فير اند لفلي +وعصرة ليمون
تخلطينهم يما وتدهنين فيهم المناطق السودا علشان تصيرين زقطة بنقطة
وحق شعرك دبر املا قبل الحمام بساعة
ولا تنسين ليفة صخر يستحسن لاقطتها من شط الخليج علشان تفركين فيها ايدك وريولك علشان الشعر اللي باليلد يطلع وطبعا تتسبحين يوميا علشان الاناقة وكماله حق جو الرومانسية المفقودة يا عيوني
وسلامتكم

enter-q8 said...

العزيزه لوير ادري داش عرض

بس اشوف ان هالشي من حرصكم على انكم تظهرون بصورة جميله

وبالعكس اشوفه ان هالشي قمة الانوثه في مكمن المرأه
و ما يمنع ان القالب اللي بالداخل يسعى جميل و يسعى لخراج جماله الخارجي اكثر

اما الزياده او اغلو في كل شيئ غير مستحب

اخوكم اللي داش عرض


صج استفسار

ابي شنو شعور المرأه بعد الولاده

ادري سؤال مش و لابد لكن احس اني مقرب منكم وامون كخوات تعرفت عليهم

تدرون اخوكم يمر بهالحاله مع المدام
فا ابي الصورة العامه

تحياتي

نون النساء said...

لوووووووول
لا مو بس انتي تشممين شعرج

:/

بس اقولج

عقب ما تتسبحين استخدمي مخمرية حق الشعر
مرتين بالشهر
بس تكون نوعية زينة
وياليت اتكون من السعودية احسن واحسن
انا اشتريت من هناك بس مااعرف اسمه
بس يكون فيه زعفران ومسك صلب
ودهن عود


بتصيرين
مريم فخر الدين يوم يغني عبدالحليم
والشعر الحرير عالخدود يهفهف
عاد كل ما هفهف تهف ريحته الحلوة وياه

:P
هههههههههههههه
وكذلك سالفة الدلاغات

فطووووووووووم
ترا الفازلين ايخللي ريلج سوودة
لا اتحطينة ويييييييييع
قطييعة كله دبق

اكو كريم لونه أزرق
والله نسيت اسمه اييب لج اسمه
وايد أحسن
مع دلاغ بو اميه لون ولون

:P




enter _q8 :

للأمانة اللي اشوفه مع صديقاتي
اتصير الوحده حساسة إزياده عن اللزوم
ومحتاجه اهتمام وعناية اكثر مثلها مثل البيبي اللي يابته
خصوصا اني شفت بعضهم مصدومين
خاصة مع اول بيبي
بس خلال اسبوعين الى ثلاث تتحسن حالتهم .النفسية

بكل اختصار الوحدة إتصير
مزاجية ويبيلها احد يصبر عليها ايلين ما تهدى وترتاح وتتأقلم مع وضعها الجديد

:P

أدري ما انفع
وخواتنا الأمهات بينفعون أكثر

neelaah said...

انا عندي مشكله ما استحي من شي
و ساعت اخلي ريلي يعد الشيب معاي

و كل ما شفت خط يديد
اروح اسأله اذا شافه و الا لأ

هممممممممم

شكله راح يتزوج علي

Q8LoVeR said...

انا اعتبرها اهانه ترا للرجال
مالي شغل بس في رياييل لهم بهالسوالف
شغل كريمات وصبغ شعر وماسك ومادري شنو
ومو جنوس لاتخافون
بس الله لايبليني واحط شي على ويهي
بس شكلها ام العيال ناويه شر الله يستر

عموما لج هالموضوع لوير تحبين هالسوالف
http://q8lover.blogspot.com/2006/11/blog-post_15.html

3ateeja said...

الصراحه....
اول مره اكتشف اني مو مره
:(

magnoonah said...

مرحبا حبيت اقول كلمه وحده بس اذا ممكن
فحتـــــــــــــــــــــــــــونا

magnoonah said...

اسفه قصدي
فضحتونا

Mozart said...

مو بس المره تسوي هالامور

lawyer said...

اهلا اهلا صباااااااااااااااااااااااااااااااااحكم ورد صارلي 4 ايام ما دخلت بلووجي و لا ادري عن النت نظرا لظروف طارئه


حبيت اصبح عليكم و انشاء الله ارد على الكومنت اليوم الظهر