Thursday, August 28, 2008

كل ماكبرنا

من فتره بسيطه كنت اقرا روايه و من بين الاحداث
كان الكلام عن استعداد رمضان قديما.. كان الاستعداد وايد حلو
قمت اقارن استعداد الناس الحين للرمضان و استعداد الناس قبل
مثل ما كانت تقولي يدتي ويدي الله يرحمهم و مثل ما انا قريت ..
و مثل ما نشوف في المسلسلات..
يابخت اول و بساطتهم و يا همنا الحين وشقانا ويا السرف و الترف في الاستعداد
الناس كلها لاهيه استعداد رمضان يعني مواعين يديده صواني يديده دراعات غاليه
اكل اكل اكل وكأنه مانسوي شي غير الاكل !!
و هدايا رمضان الي مالها علاقه في رمضان ابد
و تسجيل الناس لمواعيد المسلسلات و الحجي كله عن الفن و الفنانين !!
و كأنه مو شهر عباده جنه شهر الاوسكااااار
بحيث يكرس المسليمن حياتهم لمتابعه المسلسلات وتقيييمها

انزين وبس هذا رمضان
مسلسلات
غبقات
زوارات
اكل !
سهر
دواوين
و استعداد غير طبيعي للقرقيعان و حفلاته

ووين استعداد العبد للخالق؟

وين استعداد الروحانيات؟


كل شي ضاعت حلاوته و كل شي فقد قيمته من يوم ما فقد بساطته
نسينا ان هذا شهر عباده
طاعه
شهر صيام و صدقات
شهر افطار الصائم
و
محاسبه نفس
امس بالليل قاطه قبل لا انام قعدت افكر
قررت اسحب برنت كامل من مخي
شنو سويت و شنو ما سويت هالسنه
اكتشفت ان الدنيا بسرعه البرق اركضت
وان رمضان ياااا بسرعه
راجعت حساباتي
حياتي
اغلاطي
انفعالاتي
دايما كنت اقول اذا صار عمري 30 خلاص بلتفت حق نفسي واعدلها
اكتشفت ان احنا كل ما نكبر ننفتن في الدنيا اكثر !!
كل ما نكبر صعب علينا كل شي
متى بحط حق نفسي حدود؟
كل ما نكبر ننفتن موبس في الدنيا لأ
وبعد نستبيح محارمها و تزيد الكبائر فينا
وكأنه الكبائر مرتبطه في كبرنا
قبل لا يدخل علينا رمضان
لازم اكون صفيت حساباتي مع نفسي
وراجعت كشف حساب اعمالي
وسكرت ميزانيتي
وتبنا
احنا في البدايه لابد نعرف شنو اغلاطنا عشان نعدلها
ووين قصورنا
والاهم نحمد الله على كل خير ونعمه و يوم مر علينا
ونطلب الله يعينااا على طاعته


ناس وايد راحوا منا هالسنه
احباب
اهل
خلان
اصدقاء
نحمد الله على رمضان جديد بحياتنا
ونعاهد الله فيه ان هالسنه بنحاول نخليه رمضان صيام عن المعاصي
صيام نفس على هواها و فتنها
ونشحن نفسنا
ونستغفر ربنا
كل عام وانتو بخير
كل رمضان و انتو بصحه وسلامه
رمضان هذا بكون من احلى رمضان بحياتي
واروعها
تدرون ليش؟
لان %70 من ادعيه رمضان السنه الي فاتت تحققتلي هالسنه
احمدك ربي على كل خير

35 comments:

الصعب said...

1- انتي وايد تتحلطمين
2- شنو كانت ادعيتج اللي تحققت
3- البوست طويل قريب سطر من كل 5 اسطر

أتيت متاخرة said...

لوير
ان شاء الله كل اللي بتدعينه السنة برمضان بيتحقق لج باذن الله
ويا رب ينعاد علينا رمضان ..... يا ما ناس ما راح نشوفهمالسنة برمضان
الحمد لله الي بلغنا اياه

وعن نفسي آنه كلش مو صوب التلفزيون
بس فعلا احنه مقصرين لازم نلتفت لروحنا شوي ونعدلها

WaiTiNG said...

