Thursday, January 25, 2007

اشكرك


غروب
غيم
وحشه

وحده ...
عزلتني
.خلتني افكر وايد
جابلت الغروب
قعدت معاه بروحي
قعدت معاه و اهو مو موجود
مع طيفه ؟.
او مع كلماته
آآخ يا كلماته
اتحير
مرا اتحسسني اني رسيت
و مرا تحسسني ان احتاج ابدا من يديد معاه
مرا اهرب
و مرا اقرب
كل الي اعرفه الحين اني احتاج احضنه
احتاج اسمع نبضات قلبه
بعد ما غابت الشمس
و اظلم علي المكان
و مازلت انا وحيده
اخذت قلم و كتبت له
هالكلام ..
اتهقون راح يعطيني الي ابيه عقب ما يقرا كلامي
مابي شي كافي علي يلمني

الى الغالي :
اشكرك اشكرك من كل قلبي
الى من رجع لي توازني
الى من رجع لي قلمي
الى من غيرني

اليك

كل شكري

معاك كل شي له طعم ثاني
اشكرك من اعماق قلبي

انا سعيده
سعييييييييييده فيك
سعيده معاك
الله يخليك
لا تخذلني

خلني سعيده بين ذراعك
يكفيني
صدقني
يكفيني
لانك انت تغنيني
عن كل شي


ياااااه
حضن
يريح
جذي

27 comments:

سالفة قلب said...

أذكــر إني
جـيـت لـك مرة اشـتـكـيـت ..
مـن عـيــون ٍ تـنـتـظـــر [ طـلـة فـــــــرح ]...

وأذكـــر اني
بـوقـتـهـا عـلـى صــدرك" بـكـيـت ..
وغــــا ا ا ا ب [ طــاري الـحـزن ] .. والـصـــدر انـشـــرح

Cr8ivia said...

i won't comment

اكتفي بدعوة من القلب في ليلة اليمعه هذي :)

lawyer said...

سالفه قلب...

احد قالج من قبل ان انتي من الناس المريحين

الشرحين جدا

الناس الي بطلتهم اتيبين معاج ابتسامه

و تتركين اثر

الله الوحيد العالم فيه

اشكرج وايد

من كل قلبي

دمعت
لكلمات القصيد الي كتبتها





كراتيفيا

امين

و يردون الملائكه
و لج بمثله
و انا اقولك يارب كل دعواتج لي
الله يزيدها اكثر و اكثر

و يفرحج فيها

nachla said...

لمني بشوق واحضني
بعادك عني بعثرني

مادري ليش ذكرتيني بهالاغنية يمكن لان حضن الحبيب يداوي جروح ويلملم شتات نفس بعثرها الزمن ؟
يمكن ؟

Reflections said...

مافي احلى من حضن الحبيب لي صارت الحياة مرة بظيمها

ماكو ادفى من حضنه بعد برد المشاعر و
الجفى

يا حلو حضن الحبيب لي صار ملئ بالحنية .. لي نســـــــــــــاج كل الي حولج



ربي ينولج الي ببالج
...و يجمع كل حبيب مفارق حبيبه

bo9ali7 said...

مااجمل الحضن الذي يعزلك عن الدنيا بأكملها
.
.
.
كلماتك جميلة لما تحمله من صدق

سالفة قلب said...

وتدرين انتي انج غاليه وعزيزة واحترمج وايد وولهت على شوفتج
مشكورة الكلام الزين مايتعداج يافطومة
انتي اللي قعدتج تشرح الخاطر
خصوصا تعابير ويهج
:)
قالت لج كيتي عن الخميس؟
عفيه لاتخلين

shakshaka said...

ma abgha shayyy .. ma abghaaa shay kaafi 3laiy kilmat a7ibik bil3adaaaaaal... madre laish tethakart hal song hehe

Breeze said...

الله يخليلج أحبابج وكل اللي تسعدين بلقاهم، وجودهم ، طلتهم ، سوالفهم ، وقعدتهم
:)

كلمات صادقة لدرجة أنني أحسست بعمقها في نفسي ..

:)

موفقة

2 u ALL said...

لوير

أكيد هذا "الغروب" .....!!! أو هذا......... شئ ثاني..؟؟؟

حلو الكلام ...خصوصاً لما يكون تعبير صادق

البوست الياي لي "قصيده" ... لا تطوفك

الاء سعود المجيبل said...

