انا و زوجي نتابع برنامج فوزيه الدريع كل سبت
و بما اني حامل في الشهر الخامس و بما اني ما حملت الا بعد علاج اربع سنوات
فشكلي الله لا يوريكم ..منسدحه على ظهري طول الوقت و لا اقدر اتحرك و لا اقدر اسوي شي
و تتسلط مرات الدكتوره فوزيه و اتييب مواضيع تحرجني ...بس طاف لكن الحلقه الي فاتت تسلطت الله يسامحها ويا ضيفتها عن اللياقه البدنيه في الجنس .. و انا حامل و هذا وضعي ....و مسكين ريلي متحملني لان يدري في معاناتي ... لكن انقص ويهي لما تسولف عن لياقه الحامل الجنسيه !! و البوزشن و الحركات و تفاصيل .. ريلي قام يطالعني .. عطيته ابتسامه صفرا .. ريلي حس اني فعلا اني انحرجت..
ماكان ودي اييبون طاري هالسوالف في وضعي هذا .. انا مفهمه ريلي ان كل الحمل وضعهم مثلي ..
بس الله يهداها فججت عيونه علي.. عطاني نظره ..شافني منحرجه... قرب اكثر مني ... لمني حيل من زمان ما لمني جذي..
قالي كلمه رنت باذني عدل .. اقوول عمري ..هذي يوم انها شاقه الفراش شق علامها هالمتن !! ذبحتنا سعرات حراريه و لياقه و برابيس
اشووفها ... ما عليج منهم ما عليج منهم بس تركيهم عنج خرابيطهم وايد هالحريم !!
بعد عمممممممممممممري ريلي حياتي ..برد على قلبي اي والله صاجه يوم انها شاقه الفراش بالطول و العرض علامها جذي و تفشلني جدامه
والله توني ادري انه يحبني هالكثر...
الله يسامحج دكتوره فوزيه فشلتيني عند ريلي
13 comments:
يا حيااتي
حبيت ريلها
هذيله الرياييل اللي يقدرون
موضوعج حلوو
لان صج الحامل تعاني من هالشي
خصوصا اذا بعد فترة طويلة حملت :)
خوش ريال
واحد بين كل 10 الاف ريال كويتي بمعنى الكلمة
اما على سالفة فوزيه و اللي معاها فالعبره مو بالوزن :P
بس هم هذا تساؤلنا دايما
غلطانين يشاهدوا هالبرنامج وهم في هالوضع:P
بيرل
صبااااااحج ورد شفتي الجو من الصبح اشلون خيال ...
اي اكيد الحامل معاناه من اول لي يوم بعد الاربعين و تالي معاناه طفل لين يكبر...
الله يقوم بالصحه و العافيه كل مرا حامل
كراتيفيا
من شفتج معلقه قلب والله بطب في الرياييل
ههههههههههههههه
قريت
واحد بين كل 10 الاف ريال كويتي بمعنى الكلمة
قلت اييييييييه :))
هههههههههههههه
اي فعلا
الله يعطيها الصحه و العافيه لا تشيش الريااييل علينا كافي ظيم طنازتهم من الصبح
هوبلس
يعني نوع من المتابعه و الفضول حوالين بعض المواضيع..
يا معوده..اخاف صج فوزية دريع..من قبل الغزو واهي تلعلع وتلبح
وعلى الطل..