للهم ارزقنا قبل رمضان قلوباً جديدة، وتوبة سديدة، وهمة شديدة، وأعمالاً صالحةً عديدة.. اللهم نعوذ بك من فتنة النفس وطغيانها، وفتنة الدنيا وظلمـــهـا، وفتنة النعم وكـفرها، وفتنة البلاء وقنوطها :قل لا اله الاالله سيدنا محمد رسول الله وارسلها لكل من عندك حتى لو كنت واحد منهم وبهذا تكون اخذت حسنات الدنيا والاخرة وبإذن الله تنفعك فى يوم القيامه

secret said...

صعب الانسان يحط حق نفسه حدود و يلتزم فيها

بس محاسبة النفس تدل على صفاء النية

عايدين و فايزين يالغالية

:)

guevara said...

شكله كلامي ماراح ينشر والسبه الحجي الي بقوله
اولا ليش احنا نجتر الماضي ونشوفه كله حلو؟؟
تقدرين تعيشين ببيت طين ما فيه تكييف بعز هالحر؟؟
تقدرين بدال التانكي المرتز فوق بيتكم تتجهين لزعاب الماي من الجليب؟؟
هذي كانت عيشتهم قبل
ورمضان اليوم مع البهرجه الي فيه يدل دلاله واضحه على تفاهه وسخف المجتمع الكويتي الي صار يقيم الفرد على لبسه ونوع سيارته واي مطعم ياكل فيه
اما قضيه انتذكر الي راحوا فهذا شي طبيعي لان الموت شي طبيعي
انا من ناحيتي تعودت انه اعيش يومي واخطط لباجر مع ان الديره الي يخطط لباجر يقولون عنه مينون
واخيرآ اعيد واكرر
ليش خابينا برمضان وطقوسه ألي من اساسه انا ما اؤمن فيها
وليش عاملينها انه محد اكتشف فضل الصيام الا المسلمين ومدوخينا ببرامج نفس الحجي ونفس الأسئله من يوم كنا صغار لغايه اليوم؟؟
الي يبي يصوم كيفه والي مايبي مثل حلاتي همن كيفه
بس أرجو لا تقولين اني قاعد اخربط
هذا رأيي واتمنى انه تتقبلينه بصدر الرحب
وشكرآ

mo3ath said...

من العايدين والفايزين ان شالله

مبارك عليج الشهر مني :p

صح كلامج والشي الي يقهر لما تكون بعز روحانيتك وتقول خلاص وتوعد نفسك وبعدها بمده قصيره جنك ماقلت ولا سويت شي

الله يوفقج وان شالله كل ادعيتج تتحقق

7osen said...

يعطيج العافية

والله يحققلج كل ما تتمنينه

بوست روعة
فيه كلام وايد صريح

شهر رمضان فرصة لكل إنسان
والذكي اللى يستغلها


يعطيج العافية

THE BOSS said...

تقبل الله طاعتك مقدما وهالشهر شهر مبروك انشاء الله علينا و عليج و على امة محمد
وصراحه رمضان أول وايد احلى و أكثر براءه وسعادة للنفس من الحين
لأنه الحين صار موسم للأكل و الكسل وللمسلسلات الهابطه وشوفي هالسنه في المسلسلات جم خبل راح يطلعون أوتاجر مخدرات أو .... في الكويت
وبيوت الديرة كلها رخام و سوبر ديلوكس
وكلنا نركب سيارات اوربيه
والبنات على حل شعرهم و الشباب سكر و عربده وجنوس وبويات و قعدات
والناس الي تشوف برا تصدق
وعذراً على الاطاله
وعطني ولعه

Anonymous said...

البساطة .. بالضبط هذا ما نفتقده

نحن نتقن التعقيد !

Amphibious said...

خوش بوست
يعطيك العافبة
وينعاد عليك بالخير انشالله

enter-q8 said...

الحمدلله على كل حال

أه بس اه

ننطر المدفع علشان جلاص لبن بارد و تمره

و تحس بعدها بحكمة الرحمن

ما ادري افتقدت رمضان بعد السكر

رسالة الى جهلاء الزمن

يا زين الصوم

Najmah said...

امس بالليل
احاول انام مايتني النومة
قعدت ارتب داري واغراضي
لقيت نوت كنت كاتبة فيه برمضان اللي طاف
ابيه حسيت انه امس
شلون مرت سنة كاملة
شنو سويت بهالسنة
لستة طويلة حاطتها
نقاط وايد مرتبتها عشان امشي عليها
واشياء ابي انهيها بحياتي
ليش ماطبقت ولا شي
وايد ضاق خلقي
ليش احنا اذا نبي شي من الدنيا نسويه يعني نسويه مهما كانت الظروف
والامور اللي تتعلق بنفوسنا وارواحنا وآخرتنا نهملها ونتناساها؟
رمضان فرصتنا
حطيت هالعبارة ببالي
ماابيه ايي ويروح وانا نفس الحال
الله يقدرنا ونستغله بطاعته

mantovani said...

