Monday, August 18, 2008

يوميات زوجه تعيسه ...الجزء الثاني

يوميات زوجه تعيسه ..
هي يوميات لقصص بنات حلمن بالزواج كأي بنت تربت وكبرت في صحراء قاحله كبلدي جرعوها الامومه منذ الصغر.. علموها ان الحياه زوج و ابناء .. و ان المرأه هي فقط الانثى المتزوجه .. اما غير المتزوجه ماهي الا عاله على المجتمع.. زياده عدد فيه ..فأخذنا نحن الفتيات نسبق الزمن للزواج.. وخابت امالنا فيه .. واصبحنا بسببه زوجات تعيسات


تعيسه وسكران

انا تعيسه كنت موظفه في احد البنوك.. زوجي كان مراجع عندنا في البنك.. شافني و قرر الزواج مني بعد ماتردد علينا اكثر من مرا .. لي الحين اذكر تفاصيل معاملاته الي كنت انجزها له في البنك..حاليا عمري 36 سنه.. متزوجه من 8 سنوات .. زوجي من اقرب الناس لي و احب الناس لي .. زوجي انسان بسيط في كل شي .. سهل بعد في كل شي.. متسامح .. وطيب و عمره ماردلي طلب.. علمني اشلون اكون زوجه مناسبه له ..
كانت اول سنتين بحياتنا عباره عن شهر عسل ..
من الصعب جدا في هالدنيا ان تستمر السعاده او الراحه
حياتي ماكانت سعيده جدا بس كانت عاديه و هاديه لي لدرجه كبيره من الراحه..
بعد شهر العسل طلب زوجي مني ان استقيل من البنك و كان عذره ان مايبيني اشتغل صبح و عصر.. و فعلا قعدت في البيت.. كنت ساكنه مع حمولتي ولكن طلعنا بعد 4 سنوات وذلك لتعبي النفسي و حس زوجي ان هذا الشي بدا يأثر على نفسيتي..
بعد سنتين من الزواج .. بدأت القصه ..
كنا مسافرين انا وزوجي في رحله عمل له
كان بعد العشا ينزل تحت .. يقولي انه بشوف مبارات
تحت في اللوبي لان في وايد ريايل متيمعين..
كان الوضع عادي بالنسبه لي و لو انه كان اول مرا ..

رجع بعد المباراه .. استنكرت ريحته
عرفت انها ريحه البيره
بس طبعا سويت نفسي ما ادري
المرأه الي زوجها يشرب تعاني جدا من ريحته
معاناه كبيره .. ريحته لما يكون يمها
ريحته في فراشها وريحته لما يقوم من النوم معرق و جسمه متشبع
بالبيره او الواين...
هل فكر اي ريال قبل لا يشرب ان يخلي مرته تشرب حتى السكر وبعدين يشمها !!
احنا الحريم نأرف من ريحه المشروب و لا يلوم الرجل اي زوجه تكره فراش زوجها لما يكون شارب...

بدأ زوجي يكرر النزول لبار الهوتيل .. يوميا
و انا اسوي نفسي ما ادري ولا اعرف ولا احس
من داخلي كنت ألوم نفسي ..ليش زوجي بدا يشرب
وبديت اتعب نفسيا ..
شكيت في نفسي
شكيت في موضوع العيال
وتحول الموضوع الى تعاسه
رجعنا الكويت و صار كل همي مراجعه دكاتره النساء والولاده
واخذ علاجات مكثفه للحمل ..
ادويه الحمل و اضطراب الهرمونات و الاستمرار في المحاوله
شي يخلي اي مرا تنهار ...
كنت اتحاشى الزوارات و كنت اتحاشى سؤال خالتي المتكرر بموضوع الحمل..
وكان زوجي يقدر هالشي
الي يذبحني ان زوجي عمره ما فتح الموضوع وياي او حاول يجرح مشاعري
وبدا يشرب زوجي
اشياء وايد ممكن ان هذا المخلوق الطيب يقدر يخشها عني

حياتي مافيها مشاكل بيني وبينه
بالعكس انا محتويه جدا موضوع الشرب
ماعمري رضيت فيه يوم
ولكن انا على يقين ان هذا الانسان راح يتغير اليوم او باجر
ولكن اهم شي ان يكون زوجي في عيني احسن الرياييل
واني استمر في احترامه
واني اسوي نفسي ما ادري و اعطيه طابع ان احسن ريال بالدنيا

