Sunday, May 28, 2006

حر حر هالصيف درجه الحراره في القوايل 48


صيف حار جدا


احداث ساخنه

تدهور في الحاله الصحيه


رغبه في اني احذف المستشار بأكبر ماعندي

و يسألوني ليش ما تكتبين

بذمتكم احد له نفس يسوي شي بهالحر

تتصل علي وحده
بذمتكم شوفوا بس الحوار و حكموا!!

يرن التلفون اشيله...انا : الووو هلا شوشو
شوشو : هااااااي وينج اشقاعده تسوين؟؟
انا : والله ماكو توني قاعده من النوم حاطه قهوتي و جريدتي
و قاعده اقراااا الجرايد ...
شوشو: اي جريده ...
انا : القبس ..
شوشو : وييييييييه هالجرايد ..مافيها شي .. تكفين شنو فيها شي يديد ؟؟
انا : والله ماكو قاعده اتابع منووووو الي سجل في هالدوائر و اقرا هالمقالات ..
شوشو : اي دواير؟؟
انا : الدوائر الانتخابيه زلييييييخه
شوشو: اي انتخابات تو الناس الانتخابات في 2007 !!
انا : شنووووووووووووو شنوووووووو شنووووووووو اي 2007
الانتخابات بعد شهر !!!
شوشو : ليشششششششششش من قال مو قالو الانتخابات 2007 يختي هالحكومه مالهم حجوه !!
بعد ما ارتفع ضغطي و قمت اصرخ عليها انا :
اشفيييييييييييييييييييييييييييييج انتي مو انحل المجلس و الانتخابات بعد شهر و الحريم بيدشون المجلس و راح انرشح و ننتخب !!!!!
... شوشو : حللللللللللللللفي حركات !!!!!!!! شنو يعني انحل المجلس ...انحل وين راح ؟؟؟؟
انا : شووشوووووووووووووووووووووووووووووووووووو ترا رفعتي ضغطي بس بس بس خلاص ما اقدر اكمل بليز

بسكر التلفون اكلمج بالليل ...اوكيه
شوشو: انزين نطري انا داقه عليج اقولج ترا نزلت جنطه لوي فيتون اليديده!!!!!!!!

انا : بلييييييييييييييييييييييييييييييز اكلمج بالليل


اذا هذا حال الناخبات و اذا هذا حال بناتنا المثقفات الجامعيات عيل اشحال الحريم الكبار الاميات الي مايقرون و لا يكتبون
اشحال بعض ربات البيوت الي ما يعرفون شي

انا خايفه من هالمجلس
تدرون ليش
لان الحريم عددهم يفوق الرجال
مثلا في دائرتنا 11
عدد النساء 8066 و الرياييل 4000
يعني فرق

المفروض من الحين يقروون ماده الدستوري و يعطونها لاعيالنا في الثانوي
عشان الواحد يكون عنده و لو ثقافه بسيطه
اما الحريم لي ما يعرفون شي و على اولهم طابين رواسي في المجلسسسسس مشكله والله

... على الهامش

اعجبتني نكته ابشروا يابنات كشف باسمائكم و اعماركم يفتر بالدواوين
ههههههههههههههه
بليز من عنده نسخه من هذا الكشف يعطيني اياااااه احتاج اعرف عمر يدتي من عرفتها و اعرفتني و اهي عمرها 25 !!!!!


حق بعض الناس الي تطنزو علي ترا انا سنعت البوست

16 comments:

NewMe said...

العيب مو بالبنات
هذا الجيل رايح فيها
ما يهمه من الأخبار غير الموضة والكرة وخرابيطهم
ما اعرف فيهم حد يفتح جريدة او كتاب
بالنسبة لهم القراية تنتهي عند التخرج

يدتي تفهم بالسياسة أكثر منهم
والا هالجيل قلة منهم اللي يفهمون شالسالفة
ويحبون يشاركون ويكون لهم راي

والحريم ما هم اسوء من الرياييل كلهم مثل بعض
قله قليلة مثقفة ومتنوره
بس مشكلتهم معتزلين الدنيا وقاعدين يتفرجون على اللي يصير
ويكتفون بالتعليق واحيانا بس الابتسام

ما تدرين يمكن لي ادخلو الحريم
يحاولون يثبتون نفسهم وتصير في منافسة
ويتطور الوضع ويمكن حتى صاحبتك تتغير توجهاتها
حلو يكون لكم صوت في المجلس

تفائلوا بالخير
تجدوه

أطيب تحية

أكاديمي said...