الله يهدينا

ابتعدنا عن شيء جميل

اعطاء كل ذي حق حقة

لم نعد نعطي رمضان حقه

المصيبة الاكبر اننا لا نلغي خلافاتنا
و مشاكلنا في الشهر الفضيل


ياليت رادة على المسلسلات
و القرقيعان و الدراعات

الموضوع اكبر من جذي

مانتوفاني

حسام بن ضرار said...

رمضان صار مجرد موسم او سيزن

الجرايد تتربح بالاعلانات

التلفزيونات بعرض السخافه و الرعاية و الاعلانات

المحلات تربح من ورى هالحريم

وتجار المواد الغذائيه يقطون كل الفاسد عندهم و يبيعونه بأغلى الاثمان كقرقيعان

و رياييل يتحايلون على الله ما يعرفون طريج المسيد إلا برمضان

وائمه يوزعون خدماتهم على ستين مسيد و تنافس منو صوته احلى

كل شي صار ديكور بديكور

ظلموا هالشهر و حولوه مجرد عنوان بدون مضمون

الله يعينا على اداء حقه برمضان و سائر الشهور و الازمان

SHAHAD said...

لوييير كلاامج وايد حلوو
وهالصحوة تدل على قلبج الأبيض
للأسف الناس في رمضان قاعده تستعد لبطونها وأشياء تسليها
نسوا شلون يغذون أرواحهم ؟
صدقيني رمضان فرصة لازم نستغلها صح
نرجع لله فيها
ومحاسب نفسنا
ونعاهد روحنا إن بنتم جذي حتى لي بعد رمضان
هذا أهم شي !
لأن احنا نعبد رب العباد مو رمضان ! وباجي الأشهر طااف

مشكورة على كلامج
والله يبلغنا رمضان
ويعينا على طاعته

ومبارك عليج الشهر : )

AseeL said...

%عقبال الـ 30
المتبقية

يعني نفرض راينا عليج ونقول لج لون مدونتج مليق ما يصير

كانت جنها غرفتي يوم كنت بالابتدائي

انزين وسعي العمود الله يوسع عليج دنيا واخرة عشان نعرف نقرا القرقة الزايدة

...انا قررت






انقل صلاة الجيام في مدونتي

3bady said...

الحمدالله على كل حال .. و كل شي يتحقق ان شاءالله بالارادة و النية :)

عــــــابره said...

بوستج حلو ..

ورمضان هالايام صار شهر مسلسلاات ومظاهر وتلاهي

مع الاسف كل واحد مسوي برنامج وجدول علشان التلفزيون والمسلسلات الي تنعاد بعد العيد طواااااال السنه

ماتحلى بعينا الا برمضان والعياذ بالله
احاول احاول ان شاء الله اني اتقرب من الله اكثر

شهر القران والعباده والطاعه ..

ياحلوه والي ماايحس بهذا الشي فهو محررررررررررررررررروم

الله يهديه ويحسسه بهذي النعمه

لايغششونا بهذي المسلسلات .. و نحس بالقران والصلاه والصدقه اكثر

تعودينه كل سنه وكل عام .. وتقبل الله منا ومنكم صالح الاعمال

الطارق said...

جزاج الله خير على هالتذكير عسى الله يتجاوز عنا ويعنا على أن نسوي مثل ما سويتي ونشوف كشف حسابنا .

لا تنسينا من دعائج في هالشهر الفضيل .

bhr.qadsaweya said...

مبارك عليج الشهر
وان شاء الله ارمضان هالسنة تتحقق كل آمالج و امانيج
يقلون الله يعطيج على قد نيتج
يعطيج العافية

lawyer said...