شي يعذب نفسيا
عدم حملي
حبي لزوج يشرب و ابي استمر في الحياه وياه وفي نفس الوقت اخاف من ربي

في يوم من الايام شفت زوجي داخل بكيس فيه كرتون على طول راح المكتب
ومن يومها زوجي بدا يقفل المكتب
عرفت ان في بطل في المكتب ..
سكت يوم
يومين
بعد اسبوع انفجرت
كنت في الفراش ابجي بكل انهيار
لان الدوره الشهريه يتني بعد انقطاع شهرين كان من الممكن يعطيني امل
ومن منظر البطل الي في المكتب ..
دخل زوجي علي ..شافني بمنطر عمره ماراح ينساه
اشلون ألمه وانا في قمه انهياري و اصرخ عليه وانا لامته
قووولي ليش انا ماعندي عيال
شوفني ..جاوبني
انا مو زينه ؟؟
انت رد علي
ربي شنو شايف مني الي ماعطاني عيال
انا كل يوم ادعي ربي في ولد واحد
يفرحني و يفرحك
كل الي تبيه اسويه
ماقاعد اسوي شي غلط بحياتي
احب اليهال و اموت عليهم اكثر من اي ام ثانيه
اشمعنا انا ماعندي عيال
شنو مسويه
ليش ما يستجاب دعائي
انت قولي ؟؟
انا و انت اسره مو زينه ؟
فيك شي؟؟
فيني شي ..؟؟
ليش محرومين
ليش احبك وتحبني وانت احسن الرياييل و محرومين ..
انت احسن ابو في هالدنيا لعيالي
احسن ابو صح؟؟
قولي صح؟؟
كانت اول واخر مرا انهار فيها جدام زوجي بسبب العيال
ووبخته ليش احنا محرومين بسبب شي معين ؟؟
فهم زوجي او حس اني ادري...
من يومها صرت اروح مكتبه اذا طلع و اشوف البطل اذا قل
او اذا مثل ما اهو عليه..
اسبوعين زوجي ما شرب فيهم بعد انهياري...
فانتهزت الفرصه و طلبت منه نروح العمره ..
بدون اي تردد وافق وحجزلي باسرع وقت ممكن
ورحنا العمره
اعتمرنا و خلصنا
بعدها وقفت ادعي عند الملتزم وكان زوجي واقف وراي بالظبط .
مسكني من جتوفي و يردد
""يالا يارب اشهدك اني راضي عنها دنيا واخره..
يارب انا ادري ان من احد اسباب دخول زوجتي الجنه هو رضاي عنها
اقرلك ياربي واشهد علي حرمك ..ان مرتي عمرها ماكدرتني يوم
ولا نومتني زعلان ولا قصرت بحقي..راضي عنها ياربي
راضي عنها.. فلاتردها من بيتك الا رافعها و مستجيب دعائها""

نرجع من العمره
وترجع حياتنا كما كانت
زوجي يتم زوجي
وبعد 8 سنوات حالي مثل ما اهو
انا مو تعيسه لان عندي مشاكل مع زوجي
والتعاسه ماتكون في زوج فيه عيوب غير قابله للاصلاح
ولكن التعاسه تكمن في الظروف المحيطه في هذا الزواج
ما راح اقص عليكم مثل الافلام و اقولكم حياتي تغيرت

حياتي مثل ما اهي
بعد 8 سنوات مازلت اعاني من زواج خالي من الابناء
متعب اجتماعيا في الكويت .. وزوجي مازال يشرب
ولكن الي يومكم هذا ما حاولت أأذي مشاعره ..
مو عشان اغطي عيوبي
ولكن لاني فعلا مابي اظغط عليه ..
مع الكبر
و المحاتات الشي الوحيد الي يسيطر علي ان مابي زوجي يستمر في الشرب
لاني اخاف عليه من الاخره..
واخاف على صحته
واخاف على كل شي بينا...
ولاني على يقين ان الصبر باب كل فرج

39 comments:

kuwaitawy said...

الله يكون بعونها


خو اللي يشربوون بالكويت هالايام شكثر


ما ينعدّون



تشكراتي عالبوست :)

Najmah said...

