Saturday, November 25, 2006

الجزء الاخير



و يروح الدوام حق ياسمين
يدش عليها ..من غير ماتدري
تنصدم ...
يسلم و اهي مبهوره ..ترد و تسأله: فيك شي ؟؟

خالد: اي ياي ابيج تقدمين اجازه

ياسمين : شنوووووو ليش ؟؟

خالد: اي اجازه مرافق زوج في بعثه دراسيه !!

ياسمين افهمت قرار خالد في زواجهم ..ابتسمت
انصدمت
بس تنحت اكثر
القلب يرقع

ياسمين : عطني فرصه افكر !

خالد: شنوووووووووووووووووووو شنوووووووو بعد بتفكرين

ياسمين : اي شنووووو عساني بنهبل في الدوام و بستانس و بطامر جدامك ..لا هذا بس جدام رفيجاتي
وبعدين لازم انطرك اسبوع اسبوعين شنووووووو بس انتي منطرني..لألألأ روح توكل على الله ماعندنا بنات للزواج

خالد: هاهاههاها والله صج ..صاجه ماكو بنات ..وين بنات

ياسمين: خوييييييييلد احترمني احنا في الدوام

خالد: مو لو انتي محترمتني جان انا من زمان ماخذج بس انتي السانج طويل

ياسمين : هاهاهاهاهاهاهاهاهاهاها يمكن صح

و تروح ياسمين تبلغ مديرتها انها بتطلع
و تروح ويا خالد في قهوه قريبه من شغلها
و تطلب منه انها تعرف ادق التفاصيل اشلون قرر انه ياخذها و ليش و اشحقه و اشلون

ويقعدون لي العصر في القهوه ..ترجع البيت
واهي طايره من الفرحه

تبشر رفيجاتها
و امها
و امها تقولها انا ماراح افرح الا لما تتصل امه تو الناس الحين
و وفعلا تتصل امه..و يحددون موعد للحريم
و الرياييل و ايون الرياييل و بعدها في جم يوم
تعارف الحريم
وبعد شهر و نص الملجه وبعدها في يومين العرس

و في عصريه الملجه ..

الرياييل متيمعين في ديوان المعرس
ياسمين تتصل 20 مرا على اخوها و على ابوها

الابو ما يرد
الاخوو يهددها لو ما بطلت تدق راح يسكر الجهاز

بس قلبها ما صبر
دقت على اخوها و الا تسمع
كلمه الملاج للمعرس قبل الملجه
تسمع كلمه
امساك بمعروف او تسريح باحسان

تقول حق اخوها خلني بسمع مراسيم الملجه

و تسمع صوت خالد يردد ورا الملاج
و تسمع صوت ابوها
و تسمع صوت عمها يطلب من الخال بطاقته
و تسمع الشهود
و فجأه صار هدوء
تسأل اخوها اشفيكم

يقولها نطري الملاج قاعد يكتب العقد
ياسمين :اشوه عبالي فيكم شي اشدرني سكتوا كلكم خمرتوا

شوي و الكل يبارك
يقولها اخوها الف مبروك ...
اهي ما تقدر تسوي كنترول على دموعها

وبعد دقايق

تسمع يباب امها و خواتها و خالتها تحت

شوي و الا خالد يتصل عليها

ياسمين ترد : ألووو..
خالد: الف مبروك ..
ياسمين: الله يبارك فيك ...
خلصتوا؟؟
خالد: خلصنا بس الناس موجوده ..الحين بيمشون ..بحركون الوالد و العمام بيروحون يباركون ليدتي

و اهلج توهم طالعين ..
..لو سامعه كلام الملاج من شوي ....تكني العرق ..بغيت اخليهم و امشي سكتي هونت الا شوي

ياسمين : هاهاهاهاا سمعت كلامه توني كنت مع عزيزان اخوي على الخط..
انا اخترعت..