الصعب
1- انت كلا مو عابك شي
2-داري على شمعتك تأييد اخاف من العين ما اقول
3-انت تقرا سطر غريبه !! خابرتك تروح الكومنت على طول


بس تبي الصج يكفيني مرورك









اتيت متأخره

يااااا هلا بالزين
يارب يااااااااحبيبتي و دعاء المسلمين كله يتحقق
امييييييييييين كلكم ويا الغالين يارب

والله زين تسوين مريحه بالج
انا مو صوب التلفزيون يسببلي ازعاج مو طبيعي






ويتينج
يزاج الله خير على هالدعاااااااااء
اجمعين يارب







سيكرت
نجاهد نعدلها شوي
مرا نقدر و مرا تقدر اهي علينا

يارب يرزقنا كلنا النيه الصافيه









زارادشت


رايك بكيفك
و رايك في الماضي والحاضر شي خاص فيك
كثير من الرياييل و الحريم بعد نفس رايك بالنسبه للمظاهر

ولكن تقف حدودك و حريتك عندما تتدخل في ديني
فهذا شي ما اسمح فيه ابد

شنو يعني لا تؤمن بفرض الصيام الي اهو اساسا من الفرائض


اذا بتقولي انا اصلا ما اؤمن بالدين ولا الاسلام
فبقولك جميع الديانات شرعت الصيام مو بس الاسلام

و اذا اظهرت الحادك علنا فهذا كارثه
لان الرسول عليه الصلاه و السلام يقول
كل مولود يولد على الفطره فابواه يهودانه او ينصرناه او يمجسانه"

يعني انت اساسا مولود على الفطره


ان تكون جاهلا فتلك مشكله
و ان ادعيت بعلمك فتلك مشكله اكبر



الله يهديك








معاذ
اميييييين يارب
اي حد القهر
تقوووووووول حق نفسك و بعدين
ما قلنا باجر خلاااااااااص


امين يارب يحقق كل امانيك انت بعد






حسين
الله يعافيك اخوي حسين


امين يارب و يحققلك انت بعد كل الي تتمناه
و يرزقنا فيه كل خير








ذا بوس
كلا بصوب واخر شي و لزمتك اخر شي تصوت على الولعه هذي بروحها موتتني من الضحك


بسك بسك شيشه مو زين اشبتسوي في رمضان!!


منا و منك صالح الاعمال يارب


اي والله اي والله صااااااااااااج
مسلسلات هابطه
و طراقااااات
و مسخره


بقولك شي انا صديقاتي اغلبهم سعوديات و من اهلناااا و على طول في الكويت
منبهرين
عبالهم كلنا الكويتين جذي!!

يقولون انتوووووووو كلكم جذي !!

هذولا شبابكم
هذولا بناتكم


جذي الامهات عندكم 24 ساعه بس لابسين جلابياااات و مكياج و تصرخ يا على الخدامه يا على زوجها


قلت لها حريمنا فعلا يصرخون بس مو كاشخين
هههههههههههههههههه



بسسسسسسسسسسهم تشوويه فينا







محسد
اي والله صاااااااج
نتقنه حيل









47
الله يعافييييييك
و ينعاد عليك بالصحه و العافيه
يارب انت واسرتك الكريمه







حاكي عقالي
انا انطر المدفع عشاااااان البينتوو



عسى الله يرزقك اجر النيه يارب
و يحفظلك صحتك و يعطيك الف عافيه







نجمه
بالظظظظظظظظظظظظظظظظبط
اي و يروح واحنا نفس الشي


فعلا ليشششششش اذا نبي شي من الدنيا نوووووووصله نوصله

محد حاط جرته بالسيكرت كثري
ووووووووووواي صااااجه كومنتج عجيب








مانتوفاني
فعلااااااااا هذي هي



اعطاء كل ذي حق حقة

لم نعد نعطي رمضان حقه


ايوالله ما صفينا نفوسناااااا






حسام بن ضرار
اي والله صااااااااج

قصينا على نفسنا اولا
و طلع خبثنا حتى في الايمانيات


نفااااااااق منتشر بكل شي







شهد
اي والله صااااااااااجه
احنا نعبد رب شهر رمضاااااااان

و ان كنا مانقدر على نفسنا حتى شهر

فمالت على نفسناااااااا







اسيل
اميييييييييييين يارب
اجمعين


هههههههههههههههههههههه
دارج في الابتدائي
هاااااااااااااا

انزين انزين

ليش تفضحيني جدام الناس و تطلبين مني طلبات راح تبين جهلي

ترا انا حدي بوست و ببلش


رفيجتي مساااااافره

اذا ردت بالسلااااااااامه اخليها تسويلي كل شي
هههههههههههههههه








عبادي
امين

عسى الله يرزقنا نيه طيبه






عابره

ياحلووووووووووو كلامج
عسى الله يعينا و يعينج على الخير و الطاعه
ياااااااااااارب

امين انشاء الله

اي والله محروم

يارب لا يحرمنااااااا
و انشاء الله ربي
يعينااااااااا


انا بس ابي ربي يعيني


وانتي بصحه و سلامه






الطارق
يه يه يه

الطارق عندنا

امين يارب
وانشاء الله
يدعي لي و للمسلمين يارب

lawyer said...