ياااا الله

الله يعينهاا

ويهدي زوجها

ويرزقها الذرية الصالحة

يعورون القلب
:(

لووير

اطالبج يعدهاا
يوميات زوجة سعيدة
:)

Shaden said...
This comment has been removed by the author.
bhr.qadsaweya said...

روعة و الله روعه
انا وحده اتمنى اكون بدال هالمره بصبرها و تحملها صج يمكن ما عندها عيال بس عنده ريل احسن من 1000 ريال
الله يهدي ريلها و يرزقها بالذرية الصالة
يعطيج العافية

أتيت متاخرة said...

لوير :
عورني قلبي وآنه أقرا لأني حطيت روحي بمكانها وشفت هل أقدر أتحمل ؟؟؟؟؟
لوير ترى في زوجات كثار مثلها ومثل قصتها وفي الي أردى من وضعها وصابرات ومحتسبات عند ربهم
وذكرتني نجمة
كنت كاتبة موضوع اسمه - يوميات زوجة سعيدة - شجعتوني انزله
بس المحتوى مافي سعادة كلش

لوير ربي يعطيج العافية

Anonymous said...

بوجهة نظري المشروب الله يعافينا خط احمر لأنه نتائجه سلبية على الزوج والاسرة

وماكو احلى من الرضى بالقدر والقناعة

secret said...

حياتها مأساة .. بس مدرسة بالصبر .. و طول الأمل

NewMe said...

لو أنا منهم
وعلى ما تقول تحب اليهال وايد
جان دورت
عن يتيم اربيه
اما اذا
الزوج يشرب باعتدال
فما احس ان هذي مشكلة
وبعدين احسن لها ما يروح الجنة معاها
لن بيشاركونها فيها ٧٢ فيرجن
هالمرة اهي تعيسة بس الحل في يدها
مو كل مرة غلطة الريال
دومي بحب
تحياتي

Unknown said...

عوروا قلبي لما كان يدعي لها وتوقعت انه بيتغير
على كثر ما راح تصبر وتتحمل على كثر الاجر اللي بيحوشها

شادن
عمري 29 ينفع ؟

Kuwait said...

لوووووووووووووووووووووووووول
لووووويرررررررررررر أنتي فاهمتني أكييييييييييييد على شنو أضحكككككككك ..
مو صج مو صجججججججججججججججججج
لقيت شي بزاويه من زوايا البوست :\
لاتعليق
بلوقج عالم ثاني كل شي يصير فيه

guevara said...

أمس القصه عن واحد وسواسي
واليوم عن واحد سكير
وباجر عن واحد بخيل
والي عقب باجر عن واحد طرار
وبعدها عن واحد زوجته اكتشفت انه حرامي ومدمن
وبالختام وحده تزوجت اخوها بالرضاعه والاهل كانوا مايدرون
بس الغريب بقصه اليوم انه الزوج والزوجه راحوا العمره وحالتهم حاله والريال للحين يشرب والزوجه للحين ما حملت شي غريب بصراحه

SHAHAD said...

عورت قلبي
حيييل .. الله يعينها ويرزقها
اعرف وحده صارلها عشر سنين ما يابت وبعدين يابت بنوتة مثل القمر
الله يجازي صبرها ياارب
والله يهدي زوجها ويبعده عن هالمنكر

mo3ath said...

وايد ناس جذي

بس عفيه عليها صابره على نفسها وعليه

انا قلت بعد العمره ربي فتحها بويهه بس ماضبطت معاي :)

ارحمينا من هالبؤس خلاص جنك تقولين الدنيا مافيها خير كلش

شرايج تكسرين المود بقصه فريحية تونس وترد اللون الاخضر مره ثانيه :)

elq87obi said...

باختصار

الله يعينها

و حده لا تعليق :(

فريج سعود said...

لها الجنه
وهو اذا ما تاب
بيصنونه على راسه صنه

بس صج

يضيق الخلق
اهو والوسواسي الي قبله

ما عندج امثلة تونس؟

Shather said...

يضيق الخلق

لكن ماراح يصحى بدون طراق

و خصوصا الشرب له حكم بالاسلام في علاقه الزواج اقصد

enter-q8 said...