خالد: سكري التلفون دقيقتين و اكون عندج ماني صابر لي الليل
ياسمين :صصصصصصصصج !!! يالله بسرعه

ياسمين توها سابحه الفوطه على راسها الكوافيره لي الحين ما وصلت و لا مالت الميك اب تو الناس موعدهم الساعه 6

تطلع من دارها تشوف امها و خالتها من المنور يباركون و لاهين في الاتصالات و التباريك

تتصل على خالد
ياسمين : خالد تعال من الباب الي ورا امي و خالاتي تحت عفسه عندهم
تعال تهريب..لحظه لحظه..كاهووووو ابوي دش و اخواني
يالله تعال بسرعه

يوصل خالد ..ينزل بسرعه اخوانها برا في الكراج
يباركون لخالد مرا ثانيه
و يدخلونه ..يبارك لوالدتها و خالاتها
و ابوها

تشوفه من المنور ..
تركض له تحت
و لما شافته

وقفت
حطت عينها في عينه
شافها و اهي في قمه سعادتها
خالاتها يتناغزون
هو هو هو خلوه نازلتله بخلاقينها يوم انه انها تدري بيلها تسنعت من الظهر
نازله جذي عروس

يبوسها على راسها

تحبه

تدخل معاه الصاله الداخليه

تلمه و يلمها حييييييييييل
تصيح بين ايده
يحب راسها

يقولها قولي وراي
بارك الله لي و لج و جمع بينا على خير دنيا و اخره
و يحفظنا لبعض
و يبعد عنا كل عين
ياسمين : امين امين امين و تلمه حيل

يدخل اخوها الملقوف

يحب راس اخته

وتبوس ابوها و امها و خالاتها

و اختلط الحابل بالنابل دموع فرح
دموع خوف الام
دموع الاب

دموعها اهي لحبيبها
دموع خالد لها
و ان الله قدره و فرحها و ارتاح

كانت عفويه في اظهارها للفرح
و كان اهو اكثر سعاده لان شاف الراحه بعيونها

يستأذن خالد مودعهم على ان انشاء الله اي ياخذها الساعه 10 بالليل يروحون يتعشون برا


و مر يومين الملجه و الثالث كان العرس

كانت ياسمين تسابق الزمن في تجهيزها
و خالد بعد

كانت تعبانه وايد تجهز للغربه و السفر و الا تجهز جهاز كويتين

كشخات و بدلات

و عفسه
و كانت محتره ان كل الي جهزته بيروح عليها بعد شهر بتقطه و بتسافر عنه

كانو الخوات يجهزون لها حاجات امريكا
و الا و الخالات و العمات للعرس

و كأي عرس كويتي
الزعلان اكثر من الراضي
و البطاقات اوصلت و ماوصلت
و على شان ترتاح ياسمين اسكنت في الفندق
قبلها بيوم
بس على شنو؟؟ 24 ساعه راده البيت عشان ناسيه اغراضها

تجنيد
و ليس تجهيز

محد يعرف لويه العرس الا اهل العرس نفسهم

و في يوم العرس
احلى يوم لياسمين و خالد

تكرس الخالات كل طاقتهم لقرائه الرقيه عليها
ويعلن الدي جي دخول العروس ياسمين

و اتوجه الكاميرات و الكشافات الي تعكس في العين
شعور مرهق
مربك
الفلاشات من صوب
الاضاءه من صوب
الصوت العالي من صوب

تاخذ نفس عميق
و بخطوات متردده
مرتجفه

تدخل و قلبها كل ماله يزيد في الضربات

تتسحب على انغام هب السعد
و من شافت امها تبجي
و اهي تدمع
تقعد في الكوشه

تصور
الدقيقه تمر ساعه

تنطر

و تسمع صوت الدي جي معلن دخول المعرس

تنقز اختها

تركض اختها اتييب لها كلاص ماي

تركز نظرها في خالد المرتبك
لما شافتها و كأنها شافت احلى منظر في حياتها

حست الحين في الراحه بدخول خالد

زادها ثقه
تألق
عدلت من قعدها
شدت ظهرها
و وبنظره وحده على خالد
و ما شافت منو معاه

يقرب خالد منها
يبوسها على راسها

يوقف
يسلم على الوالدين
الاخوان
و الاهل
و كل من زفه

و اخيرا يحب راس امه
و يقعد
يساسر ياسمين

خالد: ماعرفتج شالهزين

ياسمين : تبتسم
و تلمع عينها

خالد يسمك ايدها ..تشد ايده حيل ..حست فيه يرجف..

