Thursday, November 30, 2006

اختلفنا



برا السياره

مطر
و الشوارع زحمه
داخل السياره
اثنين يعشقون بعض

داخل السياره الرؤيه معدومه من المطر

لكن ماهمهم غير عيون بعض

على صوت المطر

على صوت محمد عبده و اهو يغني اختلفنا مين يحب الثاني اكثر

كانت تغني بصوتها النشاز

كان يتحلي عليها
و يطلب منها تكمل

بعد سبع سنوات
ما بقى لها الا ذكرى
و صوت مطر

و اغنيه


عتمه شعرها

و سواد عيونها

مابقى الا ظلام

و كلمات اسير الشوق

اختلفنا من يحب الثاني اكثر

و اتفقنا

انك اكثر و انا اكثر

من عدد رمل الصحاري

من المطر اكثر و اكثر

كيف نخفي حبنا و الشوق فاضح

و في ملامحنا من اللهفه ملامح

عاشقين و نبضنا طفل حنون لو تزاعلنا يسامح

و الهوي شي مقدر

!!!

و ماكنت اصدق لما يقولون الهوى شي مقدر

لاني ادري قدري في هذه السياره

و تحت هالمطر

وبعد سبع سنين

مابقالي الا ذكرى

14 comments:

esTeKaNa said...

!!الهوى شي مقدر
اقري البوست مالي اليوم
رد على هالحجوة
.
.
اممممم
مطر
واسير الشوق
واختلفنا
راح تحبين كل شي حولج
:)

Яeema said...

Love is a moment that lasts forever...


أحلا مافي الحب مو الحب
هي الذكريات

هي نبض القلب


بتقول إنساك - وائل
جسار

طائر بلا أجنحة said...

ما شاء الله تكتبين وايد و ماني ملحق خبري في قصة خالد و ياسمين الجزء الثاني

:)

بس بصراحة قلمك سلس و كتاباتك كنسمة
و تلقائية

نزيف جميل لموهبة أجمل

lawyer said...

استكانه
اي والله كل شي حلو

ريما

وااااااااي يا حلات الاغنيه

عجيبه

اتينن

:)))

lawyer said...

طائر بلا اجنحه

لا بليز خلك مركز وياي و زيارتد لي يسعدني

بس شد حيلك و اقرا البوستات و استمتع

انا يا طائر موهبه

انت تقول عني جذي
يابختي
انا اصلا استحي حتى اعلق عندك من كتاباتك
الاكثر من رائعه

Cr8ivia said...

الحب تدري بي
ماهو بيدي

سيدك تراه الهوى


و سيدي !

Reflections said...

*الهوى شي مقدر*


تسلم اللأيادي الي اكتبت البوست

لوير و تقوليــــن انتي مو رومانسية!! يمة يالجمبزة :P

الاء سعود المجيبل said...

وااااو اغنية محمد عبدو هذي اتينن اصلا احساس بو نورة عجييييييب في وقت الحب تلقين بو نورة وفي وقت الفراق تلقين بو نورة وفي وقت الحزن تلقينه وفي وقت العشق تلقينه وفي وقت الشوق والوله والذكريات تلقينه...:)


الذكريات احلى شيء في هالدنيا اعتبرهم عيالي اللي ما اقدر استغنى عنهم...:)


ذكراج مليانه دفا يا لوير...:)

{ 13 } said...

بعد سبع سنين ومو عارفين منو يحب الثاني اكثر؟؟ يخرب بيت "الفضاوة "بس لوووووووووووول

سبع سنين غيرهم وتاخذ تقاعد :-p

tweety said...

هذا تحريض مباشر على الحب !!
مطلوب حبيب
لووول

على قولة ريما الحب لحظة او بالكثير لحظات ومجموعها يشكل عمر الحب

3ateeja said...

في ناس تعيش وتموت وماتحب...ماصار فيهم شي
وتبقى الذكرى

nachla said...

الاماكن اللي مريت انت فيها عايشا بروحي وابيها
...
بس لكن مالقيتك
....
....
على امل اللقا في ناس عايشا
وعلى امل الحب وعلى احساس ينبض ما مات
شكرا على البوست الحلو

7osen said...

اتعلمين اي حزن يبعث المطر

وكيف يشعر الوحيد فيه بالضياع


الذكريات

مايضل الا الذكريات

شيء مؤلم جدا
:(

على جروحي مشت حروفج
انتي بعيده هناك
وانا بحساسي اشوفج

barrak said...

الصوره ادخلتني في دهاليز الذكريات
وعندما قرات الموضوع
اختلفت مع احاسيسي
شكرا لتلك العذوبه