ايه يا فطيم
اي هذا اهو
هذي اهي لوير
انتي اللي تروضين القلم مو اهو اللي يلزمك
الانهيار و مشهد الحرم
الصورة اطلعتو شكلها و المشاعر و التعابير هم واضحة

روحي ربنا يجبر بخاطرك ياختي



لوير
مو ملاحظة شغله ترى اغلب اللي يعقبون من كثر تصديقهم للي تطريحنه يردون على القصه بواقعية
و اللي يدعي و اللي يحط حلول
صح معاك ان في احداث واقعية نفسها بالمجتمع
لكن شوفي اشلون نقلتي لهم الصورة

و تقولين ما تبين تكتبين و تنزلين
اخ لو يطيحون القروض
بسوي دار نشر بس حق المدونيين

الزين said...

فطيم

انا بعرف شنو هالحريم السكه

اللي ترضى على وسواسي

واللي ترضى على سكير

يابنية وين النسور

ابي نسرة تعفر بالأولي والتالي

:))

مدري شفيني مستشرة

صباح الخير

lawyer said...

كويتاوي

الله لا يبلينا انشاء الله


عفوا عفوا ;)




نجمه
انشااااااااااااااء الله و الغنيمه
من عيوووووووووووووووني:**




قدساويه

بعد قلبي الله يعاااااااافيج

تسلمييييييييييين احرجتيني





اتيت متأخرا
صااااااجه والله

يلا يلا نزليييييييه كلنا محتاجين شي سعيد يشرررررح القلب





محسد
فعلا اي والله القناعه كنز لا يفنى





واي مي
مجرد خيال





سيكرت
اي بنات الكويت اهم الي يصبرون
مو الشششششششششششقر الي شالعين قلبك





نيومي
لووووووووووول
خوش نظريه
خيشرب عشان ما يروح الجنه


اذا مسلم بروووووح انشاء الله
الله سبحانه غفاااااااار





محمد
ايييييييييييييييه

اقول اقعد بس اقعد بلا مغازل اشكراا عندي ما يجووز

توك تقول هزني الدعاء بعدين بتغازل
!





كويت
الله ياااااااااا انتي شماته
اشلووووووووووووون ما فهمت ههههههههههههههه


سكتي بس سكتي لا تفشليناا


انا اصلا كنت بصد عن السالفه





47
لا تعورييييييين قلبج يالغاليه
خياااااااال





زارادشت
ررررررررررررفعت ظظظظغطك هاا

لاعت جبدك !!

هههههههههههههه






شهد
اميييييييين يارب انشاء الله ثانكيوووووو حبي






معاذ
الحياه مو مثاااااليه

انشاء الله بكتب قصه حب



بس ختعدي هاليومين على خير






الكويت حبي
اهم شي يازتلك؟؟






فريج سعود
عندي عندي
بس للاسف ماكو زوج يونس
البوووووووي فريند اهو الي يونس :P




شاذر
اي فعلا
القاضي يطلق المرا الي زوجها يشرب






حاكي عقالي
هااااااااااااااااا ارتحت الحين؟؟

موديلي ساطره واقفه يمك و بكوني اقولك اش اش اش بسسسسسسس لا تفضحنااااا
مو جدااااااااام الناس عندك تعليق على خيالي

دزة ايمييييييييل

و كشرتي من هني لي هني بس عشان محد يلاحظ ههههههههههههههههههه






زيونا
يااااااااااصبااااااااح الفل
ههههههههههههههههه


يقولج في قاعده اسمها الاحساس بالنقص موووو انا قششششششره عشاااااااان جذي كلا اكتب ان الحريييييييييم طيبين

هههههههههههههههه

اخاف اكتب عن القشااااااره
وبنص القصه افضح روحي
لووووووووووول

Kwaitiyya said...

مساكين والله البنات ... كل شي يتحملونه
الله يعينهم ويفرج كربهم ويسعدهم

نبي شي رومانسي وسعيييد ... بردي علينا الأجواء لوير

Unknown said...

وجهة نظري ان كل شى ممكن يتجاوز عنه الا ان ريال لا يصلي او ريال يشرب

اجار الدين كشمش said...

الريايل ما ينعطون ويه !!!1

شافها ضعيفه استسلمت لسلوكه ...يعني بالكويتي ديايه

ركب فوق حياتها
موووو بس بالشرب ...لا لا لا في كل تصرفاته معاها
والدمار قادم مع المده ..اذا عيلت او مرووووا بمشاكل حياتيه متعدده
لاااااازم توقف بوجه من اول انحراف اسري هي ترااااه

انا اوصي البنات لا تصيرووون دياااي

فمالله

AseeL said...