خالد : سكتي اتنافض
ياسمين : حاسه فيك
خالد: انتي اشلون جذي قاعده واثقه انا حدي اتنافض
ياسمين : عادي خلك طبيعي

تقاطعهم المصوره
و التصرير

خالد يساسرها : شربيني عصير وايد حدي عطشان
ياسمين : تضحك حسبي الله على بلسيك لا تضحكني الناس تخز

خالد: الله يلعنهم هالحريم من شفتهم و اهم يخزون بغيت اطيح

ياسمين : خالد ترا صرنا مسخره اسكت

خالد: اول مرا مرا تصيرين ثقيله ..اووه موديل تزوجت انا عروس ..ديكوور

ياسمين : خالد اشفيييييييك

خالد : بطلع لاعت جبدي من الحريم

ياسمين : اول مرا ادري انك تحن

خالد: عاجبج الوضع ؟؟

شوي
و الا زميلات خالد في العمل يتوجون للكوشه بسلمون عليه

و اهو مخترع
مو عارف شالسالفه

خالد : طاعي هذيلي بنات الدوام و المديره
شكو يايين لي
اقوم؟؟
ياسمين : لألألألأ اقعد بسلمون عليك و انت خلك قاعد

خالد: اش مالا يايين يسلمون ..

ياسمين : لانهم زميلاتك ياين لك انت

و يوصلون البنات
و يسلمون و تطلب منهم ياسمين يصورون وياها

و يباركون و يردون

خالد: شفتي هذي ام الاسود هذي المينونه الي قلت لج عنها تتحرش

ياسمين : ويوم انها تتحرش ليش عازمها

خالد: و من قالج انا عازمهم ..اهم يحنون عازمين نفسهم

ياسمين : يمه منك مشتهي اتعزمهم

خالد:لا اتيبين طاري مصطلحات تأثر على الصحه في هالوقت ..الله يخلي الي اخترع البشت للمعرس

ياسمين : شحقه

خالد: بعدين اقولج

وبعد دقايق

ياسمين : يالله افراج امسك ايدي
خالد: الحين نقص الكيكه

ياسمين : اي بعدين العشا تالي نروح الدار

خالد: لج خلق كيكه انتي مشتهيه كيك ؟؟

ياسمين : هوووووو اشفيك اتحن لازم!!

خالد: بعرف منو الي أألف مراسيم العرس الغبي

ياسمين : مدري ما فكرت ...اضحك للصوره

خالد: تعسرت بروح اناااام

ياسمين : ورانا عشاااااا

خالد: خيبونه فووق

ياسمين : ايبون بوفيه الدار ؟؟
انا ميته يوع مو ماكله من 3 ايام

خالد : ياساتر و انا تعبان من 3 ايام مو نايم
هذي فزعتي من الصبح ما بقا تسليف ما بقى مدنيه
ما بقى عفسسسسه

ياسمين: كلش مو وقت هالمواضيع
استاااااااااااااااااااانس في العرس

يقربون من الكيكه يقطعونها
يصورون ياكلون
و يروحون السويت ينامون

عند الباب تقول ياسمين حق خالد ..

ياسمين : شيلني ..
خالد: يا معوووووده زين شايل عمري

ياسمين : هاهاههاهاهاهاهاهاها اشدعوه بخليك اتشيلني ما تقدر
بس بضحك حاسه انك هلكاان

خالد : بدش الحمام انا قبل اغسل و ابدل
ياسمين : لا انا بدش ابدل

خالد: خووووووو بدلي براا بروح اسبح لايعه جبدي من عمري

ياسمين: انزين انزين ..حبيب قلبي تعبان هلكان من 3 ايام مو نايم و لا ماكل

اكيد بتاخذ شاور الحين و بتنام ...انا بعد هلكانه بنام

يعطيها نظرره و ده يذبحها

خالد: انا تعبان هلكان مو نايم
نغزااااااات ما علي لو فيني المووووووت هم فيني شده

ياسمين تضحك باعلى حسها تلمه
و يلمها

الله يخليك



يقضي خالد و ياسمين شهر عسلهم في الكويت
و بعد اسبوعين يروحون امريكا
و تروح وياه
و في الطياره
يقعد ساعات يفكر في الي صار
ويحمد ربه
و يتذكر الايام الي مرت
يلتفت على ياسمين
يساسرها
اتصدقين ولهان عليها
ياسمين : على منو
خالد: على الي كانت اتأذيني في المسجات

تبتسم ياسمين و يبتسم اهو
و تمشي الحياه فيهم
و فينا

النهايه









49 comments:

albandry said...

heeeeeeeeeeeeeeeeeeeeeeeeeeeee


ana awal wa7da


الف الصلاة والسلام عليك ياحبيب الله محمد

كلولكولكلولولولولولولولولششششش


مابغى خالد ياخذها

يازينه هالخالد
جانزين اكو منه حق
endishmandish
لووووووووووووول

ابتذبحني ادري



يالكلبة يافطيم اسلوبج اينن بالقصة عيشتيني معاهم
وحالتي حالة دموع وبجي جنه صج ما جنه بوست ياخلاف

مرسي جدا نحتاج هالسوالف المشوقة


اههههههههههههههههههههههههه

Anonymous said...