قدساويه
ياهلااااا

علينا و عليج يارب
و انشاء الله تعودينه بالصحه و السلامه

Anonymous said...

موضوعج حلو بس بقولج شي على طاري اول والحين

ربي يعطيج طولة العمر ولا صار عمرج 70 ولا 80 بترحمين على هالايام وبتقوليت
واللة يا زين ايام اول انسوي قرقيعان ب 300 دينار مو الحين ينوا الناس وقعدوا يقطون 4000 دينار على قرقيعان؟؟
وهم يتقولين يا زين مسلسلات اول ما فيها فهارة وفصاهة مو الحين البنت تطلع بالمسلسل ...... بالسكة!!و
اللة يرحم ايام اول

وهذا حال كل جيل

lawyer said...

حسافتج يا كويت

وااااااااااااااااي اتهقا !!


للعلم فقط
اعرف وحده مسويه قرقيعان عيالها هالسنه فوق 3000 دينار

و بتسوي حفله قرقيعان
الثييييييييم الي في الحفله و الشغل لي الحين مكلفها فوق 1000
غير القرقيعان نفسه
و غير الاكل و غير كل شي


القرقيعان عندي انااااااا ما يكلف غير زبيل من المباركيه
و كاكااااااو و مكسرات من الجمعيه


يعني بترحم على قرقيعاني الي بو 20 او 30 دينار
هههههههههههههههههههههههههههه

Kuwait said...

كل عام وانتي بخيررررر ..
الغريب بالموضوع ارتباط رمضان بزحمة الجمعيات ارتباط عجيب غريب صار ينافس زحمة المكتبات مع بداية المدارس !!
مع ان الناس برمضان ماتآكل كثر أكلها بالأيام العاديه :\

THE BOSS said...

لا بعد ما شفتي شئ الله يعلم شمسوين في مسلسلات الرمضان السنه ذي
ومري على بلوقي فيه بوست انشاء الله يعجبكم يا معشر النساء وانا متعجب شلون ما علقتم على الموضوع في بلوقك
وعطني ولعه

Sn3a said...

انا نفسي ماعرفت ان رمضان جريب الا من دعايات الاكل اليدد والمسلسلات
كل شي قاعد يتغير للاسوأ
واحنا مالنا خلق حتى نبين وجهه نظرنا بهالشي جدام اللي قاعد يغير الاشيا الحلوة

ربي يكتبلج رضاه
ومن رضاه يقبلج كل دعاء يكون من صالحج ان شاء الله

mantovani said...

ما تتصورين

انا غرقان في احقاد من كل صوب

مالي علاقة فيها

Blog 3amty said...

مبارك عليج الشهر وبسج بدليات وتحلطم :P

q8y_saint said...

مبارك عليج الشهر

ناطر النافله

و صحون الكبب و السنبوسه الي مكدشه الطباخ طول الصيف يسويها

محـــــارة said...

عسى رمضان هالسنه يكمل ماتمنيته برمضان الي فات والي تبينه بعمرج كله

يزاج ربي كل الخير .. فعلا أحنا نفسنا كانت انقى وأصفى تغافلنا عن ابسط الذنوب يخلينا نرتكب الأكبر والأعمق

صغائر الذنوب بداية وبوابة لكبائرها

رمضان الحلاوة فيه أن يساهد وجوه يحفزج لترك المعاصي بعون الله

يعني دوام وعقبه جم ساعه تقدرين تنامين شويه وتقرين وتسوي شغله مع الفطور تخلص الوقت عليج لما يأذن ومنه استفديتي من وقتج بأمر خير لج بالدنيا والدين

عقب الفطور الجسم يكون دايخ سوالف شويه مع الأهل وبعدها من أول يوم صلي التراويح عشان ماتثقلين عليهم

وعاهدي نفسج أن ماكو سوق ولا تمشي برمضان إلا بالضروره القسوه وأنج ماراح اطولين اقصاها 30 يوم شدعوه ماقدر عليها

حاولي تهدين سوالف التيمع الي مامنها فايده المباركه وصلت الرحم المفروض نحرص عليها بس زيادة التيمع يزيد الحجي ويقلل تواصلنا بأفضل الساعات بحياتنا الي المفروض نستثمر كل دقايقها