هذي اسميها

(( قارورة ديزاين ))

شمخرب مجتمعنا غير هالنوعية ؟من الحريم مع احترامي

اكيد الريال بيتمادي
هذي سذاجة مو صبر

سلسلة جيدة

Shaden said...
This comment has been removed by a blog administrator.
lawyer said...

كويتياا

هلا وغلا حبيبه قلبي

اتصدقيييييين والله وايد احبج

من عيووووووووني انشاء الله








مشاري
صااااااج

والله اليوم اليوم

ياريتك شاااااااايف ويهي و شهقتي
يوم وحده بالدوام تقول انا مابي واحد يصلي !! ولا ابي ملتزم انا عكس الناس !!


كاااااااان في تعبير يخرع و علامه استفهام في ويهي

ماتبي واحد سنع و يصلي !!







اجار الدين
اقققققققققققققققعد

ياااااااااااااااكم السبع
الي بسسسسسسسنع رياييلكم
هههههههههههههههههههههه



اي للاسف حريم دياي

ووووووووووويه ماعطاهم ماعطاني
يوووووووم بالملاس
و يوووووووم بالاباجوووووووورة

ويوووووووووووم يالغاااااااايش

ههههههههههههههههههه



واذا بتغشمر وياااااااي رن راسي بالطفايه
هههههههههههههههههههه






اسيييييييل
واي ذكريني اقووووووولج سالفه الي طاقها ريلها بالهوووووز


تنصرعين!!






شادن
لوسمحتاي
اذا بظبطين واحد
ظبطيييييه برا بلوووووووقي


انا يوم شفت تعليق محمد و شفتج مسحتي الكومنت قلت مارضت على نفسها

و مسحت كومنتها



دللتي على روحج قلنا ميخالف


بس تردييييييين وتردحين برا بلوووووووقي لوسمحتي





انا مدري اشلون اكو بنات تقبل تتعرف على رياااااااال اهي طايحه من عينه !!

Shaden said...
This comment has been removed by a blog administrator.
esTeKaNa said...

هلوووو

Unknown said...

فطيم صاروا وايد عادي ونطري شوية يصير الوضع اكثر ونطري وقولوا ما قلت

محـــــارة said...

فطوم حبي شهالقصص الي تعور القلب حبكتي الدارمه عدل

احاجي روحي اقول ابيه فطوم شنو بالضبط اسم الله عليها من هالحجي خبري فيها مثل حلاتي شنو زوجي ومحرومين وزوجي يشرب

عورتي قلبي بروحه ناضي

عطينا بوست من الي يحبه قلبج يالغاليه

Kwaitiyya said...

لوول حبتج العافية والله حتى انا احبج فالله :**

lawyer said...

استكانه

هههههههه ترا ماكنت بنزله بس مدري شنو صار

المهم عرفت

ماننحرمش






مشاري
بشووووووووووووووووف و بنطر !!

شنطططططططر اكو اردى من هالحال الي احنا فيه


زحده تقول مابي سنع

خل الصلاه

كيفها حريه شخصيه
بالطقاق

بس السنع !!

حتى اليهود يبون سنع






محاااااااااااره
اااااااااااه

من يومين وانا كاتبه قصب تشلع القلب
يمناسه هذا اليووووووووووم

بس مابي
انزلها


مساكه نفسي
الله يعدي هاليوم على خير

بمووووووووووووووووووووووووووووووت






كويتيه
الوعد يوم القيامه
ههههههههههههههههههه


اشعلييييييييج ربي بظلني في غيمتج انشاءالله

عاد تخيلاي يوم القيامه ينادوني
بس ما اعرف منو انتي


وييييييييييييييييييه خيالي شششششششششطح من الصبح
وصلنا يوم القيامه ههههههههههههههه

kazmawy said...

لا حول ولا قوة الا بالله..الله يعينها وضع صعب جدا مرة بدون عيال وريال يشرب...
الله لا يبلينا

kazmawy said...

ابو وليد :)
لوووووووووول
شدعوة ماندرى انها قصة هههههههه

lawyer said...

كظماوي
حياااااااك الله

انا اعلق عندك وانت هني تعلق عندي

هههههههههه


لاحظت بولييييييد
هههههههههههههههه

اهم شي يعلق تالي يقووووووووووولي الناس اندمجت


يحرررررررررررررررجني حداا

Traveleer said...