واااااااااااي بعد 4 أيام من التعلق

الحين انهد حييلي من البجي
وااي بموووت

اندمجت مع الأحداث و قلبي قام يرقع

بصراحه ولهنا على النهايات السعيده

بس علقتينا خوش تعللق

لو شايفه ويهي أول يوم وانا مندجه مع الجزء الأول و آخر شي ألاقي...يتبع

بغيت أبجي

أشوه إنج ما طولتي علينا بس
الحمدالله رحمتي حالنا اليوم
لووووول

القصه تينننننننننننننن
إندمجت فيها آآآآخر إندماج
و سيت إنني عايشة الأحداث كأنني أشوفها جدام عيني

اسمالله عليج عسى الله يحفظج
و يخليييج لنا و يخلينا لج طبعا
ههههههههه

Mohammad Al-Yousifi said...

عالبركة عالبركة

نبي التكملة, بعد سنتين من هاليوم شنو صار؟

Mommy S said...

bekhtesar ABDA3TAI
bachaiteeny...wayed endemajt ...thakateeny eb zawajy :)

3ateeja said...

يارج الله يا لوير
اقصد يا ياسمين
:P
حاسه فيج يا وخيتي :( ودنا والله بس الشكوى لله

7osen said...

احييج

حدي استمتعت وانا قاعد اقراها

الحوارات ممتعه وواقعيه

واحسن شي ان النهايه سعيده

قاعد اقرا واقول انشاءالله النهايه سعيده وما يصير شي يكدرهم

فعلا تستاهلين
عشره على عشره

Cr8ivia said...

يحليلي ما بجيت و لا تاثرت و حاتيت

كان عندي احساس انهم بيتزوجون
لول آل احساس آل

خالد يعجبني ثقيل
ياسمين رقله و خفيفه و الله لو واحد يدقرني دقره من دقرات خالد العتيجه جان علوم

بس خذاها قايمه الحظ لول

nice one lawyer waiting for the next (:

NewMe said...

ابدعت في الوصف
جميلة القصة والاجمل كيف رسمت الاحداث
بعفوية تلامس القلب
ابعدتني عن كل هم ينغص علي ايامي
لاعيش اروع اللحظات مع ياسمين وخالد
اشكرك
دومي بحب
تحياتي

Q8LoVeR said...

انتي قناة مومشفره

جان زين الي يحب وحده ويبي يتزوجها جذي سهله السالفه

شكلي بألف قصه عن روحي ;p

بالمبارك حق العرايس

PearL said...

واخيرا ارتحت

ماكو نفس خالد !!!!
:)

اول قصة مت لان مافي مجال للتعليق

التعليق يحوس بقلبي

خالد بالقصة الاولى حده ذكرني بحبيبي

...

القصة تينن حدها

قصتهم حدها حلوة
وايننون

حدي مستانسة عليهم

ومت من القهر لما وصلت بالجزء الاول للآخر وقريت يتبع

ومت اكثر لما بالجزء الثاني اقرا الكلمة مرة ثانية


ماحب اندمج بشي
واقرا هالكلمة

حدي حدي حدي ادمجت
مدونتج صارت اول شي اسويه لما اقعد الصبح
بشوفج كملتي القصة ولا لا

حسيت اني عايشة معاهم
حدي حدي حدي اندمجت بالقصة
الحوار حده واقعي
وايد حلو

الحب اللي بينهم اينن
والله يكثر من امثاله :)

اما عن سالفة " كلمة اختي " حدها تذبح
سألوا مجرب ولا تسألون طبيب :):)


تقهر تموت

...

مابي اخلص من التعليق
بطلع اللي بقلبي
قعدتيني على اعصابي جم يوم تحملي :)


يعطيج الف الف الف عافية عالقصة
حدي احبج :):)

The Simper said...

mafeeha shay el nihaya. 7ad ha 3adiya o maayla wayid for yasmeeen.. nabi shay sijji feeeh looya o swalif mosalsalaat rmuthan ;)

hehehe next time ;)

sOulvOice said...