انا بسأل سؤال هاللي اتحجى عنه هذا وهالسوالف اللي لازم الواحد او الوحده يطبقها بحياته..اهي تسوي جذيه وتطبقها..ولا باب النجار مخلع
امبيييييييييه
اهو صاج اكو وحدة ابهالشكل ولياقة
حتجيبها منين يعني
اتفشل المرة اللي يايبينها خل اييبو شي واقعي مو نفس هذي خربوتة
بس في مثل هالرجال ياي حبيته جميل جدا
من المشاهد التي تسر عيني والتي أكن لها كل إحترام وتقدير هو منظر المرأة الحامل. ولا يمكن مهما فعلنا أن نرد شئ بسيط من فضل الأم علينا. وهذه قصة قصيرة عن فضل الأم
يحكى أن رجل يماني يطوف بالبيت، يحمل أمه العجوز على ظهره، ويطوف
بها بالبيت، من منا يفعل هذا؟ ومن منا يتصور هذا قبل أن يفعله؟
يحمل أمه على ظهره ثم يطوف حول البيت ، هل وصلنا بالبر إلى هذا المستوى؟ هل وصلنا بطاعة الوالدين وحبهما إلى هذه الدرجة؟ يحملها على ظهره فيطوف بالبيت، فيرى ابن عمر ذلك الرجل الصحابي الفقيه، فقال له: [يا ابن عمر ! أتراني جزيتها؟ -تراني بهذا الفعل جزيت حق أمي وأرجعت لها الحقوق- فقال له ذلك الرجل العالم ابن عمر : لا. ولا بزفرة من زفراتها ]، ولا بطلقة من طلقاتها حين وضعتك من بطنها
واخزياااااه
ليش الاحراج
كراكاتو
والله مدري بس اكيد علاقتها صح و اتعرف كل شي و مطبقه و اكيد ناحجه بس لا تفشل الحريم و اطلع خمالهم عند الريايل
البندري
اييييييي تموتين على السنع انتي :)
دصالح
كلامك درر
والله و انا اقراسطورك استمتعك
و قلت الله
فعلااااااا
الحياه وو الام اسمى بكثير
سلوجا
جني اشووف كشرتك من اهني لي اهني:)
فوزية وايد تخدش الحياء
كم مرة إخدشت حيائي وأنا إمجابله التلفزيون مع أمي وأبوي
وافشلتااااه !
هذي لازم نشوفها وحيديين
بس حبيت الريال!! هذا كويتي؟؟؟
ما اشوف انها فشلتها جدام زوجها كثر ما انها قالت اشياء ممكن تصير، عاد من وحده لي وحده يفرق الموضوع و اللي يحب "مثل اللي يحليله فووق بوسط الحجي" بيقدر مرته و بيتحملها لان اللي ايتحمل علشانها اهي حبيبته و شايله ضناه
ما اايد اللي دخلوا حياة الدكتورة فوزية بالموضوع مع احترامي لهم، و هم تسائلوا انها اتطبق اللي تقوله او لاء؟ هذا مو موضوعنا،، يعني لو اكو دكتور شرايين شاطر ما تروحون له لانه ايدخن؟ هذا شي خاص فيه اللي للدكتور علينا العلاج و الارشاد و بالنهايه اهو بشر مثلنا، صحيح حلو ان الشخص يكون مثال بالكلام اللي يقوله بس لو ماكان ننكر نصائحه و اراءه؟، و محد مجبور على اي شي :) و اللي يحب يقدر اللي يحبه و مايكون اناني برغباته ان قالت الدكتوره فوزيه ولا دكتور فييل
بصراحه اتوقع كل وحده تقرا هالقصه اتقول اخخخخ !!! هذي جنها انااااا !!!؟
تبين الصج طقيتي عالوتر .. الموقع: لندن) المكان: ( هارودز ) الموقف (صدفه) الموضوع: ( حب قديم ) الواقع: ( بنت أو ,لـــد) .. مني فيننا ماعندها موقف يشبهه او صدفه مثل هذي .. بصراحه ابدعتي ، استمري :)
حبيت ريلهاااااااااا
ماشالله عليه .. الله يتمم عليها
وتولد بالسلامه
وفوزيه الدريع عليها سواليف تفشل والواحد يستحي منها بالصراحه
هذي وهي متزوجه انحرجت شلون البنات الي قاعدين ... ياحليله والله
يعطيج العافيه حبوبه
Post a Comment