السلام

اللي صج أحبه في كتاباتج

محاولتج الكتابه الحية ونقل الحوارات

كأنها تنسع لايف

مثل ليييييييش

بس واضح أن مهاراتج أقل في المواضيع

السياسية يمكن لأنها مو من إهتماماتج

الفطرية

على العموم أبدي إعجابي بقلمج

تحياتي

Яeema said...

شكلها عدوة الحر إنتقلتلج بعد
هاهاهاها

جان حطيتي الصورة إللي دزيتيلي إياها الساعة خمس و درجة الحرارة 50

عيل خل أقولج سالفة ، وحدة ويانا بالدوام تقرا الجرايد و إتقول شنو هذا اللي يتكلمون نبيها خمسة

جان أقولها يبونها خمس دوائر
البنت: عيل إهيا كانت جم ؟؟؟

جان أقول : عيل كل هالسنين مايالج الفضول إتعرفين جم
هاهاهاها

أنا السؤال الحين
إشلون بقيم واحد ب 3 أسابيع؟؟


لا و هابين في كلمة إبتسمعونها وايد ، الإصلاح


تمويه
في خيمة سيرك منصوبة علي شارع الرياض و جنها يا الشامية يا الخالدية والله مادري

إشقصدهم من هالخيمة؟؟
موديل و إلا فنتق يديد؟؟
إتضحك حدها !!!؛


خلي البنات
علي بالج الدوائر من 20 و طالع يفقهون بالسياسة؟؟

كلهم إنتخابات فرعية و إللي نازلين من نفس القبيلة

Expatriate said...

It's alright

يمكن فيه ناس ما تهتم بالسياسة - سواء كانوا رجال او نساء - ولا متابعين أخبار السياسة بشغل وعمق وانا واحد منهم

عندي المعلومات العامة عن السياسة ولكن غير مهتم وايد بقضايا مجلس الأمة والانتخابات و الدوائر والحل ونبيها خمسة و النواب والاستجوابات

وهذا مو معناته اني ما اقرى ولا عندي ثقافة عامة ، بالعكس اقرى في شتى المواضيع في الاقتصاد والأدب والدين والعلوم والاخبار وتحاليل القضايا ، و لكن السياسة بالذات قد لاتكون مجال اهتمامي الرئيسي

فقط اعرف النقاط العامة و احتاج بعض التحليل قبل لا اصوّت ، وغالبا انا عارف من راح اصوّت له ( مع الوالد ) ،ولكن لي بعض الاصدقاء اللي مضخمين
الموضوع علي ، شلون مو متابع الدوائر والحملة البرتقالية وانته يا ما تبي الاصلاح أو مو هامّتك الكويت

يعني يا اكون سياسي واتابع السياسة او هو هامّتني الكويت ؟
شهالحجي
--------------------

كلامج صحيح ، الكويت أمامها شوط كبير للتوعية النقابية النسائية ، خاصة وان المرأة هذي أول مرة تشارك فيها بالانتخابات ، وتفاءلي خيرا في السنوات القادمة ، المرأة بتصير اكثر وعي ومشاركة من الرجل ، لا تستعجلين

lawyer said...

me new

حياك الله اي والله يدتي انا بعد تفهم بالسياسه
لكن مشكلتها كل مصيبه في الدنيا مدخله امريكا فيها

انشاء الله متفائلين



اكاديمي

حياك تشرفت في تعليقك

اي مرات احس ان الناس و اهي تقرا تنصمخ من صراخي
نوعي اكتب و انا مشتطه حدي




ريما
انا اشوفج اموت حر
من كثر ما تقولين موت حر موت حر

اي والله اتصدقين كان المفروض احط الصوره

اي عجب عجب

و بنشووف بعد


اكسبا
والله شجعتني و تفائلت من كلامك
انشاء الله يا رب
لا طبعا مو شرط الواحد يصير فلطح زمانه في السياسه لكن مثل ما تفضلت معلومات عامه

Mohammad Al-Yousifi said...

وحدة اسمها شوشو شتريين منها؟؟

أكيد تحاتي جنطة أل في

bo9ali7 said...

loool
عاد اللي لاحظته ان الحريم الكبار لهم نظرة في السياسة, نظرتهم يشرحونها بشكل بسيط بس والله ان فاهمين اكثر من الجيل الصاعد

Q8LoVeR said...

عادي يبا لا تواخذينهم ولا تشدين عليهم مساكين هالحريم ;p
طول عمرهم جذي لو شنو صاروا


المهم محاميتنا الكشوفات
موبس الاعمار والارقام
بعد مع رقم البيت والموبايل
قبل امس واصلي مال دائرتنا جان تبينه ;p
بس ترا صج مع رقم الموبايل والبيت
استانسوا يالبنات شوي :p

Unknown said...