سرد ولا احلى صراحه


يعطيج الف عافية والله يكثر من امثال خالد وياسمين ;)

Mamloo7a Q8ia said...

القصه حلوه والسرد سلس وحلو ننتظر المزيد

3eShTaw said...

ma7alatah elwa7ed yegra el post men 9eba7 allah khair allah eyhadach ya lawyer, ga3da eb maktebee we3yooni emghorgah :~)

3asa allah yejma3 bain kel athneen ey7eboon ba3ath oo 3asa allah yas3edech inshalla methel ma wanastena bhal qe9a el 7elwah.

teslam edeech eli ektebat oo allah eykather men amthal khaled eb hal denya cuz 9araw aqaleyah :)

نون النساء said...

لو مو متزوجين
جااان ارتكبت فيج اثم يا فطوم


وااااااااااااااااااااااااي

اشحلاااتهم
دمعت عيني من الوناسه

أدرييييييي انها قصة
بس شسوييييييييي

Purplecious said...

أنا أمس قريت القصة بس توني أعلق لأني قريت الجزء الثاني والخير مره واحده فا كانت حالتي كسيفة ما تسمح بالتعليق.. القصه حلوة وواقعية وعفوية ,استمتعت بالحوار و الاحداث و الشخصيات ,, كان عندي ملاحظه بس هونت ماني قايلة:p~
يعطيج ألفففف عافية..

Diver said...

الحمد لله اشوه بعد ماكو جزء غير هذا حق التعلق

بس على العموم و كلعادة اسلوب سهل ممتنع ممتع افتقدناه من زمان

جنة الحواس said...
This comment has been removed by a blog administrator.
جنة الحواس said...

الله

مشكووورة .. وايد وايد استمتعت

lawyer said...

في البدايه انا اشكركم وايد على دعمكم المعنوي الدائم لي

اشكركم من كل قلبي

انكم عطيتوني من وقتكم

و قريتو القصص

انشاء الله دايما مستمتعين يا رب


احبكم

lawyer said...

البندري
ههههههههه
لا اكو اكو

بس انتي ادعيلها من قلبج و اهي بتاخذ احسن الرياايل انشاء الله قولي امين




سنو فليك

حبيبه قلبي

كلامج يشرح القلب مثل الضحكه الي في صورتج

حياتي انتي

يارب دايما مستانسه قولي امين

و تكون حياتج كلها نهايات سعيده يا رب




مطقوق
لوووووووووول

مدري مدري انطر مودي على حسب المود هههههههه

lawyer said...

شيخونه
اهلا اهلا هذي الساعه المباركه

الي شفتج فيها

بعد روحي

يارب تكون ايامج كلها حلوه و اكثر ممن ما تتمنين





عتيجه

بعد عمري شخبارج وينج؟؟

يابعد عمري

فاهمه فاهمه

lawyer said...

حسين

شكرااااا لك

هذا بس من ذوقك

اهم شي الواقعيه لان احنا في حياه صارت مصنعه

تعبنا من الهم



كراتيفيا
بعد روحي مشكووووره

ايي اتيين منقووزه

بعد حظها قايم هههههههههه


:pPPp

lawyer said...

newme

اهلا اهلا سعدت لاستمتاعك

يارب يبعد عنك كل هم يا رب

q8lover

ههههههههه كيفي ببدع لا تكبت مواهبني خلني خلني




بيرل

وااااااااي تعليقج ايييييييينن اكثر من القصه
فششششششله

انا في العمل

اقرا تعليقج و تدمع عيني

حيااااااااااتي
انتي

بيررررررررررررل

تعبت نفسيا من كلامج الحلو

اخذي راحتج

انا مستمتعه

و انا احبج

حفظج الله

lawyer said...

سمبررررر


ههههههههههه يا ويلك من كيتي

بتذبحك

انا هالقصه كاتبتها عشانها تقولي فيني رومانسيه فيني حب ابي شي حلو
نزلت هالقصه
و انت تقول جذي

انا بخلي كيتي ترد عليك بس وخر عن الشااشه لا تلزق
عشان ما تنصمخ من الصراخ
ههههههههههههه




mulan

ameeeeeeeen ya raaaaaab

enshalla

الله يرزقك كل انسان الصالح و الاخير بس ابن ادم عجول




سولفويس

اميييييييين

اشكرج على وقتج :))

الحمدلله استمتعتي




مملوحه
اهلا فيج

الله يسلمج حلت دنياج

lawyer said...

