Thursday, January 11, 2007

في غرفه التبديل


سمعوا الاغنيه لقراءه البوست
لانه بوست مسموع هالمرا
في غرفه التبديل مع زوجها
تضحكنا بتصرفاتها قائله

ارمي الفوطه بالسله
اتمايل مع دقات الاغنيه
و اتوجه للمرايا
ماسكه المشط و اغني
ايني يدزني بوسطه (بحركه راقصه منه)
حركه اتطيرني
يزاحمني على المنظراا
انا واقفه جدامه

اغني انا مع شرين و اطالعه و ارقص
اخرك هنا
اخرك انا
اخر ماكنت بتتمنى
قلبي البرئ
حبي الجرئ
شي مستحيل تقدر تنسى

يسحب المشط مني
يقرب عند المنظره
يمشط و يقرب مني يغني باذوني
مع تامر
ليلك انا
سهرك انا
و الهمس و الشوق و الاحساس
شهد الحيا
انا منتهااااه
و انت الي عندي بكل الناس

اهز جتفي مع الكورال
و البس ملابسي
و اعطيه ظهري يسكرلي السحاب
و اغني مع شرين
صوتك انا
حسك انا
حتى لو بتفكر تنساني
تقدر تعيش ما تحبنيش
تقدر تجيب حد مكاني
يرد علي مع تامر
روحي انا
اقدر انا
انسى
الي مخلوق عشاني
ما انا لونسيت
يبقى تناسيت
ما انا مش حعيش بعدك تاني

و انتمايل انا معاه مع دقات الاغنيه و الموسيقى
يسحب ريموت الاستيريو
و يقولي سمعي بس سمعي انا برد عليج
اتخصرله يالله سمعني

يهز جتفه
و رقبته
و يرفع ايده فوق
ايواا
يناديني بيده و بكتفه
و يغني مع تامر
قرب حبيبي
قرب تعالى
ليه سايبني بنار يا حبيبي

و يهز
و انا ميته من الضحك على شكله
يغني مع تامر
انت الي في قلبي
و و لا غيري في قلبك
يبأ ليه نحتار يا حبيبي
يبقا ليه نحتار

و يهززززززز هزززززز ريلي بطريقه تموت من الضحك
بس مادري ليش يغني و يقول ايواااااااا
و انا اموت على شكله
بوكسر و دلاقات و يرقص
اتجاوب مع كتوفه و اهز ويااااااااااه
يحاوطني بذراعه
و يغني مع تامر
و انا اغني مع الكورال
و يعطيني الظربه القاظيه في خصره
يكسرلي حووضي
ايني بخطوات راقصه و انا مندمجه احط كحل
يطق ريولي من ورا عند الركب
يخلي مكياجي يعتفس و اكسر وقفتي
اصرررررررخ
بسسسسسسسس
يضحك على
يلبس و يطلع
قليل من الضحك
قليل من الاغاني و الهز في الويك اند
يخلي غرفه التبديل مكان يبدي فيه احلى ويك اند

22 comments:

lawyer said...

ترا ساعه اضبط البوست متعسر وياي


مدري ليش اشكبرها كلمه اتضحكنا قائله !!


مدري ليش الحجي لازق عيزت اعدله سامحوني
عسرني و تعسر الكلام

albandry said...

واي عليج

حرام عليج
مانعيش احنا رومانسيات جذي
ذكرتيني بالروايات الرومنطيقية

بس اسلوبج رهيب سردج مو طبيعي
وايد حقيقي
حبيت الاغنية من هالقصة

توقعت هالاغنية
كل مرة اشوفك فيها ابقى نفسي اه.......اجيلك اقولك

لووول

Cr8ivia said...

واااااااااااااااااااااااااااااااي لوير

ابي
:~

يا حلوة هذا مو سليمانو ريل غنمو الثوله!

حتى انا عانيت بتلصق الحجي قمت اكتب في الفرونت بيج و انسخه في البلوق عقب فكني

Mudhaf said...

اكتشفت موهبه يديده فيج
غير الكتابه

اخراج فيديو كليبات :P

Mother Courage said...

Tizawajtay?

ALF MABROOK!!
=)

Reflections said...

Lawyerrrrrrrrrrrr

الاغنييييية طول عمرها تحررررني و ما اشتهيها .. بس حبيتها من هالسين :\

حرام عليج تسوين فينا جذي.. :\

بس جد الله يحفظج على هالاسلوب في سرد التفاصيل !!

Lovely!

charisma said...

looooooooooooool

ayanen el wath3 hehehhe 7dhum zoqaa bs alah yehadehum el a`3any lech 3lehaa shway lol

eyeny ryli ye`3any hal song betheeq `7lgee hehhehhe

rayaal ethaa ma yani b3adany wlaa a`3any gabel wlaa y36eny abo baker yaa salaaaaaaaaaaam hatha el rayal ely amoot 3leeeh

hehhehehehhe

;)

post 3ajeb 3eshtaa el 9ara7aa
tslm eedch
:)

PearL said...

البوست وايد حلو
وعجبني الفيديو كليب :)


حده رومانسي و كيوووت

بس توني ادري انج متزوجة !!

chatterbox said...

منو متزوجة؟؟؟؟

lawyer said...

اخواني و خواتي البوستات الي اكتبها عباره عن قصص .. مواقف...
كتابات ممتعه ...

ما تعني ان هذي انا ..