وااااااااااو اختيار موفق للاغنيه عجيبه من الاغامي المحببه لقلبي ...^___^

والله يخليكم لبعض...:)

Q80-ChillGirl said...

Lawyer

الله يشرح قلبج مثل ما شرحتي قلبي و خاطري

الله ايتمم عليكم و عسى الشكر يوصل كامل

الشي المشترك اهو ان اليوم ببالي منت رايق و بالذات لما يقول

و دي اطفي بشوفتك نار الحرايق
ودي انسا بك ردى الحظ و عجاجه

كتبت بوست عنها، و دشيت قريت البوست هذا عندج، ونستيني

عسى الله يسعدج و دوم بخير

Doctor said...

بصراحة من اروع البوجز التي شاهدتها منذ مدة طويلة لم اتردد في لحظة ان اعبر عن اعجابي ولكن الظاهر اني قبست عليج
على العموم الله يهني سعيد بسعيده دوم انشاءالله وعلى فكرة الغلا والمعزة ما تنعرف الا لما يبعد انسان/انسانه نعزه وايد الله يحفظج دوم وشدي حيلج نبي من كتاباتج الحولة اما بوست اللوبي هذي حكاية خلتني اسويلي راس شيشه وقهوه تركيه الناس نايمه وتالي الليل وعنده جامعه بس والله ما قدرت اقاوم الحبكه الحلوه والممتعه
تحياتي

Яeema said...

يا صديقي لا يجافيني الأرق
وكأن الروح يهواها القلق
كل هذا من حبيب وجهه
مثل نور الشمس قلبي قد سرق
عندما العين رأته أيقنت
أم عقلي أن قلبي قد علق
يا صديقي لا تلمني مطلقا
هكذا الحال لمن يوما عشق
يا حبيب الروح دمعي قد هطل
إن هذا البعد قلبي قد قتل
يا خفيف الظل زرني خلسة
في منامي هل ترى في ذا خجل
يا لذيذ الطعم فرح مبسمي
إنني اشتقت إلى تلك القبل
اتركوني اشتكي منه له
ودعوني استقي منه القبل
أصبح الحال كما لا أشتهي
وكأن الفجر يعلوه الغسق
يا طيور الحب غني قصتي
هيثم في بحر عشق قد غرق
فوق غصن يا طيورا غردي
شرق الخد ومن ماء الحدق
نحل الجسم واعياني الهوى
من بخيل الوصل إني أحترق
ارحم الجفنين من هجر الكرى
اقتل اليأس لكي تحي الأمل
لو جلست العمر جنبي سيدي
منك لم اشعر بتاتا بالملل
صاحبي ارجوك دعني منشدا
عذبتني يا أحبائي المقل
كلما قلت سأنسى زادني
حب من أهواه شوقا مالعمل
زورة منه ستشفي علتي
تعشق النفس محياه الطلق
هتف الشوق ونادى وصله
وعلى أبوابه قلبي يدق
وكأن العشق سم قاتل
وطريق قد يؤدي للخبل
هكذا حالي فيا ويلي أنا
كعليل عن طبيب قد سأل

lawyer said...

صبااحكم ورد

كل تعليق لكم
يهنيني

و يباركلي

و انا ادور شي في بوستي بهذا الخصوص ما لقيت


بووووووووستي
باختصار
دعوه
ابي احد يلمني



:)


هذا الي احتاج له

فضفضه
مغربيات

توهان

وحده

لاشي اكثر




نجله
صح
شتات بعثره زمن




رفلكشن

يمكن الحياه ما فيها ظيم
و ماشيه بسعاده

لكن هم احتاج الى حضنه يدفيني

امين


مشكوره على الدعوه



بوصالح

فعلا ييبتها

يييييييب

يعزلك عن الدنيا

lawyer said...

سالفه قلب

حياتي انتي اخجلتيني والله

اي والله ما قصرت حبيبه قلبي
قالتلي ...

و قلت لها انشاء الله باذن الله

طفرتها قلت لها بييب طيراني ويااي

قالتلي للااااا لااااااا فطوم
اخاف اخاف ...