شواطئ

اهلا اهلا فيييييج

حياج الله منوره حبيبتي

الحمدلله على استمتاعج

دوم يا رب




عشتو

بعد عمري انتي

امييييييين يا رب يكثر منهم


يا ويلكم من ياسمين بتمووت غيره
كل من حب ريلها
ههههههههههههه






نون النساء

هههههههههههههههههههه

جان انا ارتكبت في روحي اثم

ههههههههههههههههه

استانسيييييييي

مالنا الا الخيال ياختج

اما الفشل شي ملازم لنا





بربل

حبيبه قلبي انتي

لااااااا بليز قولي شنو ملاحظتج
اخذي راحتج





دايفر
الله يسلمك

و يجبر في خاطرك

:)



بروك
بعد روحي انتي

قولي امييييييييييييين الله ينور حياتج في واحد احسن من خالد :))

طائر بلا وطن said...

عجيبة يا لوير .. بدعتي
ماشالله

و اشوة انها نهاية سعيدة
تعقدنا
هههههههههههه

بس جد جد روعة و تعيشين الواحد الحدث

و غير هالشي

انتي قاعدة بمخ الريال و متربعه بعد
تفهمين اشلون يفكر و بادق التفاصيل

لافتة نظري هالنقطة حيل مو شوي

lawyer said...

كيتي

وييييييييي يا بعد عمري عمرج

سامحيييييييينني


شسوي نسيييييييت راح عن بالي

لهوه لهوه

بس لا تفشليني و تقولين احن ههههههههه


بعد روحي اشوه انج استانستي



اقوووووول كيتي

شعنده سمبر اشعنده؟؟

اتشوفييييييينه


اي تكفين تكفين
وصيييه علي

وصيييييه

فشلني يقول بسكم رومانسيه
يبي اكشن


يبي مخافر

يبي دماااااان اتطشر

ههههههههههه

lawyer said...

طائر بلا وطن

تبي الصراحه

سرحت في تعليقك
رووووووووعه

اشكرك اشكرك

طائر

كومنتك يبيله بوسسسست

ببروزه عندي

بسوي كووبي و برنت

من وناستي والله

السر في تربعي لعقل الرجل

هو ان المرأه تحتاج رجل واحد
حتى تعرف جميع الرجال

يا طائر

مو مني مو مني

من التدقر

قايمه ماكله تدقر
و شاربه تدقر

لي الله

violinist_q8 said...

قريت القصه كامله

نايس

بغض النظر عن بعض الكلمات

الدخيله ببعض الجُمل

الي خلتني أحس
انهم ربع دوانيه :))

يعطيج العافيه

Rain Drop said...

وااي وناسه :)
وايد حلوة النهاية
واسلوبج حلوووووو يا لوير
ابداع
يعطيج العافية

Mother Courage said...

منة المال و منها العيال...الف مبروك

Warda said...

allaaaaaaaaaaaaaaah

il qe9aaa ityanin :) ana gemt ma a7eb il nehayattt il 7azeeeenaaa :) a7ib il nehayaaat il zainaaaa :)

thanks

Reflections said...

Lawyer Lawyer Laywer...

Ana o SnowFlake.. 7alatna Kaseefa o kella meneCh!! :P

wana aGra Part one.. ga3da aZahib elComment eb Baaly.. o meshta6a .. o na6ra etkhalis elQessa 3aShan a6ale3 ely eBgalby.. wela Chak Bom .. Yatba3!!! na3ammm!! LAWYER SHTABEEEEEEEEN 3ALLAQTEENAA !!

3ogb Yomeen.. Snowflake tgoly PLz PLz la tegrain part 2 ra7 eta3allegeen eZyada.. i'm like i can handle it lol

la Jad ta3allagt.. bs thank u for the happy ending.. Maleena mn el7eZen .. ebro7 fena ely kafena.. :/

neelaah said...