كح كح شنو بعد الواحد ما يكح مريت وكحيت

طائر بلا وطن said...

LOOOOOOOL

عودة حميدة
:)

عقب كل هالسنين من التهميش يا لوير من
الظلم صراحة ان نحكم عليهم و نبيهم
خبرة
سياسة او لهم اهتمامات سياسية

احنا اللي عطينها الجنطة و المكياج
و ان فكرت تتطاول سياسيا و هذا من حقها
قلنا لها لا ما يصير و انتو يا البنات اشفهمكم

انا بعد اقول المسألة مسألة وقت و اذا
مو بهالدورة بالدورات اللي ورا .. اكيد
بيهتمون لما يحسون لهم دور و اكيد الاعضاء
و الاقطاب بتهتم بفئة الاناث و ما تهمشهم
لما يكون لهم صوت


و سلمي لي على يدتج .. انا امي من ولدت
و هي عمرها 40 .. اخوي العود صك التسعة
و ثلاثين و هي لازالت 40 لوووول

تحياتي
:)

Яeema said...

حلو حلو مشاري
يبتلك كلاس الماء إتبل ريجك لا إتقص علينا

و بتشربه كل لأني حاطتلك فيه سحر

عشان ما إتشوف أحد غيري

هاهاهاها

Diver said...

ذو لعقل يشقى بالنعيم بعقلة
و اخو الجهالة بالشقاوة ينعم



I miss reading your post take care and have fun

Diver said...

by the way I was so happy reading your comment about what I wrote in my blog thanx dear

kazmawy said...

هههههااى
حلوة فضيحة الناخبات:)
باعمارهم..:)

اى ثقافة يا محامية انتى من صج
اذا الرياييل الى صارلهم اربعين سنة ينتخبون مايعرفون راسهم من كرياسهم

lawyer said...

كلا مطقوق
وااي ناديت اخوي الصغير يشوف الصوره يموت عليها

ههههههههه شوشو تدليع لاسم كويتي عجيب

بوصالح

اكيد حريمنا هذولا اهم البركه عايشين على الفطره و كلامهم حكم



هلا كويت لوفر
بسررررررررررررعه بسرعه طرشلي ويا السايق كشف ابي نسخه منه

مشاري
ادري فيك كلا تحوووووووس بس هالمرا كحيت و الله فظحك
ههههههههههههه

ريما مسكي ولدج عني ترا انا اذا فجرت فجرت شوفي عافس مكاني و حايس حووس في دلاقاته كلهم طين من عقب اللعب
و داش عندي بحوسته



طائر بلا وطن
هلا و غلاااااااااا فييك اشلونك وينك يا اخوي بشرني عنك


ليش تهميششششششششش فشلتنا
اي صج تهميش بس هم لا تذكرنا
انشاء الله يوصل سلامك ليدتي
الله يطول في عمر الوالده و يخليها لك


ريماااااااا
اررررررررررررررررررررررررررتفع ظغطي منج صيري مره وحده وياي ضد مشاري
و شنووووو كلاس كلااااااااااااس
كلاااااااااااااااس
واي مامي
تبين تاتاو !!
قلااااااص كلاصصصصصصصصصص

بروح الرياييل ذايبين في هالصيف
بعد انتي حاطه فراوله و كلاس وييييييه ويه ساحوا الرياييل


كيتي
هلا فيج
والله فرحتيني
الف مبروك الافتتاح
بس هم لا تنسين اذا كان الحضور من الحريم 2000 فهناك مثلهم مالهم خلق يروحون يصوتون لان حر


دايفر
هلااااااااااااااااا هلااااااااااااااااااااااااا
missed u too walla
شخبارك ؟
افا عليييييييييك دايفر عزيز و غالي لنا الشرف بالمرور

كظماوي
ههههههههههههههه
اي صج صح حد الفضيحه بالاعمار

اي والله على قولتك 40 سنه و ما يعرفون
عسى الله يستر

Unknown said...

اقووول انا داش بدلغاتى ولابجينى بحذفه بالصالة وباكل مو مغسل ايدى وبنام على القنفة بهدومى وابى اسمع احج يقعدنى :)))
راح تصير الحرب العالمية ال24

ريما قولى حق رفيجتج انا ادش وين ما ابى واتمشى واكح واوزع فيمتو مال حسينيات على الموجودين و زقاير
فى احد عند شى :p
حرشى كيفى