عن نفسي أنا صار لي جم سنه مقاطعه التلفزيون برمضان بس أشوف برنامج ولا ثنين مسابقات ومعلومات الي ينعرضون على العشر تقريبا

بس مسلسلات تكفخ وتمشع وتقلب الجبد وبجي وعوار قلب مادري عن هواء دارها أشوف شيء يونسني ولا يغثني بالله

صلاة تراويح مع قرأت جزئين كل يوم مايأخذ ثلث ساعه منج والابتعاد عن التلفزيون أكثر ماتقدرين وربي يريح حييييل

وبأخر رمضان تحسين روحج فخوره بنفسج ندري أن القبلان من عند الله بس أحنا متوكلين على ربنا وبرحمته .. نبي نهذب نفسنا بهلأيام

وربي يهدينا

ردي بوست ادري سوري بس لأني تحمست فكثرت قرقه سوررري

lawyer said...

كويت

صااااااجه

امس كنت بالجمعيه اشتري بعض اغراض الحلو الي السايق ما يعرفها الاساسيات يعني

انصدمت من ان كل وحده تمشي بعربانتين

حسسوني ان الجمعيات تسكر برمضان



مبارك عليج الشهر :*



ذابوس

اي الله يستر
ما تعتقد ان من كثر البلاوي الي طلعوها خلاص ما بقى شي

صارت سسسسسسسلعه مستهلكه !!








سنعه
هلا هلاااااااا حمدلله على السلامه و مبارك عليج الشهر

اي والله صاجه انا عرفت من دعايه القيمر بمسلسل نور هههههههه


امييييييين يارب اجمعين و انشاء الله يتقبل منا و منكم يارب






مانتوفاي
دامك مالك علاقه فيها فهذا من صفا قلبك و رايتك البيضه

خلك جذي دايما ماعليك من احد النار اذا مالقت شي تاكله تاكل بعضها

يتقطون و انت مو صوبهم


دائما كن مترفع

لانك راقي





بلوق عمتي

مو مني عمتك كانت يمي تزفني على اماعينها

من الحين اقولك لا تفشلوني جدام اهلي و اطرش لنا عمتك نقصات بجدور مكتوب اسمهها بصبغ اظافر احمر

شششششششخباري

المطابع تسوي ستيكرات

ظبطها





كويتي
علينا و علييييييييييييييك

افا عليك


سايقكم يدل بيتناااا من الحين اقولك خيدش من باب الملحق ياخذ الي يبي من المطططبخ صحنكم جاااااااهز كل يوم

:))))






محاره
كومنتج اروع بوايد من بوستي

كومنتج يبرد القلب

علينا و عليج

باختصار قلتي بوووووووستي الياي

مشكووووووووووووورة من القلب لدعائج المخلص
ولا تنسييييينا يا الغاليه


البرنامج الوحيد الي اتابعه في رمضان اهو صلااااااه المغرب في الحرم


مع دله القهوه
و اللقيمات

و صوت سديس او شرييييييييم


الله يبارك لنا في هالشهر


يارب يصفي قلوبنا
و يعينا على نفسنااااااااا

بنت الشاميه said...

مبارك عليج الشهر وعساج من عواده
وان شاء الله يتقبل منا ومنكم صالح الاعمال

======

وووووووين اغراضي اللى موصيه عليهم ...؟؟؟؟
الى الحين ما وصلوني.....خو بيتنا فى اخر شارعكم....من الحين بدينا
حركة الثلاث ورقات
ههههههههههههههههههههه
اتغشمررررررررررررر

nEo said...

مبارك عليكم الشهر و كل عام و انتم بخير :)

lawyer said...

بنت الشاميه

اناااااااااا قلت مابي اكووووووووود على فريزركم اقلي لكممممم يوم بيومه و اطرشه


والبهاراااات موجوده عند هالدريييول سأليه

قوليله وين بهارات مال ماما فاطمه
اذا ماعرفني قوليله الي زززززززفتك على هووووووز الماي الي يتدردع سايقكم من سافرتي من اهني لعب في مااااااااااااي بيتكم من اهني ههههههههههههه



عززززلنا من حديقه وهراااااان
الحين حبيبي سااااااااااااااكن الفيحاااااااا و قلبي سااااااااكنن ويااااااه :P






نيو

علينااااااااا و عليك تقبل الله طاااااااعتك