عجيبه القصه

انا لو منهم املج و اسافر بلا عرس بلا بطيخ

ترى وايد تكتبين حلو
والله فكري تكتبين سيناريو

lawyer said...

violinist

اهم شي اعجبتك

اما عن احساسك بانهم ربع في دوانيه

فها الي حبيت اوصله

ان الصداقه اروع شي و اقرب طريج للحب

احلى شي في العلاقه بين كل اثنين يحبون بعض
ان متى ما حس انه يحتاج صديق يلاقيها
متى ما احتاج ظهر يلاقيها

متى ما احتاج حب يلاقيها





قطره مطر

اشكرج على كلامج
حياج الله منوره





برافا
ههههههههههه

الله يبارك فيك

الفال لك انشاء الله

lawyer said...

warda

ورده هنا

يا مرحبا يا مرحبا

نووووور نوووووووور

يختي الحب الحب

وبعدين ليش اندور نهايات تعيسه

مو كافي نهاياتنا و حياتنا
خليها على الله


عندكم لوير اقوى فشل عاطفي في هالكووون


كافي الي فيني





رفلكشن
يا بعد عمري عمرج

وي وي وي طلعت انا ادقر اكثر من خالد ههههههههههههه

يا ويلي من الله مسكره هالكومنت يا بعد روحي انتي

اي والله صاجه كافي الي فينا

lawyer said...

نيله

بعد روحي انتي الحمدلله اعجبتك

لان رايج وايد مهم عندي

اما بالنسبه للسيناريو

اكتبه لمنو؟؟

ماني طابه في الوضع

يعني انا اكتب و الاقي سميره سعيد مادري فجر السعيد

تنتج
بل بلبل

كااااااااااافي علي الي احبهم و يحبوني

كافي علي البلوج

انتو عندي بالدنيا والله

violinist_q8 said...

lawyer

وصلتي الاحساس ومفهوم الصداقه والحب صح

اتمنى ان كلامي ماينفهم غلط

عندج المواقف الي قلتيها روعه

بيرفكت بالنسبة لي عالأقل

لكن السب طيّح الميانه وايد :P

العلاقة بين الجنسين تختلف عن العلاقه

بين الجنس الواحد

على هالطاري حبيت اقول معلومه قريتها من فتره ومو متأكد منها لكن احسها واقعيه !!

يقولون : ان الحب مدته 3 سنين !

والي يبقى من بعد الحب اهو التفاهم والاحترام المتبادل بفترة الحب


شكرا لج لوير واسف عالازعاج
تبقين استاذه

Purplecious said...

لوير لوير لوير

القصة اتياااااانننننننننن
احلى ما فيها العفوية والواقعية
حسينا هالشخصيات عايشه معنا

وايد عجبني شلون غصتي في أعماق خالد و وريتينا شلون يفكر و يقرر بشكل جميل و وضحتيلنا الفرق بين تفكير الريال و تفكير البنت.. بس ملاحظتي بالنسبة حق راي الشخصي ما حسيت انج عبرتي عن مشاعر ياسمين بشكل واضح يعني كان ممكن تزيدين شوي الانفعالات و اختلاط المشاعر عندها و المخاوف اللي كانت تفكر فيها

مادري اذا كان قصدج انها ما تدري عن شي بس مهما كان اكيد البنت تحس بحبيبها (انا أقصد شلون كانت تفكر بينها و بين نفسها ) هل لهالدرجة كانت ضامنه انه خالد مردة لها و بياخذها ..جذي :)

مادري انا هذا راي انتي شرايج؟ :)

Anonymous said...

اللله وناسه صج قصة ولا أروع ع ع ع
اتصدقين وانا أقرا القصه تقمصت الشخصيه كنت أتمنى أعيششش قصة حب ناجحه ههههههههههههه
يعطييج العافيه بس بفهم انتى من وين تكتبينهم ؟؟ هل من الواقع ولا من فكرج ؟؟

lawyer said...

violist

اشكرك على الرد و التوضيح

اشكرك وايد على معلوماتك

ترا والله ما فهمتك غلط و لا شي

صدقني بس حبيت اوصلك و اتوصلي وجهه نظر


و على طاري الحب

والله يمكن بس مادري

!!!!!!

3 سنين مو جنه شوي

ومنكم نستفيد

يعني انا الحين ما احب امي

و الا قصدك بس حب الجنسين لبعضهم

اما بالنسبه للحوارات

صح صح صح
كلامك
بس على فكره

انا رفيجتي يدق عليها ريلها يقولها

ام سعيدان بدل بدل ياي امرك انا

ههههههههههه اهي مو ام سعيدان

و ليش يقولها ياي امرك

اذا اطلعوا ويا بعض يقولها ها اشرايك اليوم انرقم بو عليوي !!