مشكوره سالفه
دايما انتي سباقه في كرمج




شكشكه
حياااااااتي

ايييييي اييييييييي
الله روعه

الحين شكلي بعلق فيها

شفكني عاد




بريز
حياتي انتي
امييييييين

يارب يخليلج كل الي تعزينهم
و تحبينهم



كلماتي صادقه
لاني اكتبها و انا ابجي

يمكن صادقه
لاني محتره

يمكن صادقه
لاني بردانه من الفراق




2 u all

صدقني في غروب

و بقولك شي
ترا الصوره هذي انا الي مصورتها

حلوه؟؟

هذي الصوره صيف 2006
في لحظات الغروب
قاعده اوكل البط

و قاعده بروحي

مشكوووووور انك نبهتني بروووح اشوف الحين البوست




كويتيه
يارب يخليلج كل غالي

lawyer said...

شيلي جيرل
حياااااتي انتي

قولي امين
ياربي دوووووم تحسين بالشراااااحه يا رب


واااااي يا حلات المقطع الي انتي معلقه عليه
احب عبدالمجيد


اجميعن
يا رب




الدكتور
حياك الله
اشكر مرورك


اشكر كلامك الطيب
المشجع

شوف بصراحه خلني اقولك
انا الحين عرفت ان مزاجك توب
توب

على اختيارك الشيشه و الوضع الي انت فيه

انت سويت جو مو طبيعي

و قريت بوست متواضع

بس اكيد اكيد اكيد
سرحت وايد بعد البوست
؟؟

عى بس كان عندك احد سوالك قهوه ثانيه ؟؟

لان البوست يحتاج وراه قهوه
:)




ريما

و انا اعلق
حطيت التعليق الاول لقيت
منج كومنت

قعدت اقراااااه

صفنت

مدري اي بيت احلى من الثاني

مدري اي بيت
يعبر عن الي ففيني


تبين الصج


الكومنت اروع من البوست

روووووووووعه
حبيبتي

ريمااااااااا ببجي
:\

Q80-ChillGirl said...

لوير خبرج احنا على طريف سمعنا طاري الحب و الشوق قلنا بس البنيه طاحت ببحر الحب

بس اثاري حالج من حالي وله على اللي ممكن يكون

و عسى اللي يكون يطلع زين و ما نفلس من الحلم و الواقع

:>


و ريما امبددددعه

barrak said...

لمني
ابي كيات يهز حضني
لاادري احس ان هناك علاقه بين بوست اشكرا وبوست لوبي

lawyer said...

براك

انت اذكى ريال في الدنيا عرفته


بديت اخاف منك

بوخر ويهي عنك مناك و بحط ايدي و بضحك (( جكني ))حدا يخرع ..
و الا عشان اهو مثلي .. قلبه لاعب فيه لعب...
اوخر ايدي

ارد اطالع ويهك
و اقولك
لأأااااا ماكو علاقه شكوو شكو شكو

2 u ALL said...

وايد حلوه "الصوره" بس وين صورتيها...؟؟؟

أسف ...!!!القصيده ماكانت موجوده .. أنشاء الله تكون موجده هذا المساء .. عطيني رأيك

lawyer said...

2 u all..

مصوره هذي الصوره

في مونترو (( سويسرا)) هذا الصيف حتى اذا ضغطت على الصوره ..تلاقي اسمها فوق 2972006
تاريخ التقاط الصور 29\7\2006

جدام البحيره
مجابله الغروب

Hopeless Poet said...

Every time I read your posts, I remember that I need to get married! :P
Elwe7da kareeha specially in winter

lawyer said...

hopeless

;)
ههههههههههههههه
يالله يالله

تحابووووو تكاثروووووو

الزواج شي وايد مهم
و يحل مشاكل و الازمه الشتويه الي يمر فيهااااااا اغلبنا :)))

2 u ALL said...

لوير

البوست الجديد .. ما يسمح للتعليق
عسى ما شر

Almas said...

مرحبا

حلو ... الكلام وايد حلو
أحلى شي بالدنيا الشعور بالحب والأمان وأثنينهم مرتبطين ببعض أشد ارتباط

أصبح من الضروري بحياتنا أن نتعلم كيف نعيش بحب ... وكيف نحيا بحب ... وكيف نتعامل بحب

لأن الدنيا شغلتنا عن أهم شئ ألا وهو الحب

كلام رقيق جدا ينم عن شفافية وبراءة روحج


شكرا

Mahmoud said...

NICE BLOG

GO AHEAD........