و لا تتعني انها رفيجتي

بوستاتي اهي كتاباتي
فقط كتاباتي


:)


البندري صباحج عسل
مشكووووره حياتي
اهم شي اعجبتج :))



كراتيفيا

انشاء الله انشاء الله قريبا
باييج الي يسويلج جذي بس انتي شدي حيلج في شسمه ..عرفتي ماله داعي اقول

والله انا اكتب في الورد تالي اسوي كووبي


مضف
ههههههههههههههههههههه
يعني انافس
باجر اقدم طلب عند روتانا
بس اخاف يعجبني الوضع و ااغني
تخيلووووو فجأه لوير
فيديو كليب و هز يا وز
و فلوووووووس

واي واي بمووج عليكم عاد



برافا
نوووووووو حبي ما تزوجت

هههههههههههههه

انتي من صجج لوير تتزوج من غير ما تخلي حتى قوقل يحتفل في هالشي
تعميم عام على بلوجات كلها
خبر زواجي
و بنقل لكم مباشر دخله العروس



رفلاكشن
حياتي انتي اهم شي استاناستي
لا تحروووووووووون نفسكم ترا ماكو شي جذي في الصج

هالسوالف هذي كلها خيال في خيال

اقول شخباركم كلكم و شلون سنو فليك
و بربل
عشتوو



كارزما
ههههههههههههههه
ههههههههههههههههه
اي عادي خيغني اغاني هشك بشك اصلا تعطي جووووووو

و ضحك
ههههههههههههههههههه

يعني تخيلي اييج ريلج يغني

العنب العنبب

فكهاني و بحب المانجا
هههههههههههههههههه

نورتي كارزما :))




بيرل

في غرفه التبديل مع زوجها
تضحكنا بتصرفاتها قائله

انا حطيت هالمقدمه عشان تعرفون ان مجرد بوست قصه قصه

مو اني انا متزوجه



شاتربوكس
محد متزوج :)))

هذا بووووووست

shakshaka said...

ra'a9ny ya gada3 3ala wa7da wo nu999:P cuuute 7abait'hummmm aslan eshta6ait gomt aghany eb 9oot 3aly wela eb marrat okhoiy egooli TIKFAAAIN re7meeena:P hehehehehehe

elq87obi said...

و حتى انا توني ادرين انج متزوجه كنت حاس فيج و الحين عرفت لوووول :)

بووست حلو و الفيديو كليب حده ممتع

سلاامي لج :)

فركاش said...

nice post bas kathray min storys ;)

طائر بلا أجنحة said...

فعلاً خيال ....لكنه خيال متمرد

صورك التعبيرية دائماً تختطف أبتسامة

ليسعد هو بك و تسعدي أنتي بمشاغبته

:)

يوم سعيد

KQ8 said...

اقول لوير..شوفي المتزوجات من خواتج البلوغريات..وشوفي خشتهم شلون سايحة..وتعالي بعدين حلمي

بس ماعليه..حلم يبا حلم

lawyer said...

للمرا المليووووووون

هذا خيال خيال

انا مو متزوجه

شكشكه

مووووووووووووو انتي قلتيلي كثري في هالبرد

ههههههههههههه



الكويت حبي
موووووووووووووووووووووو متزوجه
انا عانس مع سبق الاصرار



فركاش

اهلا اهلا منور
انشاء الله

طائر
شكرااااااا شكرا تسلم
بس مادري ليش الكل يظن انه شي حقيقي

هالخيال لا يمكن الا ان يكون في افكار بنت متمرده

بذمتك انت تصدق اكو واحد جذي

lawyer said...

كاراكوتا

هههههههههههههههههههه

مت مت مت ضحك

بخليهم اهم يردون عليك

ههههههههههههههههه

واي من وين اتييب هالحجي

هههههههههههههههههههههه


طبيت فيهم طبه قاظيه


فشلتناااااااااااااا


ههههههههههههههههههههههه
هههههههههههههههههههههههه
هههههههههههههههههههههه

نون النساء said...

:/
يا حلووو الخيال

احنا شنو مخلينا عايشين غير هالخيال
امبيييه لوير
طلعت من بين الأوراق المكدسة عندي وقريت البوست

امااااااااااانة
اذا اكو منه
باخذه و
راح أغير فكرتي
وأوافق على الزواج ككل
وأفرح قلب اميمتي..
بدال حنتها علي طول الوقت

هههههههههههههههههههههه


بس المشكلة خياااااااااااااال

Kwaitiyya said...

واي لوير
حدها عجيييييييببه القصه
واي أبي أبي أبي جذي !! يالله ياربي ترزقنا
أول مره أحس إني أبي أتزوج ! لوول !
حرام عليج لوير شهالرومانسية !
عاد صج أكو شباب جذي؟؟؟؟
اللي أعرفه كله ينزرون وعاقدين النونه وكله برستيج فووق فووق
لول

يالله إنشالله يا لوير يصير صج مع من تبين وتحبين

بعد كثري من هالسوالف وناسه لول

barrak said...

وناسه

Q80-ChillGirl said...
This comment has been removed by a blog administrator.
Q80-ChillGirl said...

الله يرزقنا و يرزق من يحب الحب هالبساطه بالتعبير عن الحب والحميميه و اللي تشلع القلب

هاللحظات اللي وصفتيها بالدنيا و ياليت تنتشر عدوى هالشغلات بين المتزوجين