و طول يومه يستمتع وياها كاصدقااااء
بس في نهايه اليوم قبل لا ينااام

يلمها و يقولها انتي عندي بالدنيا كله

ترا هذي رفيجتي
مو احد ثاني

تعتقد ريلها ما يحبها؟؟

انا احس هذا احلى انواع الحب


الراحه

الراحه
الراحه





بربل
انتي رابع وحده تقولي هالكلام
ان انتي ما طلعتي مشاعر البنت الحقيقه لما رفيجها
يحبها و يخطبها


صدقيني كلش ما كانت متأكده بينها و بين نفسها انه بياخذها

بس لو بعبر يا بربل

انتي تدرين تعبير البنات مو حجي

تعبيرنا
مختلف

قبل الزواج

البنت تسب و تلعن في رفيجها بينها و بين نفسها مليون مرا في اليوم

بس هذا الشي بينها و بين نفسها
ما بغيت اكتب هالشي الناس راح تكرها


و بعد الزواج
اول الايام 24 ساعه حبني و احبك

ما حبيت
اشوه الاحداث بالعواطف

هذي كانت وجهه نظري

اسفه بس صدقيني راح احط ملاحظتج في عين الاعتبار

مرا ثانيه صدقيني

اشكرج وايد وايد





بوب كورن
حبيبتي يا رب تكونين من اسعد الناس

تقمصي
و انشاء الله تفائلي بالخير تجدينه يا رب

Dirty Wind said...

اعزائي..!! شاركو معنا بالتصويت الجديد

kuwaite said...

النفاق لاعب دور خيالي


:)

kuwaitia said...

اسلوبج اينن عشت معاهم جنى انا ياسمين

مابغى هالخالد يتزوجها

violinist_q8 said...

بالعكس الموقف الي قلتيه فعلا حلو

غشمره حلوه

والله يخليهم لبعض

خلاصه ردودي كاملة

يبقى الرجل رجل و الانثى انثى

بالكلام . . الفعل . . وردة الفعل حتى


معلش عالمثال

لما الزوج يتغشمر مع زوجته
ويصير ضغاط بينهم
لحد الحين حلو مافي شي
بس !
مثلا يتغشمر ينقد على لبسها شعرها

واهي ردت عليه
نفس الرد
وصلت لـ روحي لا طراق . . ومن هالكلام

اهم يعتبرونها غشمره
لكن اعتبرها بداية نهايه

اذا اهو ماحسس مرته انها انثى تحتاج لكلام انعم حتى بالغشمره

واذا اهي ماحسسته انها انثى فيها كل شي يحتاجه

شلون بيتمون ويفهمون نفسهم عدل ؟

بالاخير كل واحد واسلوبه

في ناس غشمرجيه وايد
لدرجه انهم يغيرون معنى الغشمره
من ( اضحك معاك )
لي
اضحك عليك

اخر شي بالنسبة لمدة االحب
هذي معلومه سمعتها

قصدهم فيها حب الزواج
بعد الارتباط والمسؤولية

سوري طولت

وشكرا عالموضوع بانتظار جديدج

lawyer said...

q8- diver

:)

هههههههههههه مت ضحك مت ضحك من التعليق

وجهه نظر احترمها بس مدري ليش مت ضحك

يا ويلك من البنات لي قروا كومنتك بصرخون عليك

دايفرررررررر يا كرهك

ههههههههههههههه

اشكر وجودك



كويتيه

صباحج ورد
بعد روحي

اهم شي انج استمتعتي

:)

lawyer said...

violinst

اييييييييييه الحين فهمتك عدل
لا لا لا بل شنووو يعني واحد يقول حق مرته كشتج و مدري شنو و اهي ترد عليه من حلاتك

هذي اسمحلي مو غشمره

هذي وقاحه

هذي اهانه !!!!!

انا لو ريلي يجرحني في شكلي او اي شي ثاني

ماراح ارد عليه لاني بكون وقتها ميته بجي

فعلا عامل الناس كما تحب ان يعاملوك

انا الحين فهمتك عدل
انت تؤمن بصداقه الزوجين

ولكن ليس لدرجه وقاحتهم
فعلا كلامك صحيح اميه بالميه

اشكرك وايد على توضيح الامر لي

Nescafé said...

يااااحلو النهايات الحلوه
الحين اقدر انام .. انا كنت قاريه قصه تضيق الخلق وغلقت بس لما قريت قصتج استانست وارتحت لول

تصبحين على خير