تُريدينَ مثلَ جميعِ النساءِ..

كنوزَ سليمانَ..

مثلَ جميع النساءِ

وأحواض عطرٍ

وأمشاط عاجٍ

وسرْبَ إماءِ

تُريدينَ مَوْلى..

يُسبّح باسمك كالبَبَغاءِ

يقولُ: (أحبّكِ) عند الصباحِ

يقولُ: (أحبّكِ) عند المساءِ

ويغسلُ بالخمر رجليْكِ..

يا شهرزادَ النساءِ..

نزار قباني

lawyer said...

ترافليير

كلمات نزلر قباني اليوم غيرت لووووووووون يومي


:)

اشكرك على التعليق
ورحم الله عاشق الحب ورجله نزاااااااار

enter-q8 said...

شهالوصاخة اللي وصلتني بالايميل
اقول حجية
سوي تفعيل حق الردود بعد الموافقه

feelingstalk said...

ما ادري ليش نربط السعاده بالاولاد
الانسان طماااااااااااع يريد كل شي ويريده الان.. كان بامكانها انها تستمتع بالوقت اللي عندها مع ريلها في اشياء وايد ممكن تسويها تقوي علاقتها بريلها وتقربه منها ويتكلمون .. مشكلتهم ان محد يصارح الثاني
في شي اسمه التبني .. اذا عندها عاطفه قويه خل تتبنى طفل ... اذا هامها كلام الناس ما راح تعيش

Unknown said...

أختى العزيزة
انا نهله من مصر
تزوجت مرتين
زوجى الاول كان عمرة تسعه عشر وانا ثمانيه عشر
كانت حياة بشعه بكل المعانى
كنت بس مجرد خدامه لاهله
وهو ماعنده شخصية بالمرة
اللي تقوله امه يمشي عالكل
امه كانت عمتى اخت ابوى
انا اكلمك بلهجه بدوية لانى فالاصل بدوية من بدو مصر
بعد ماعشت حياة بشعه كريهه
مقرفه مقززة
بكل ماتحمله الكلمات من معانى الكره والنفور
تطلقت بعد 3 سنوات بعد ماجبت منه ولد
بعد شهور العده تزوجت من رجال يكبرنى بثلاثون عاما متزوج واحده قبلي
اهلي قبلو فيه
لان اكتر مصالحهم معه
لان هو يشتغل مدير ادارة في احد الشركات الوطنية المصرية
تصدقين
للحين صارلي 5 سنوات متزوجته
اقسم لك بربي
كل يوم اموت الف مرة
لانه مايجينى غير ساعه كل كام يوم
وانا عايشه بالبيت لحالي
ممنوع اطلع من البيت ممنوع يكون عندى اصحاب
حتى النت منعنى منه
بعد ماكنت القي فيه حياتى
ادخل شات ادخل منتديات
انسي حياتى الكئيبه اللي اعيشها
اعيش بشقه في بيت اهله
عيونهم تراقبنى وين مارحت ولا جيت لازم يكون في احد معى
مش مسموح لي اطلع برا الشارع اللي اسكن فيه
ابنى من يوم ماتزوجت ممنوعه اشوفه
اهل زوجى الرجال والشباب طمعانين فينى
قلتله ونبهته
وهو ولا علي باله
مايجيب غلط علي احد غيري
اهلي لو قلت اطلق بيدبحونى
لانهم مايبون مصاريف جديده في بيتهم
ولانهم يحطون الف حساب للناس
ماقدر اشكى لاحد
زوج بخيل يحسبها بالنكله
لو يلقانى قرش يحطنى بجيبه
ماله في بيتى غير بيجامه واحده بس
وحياته كلها عند زوجته الاولي
تعبت
عايزة ابكى
اصرخ
اقول اللي فينى
احس بوجودى
مش قادرة
فكرت اقتله
فكرت احرق البيت وانا فيه
فكرت اهرب
فكرت انتحر
بس وين اروح من ربي
كل ليله احس انى مدبوحه
ماعندى غير الشيشه اللي علمنى اشربها
ماعندى غير العاده السريه اللي القي فيها قتل لانوثتى ولكيانى كأنسانه
وفيها كمان غضب ربي
افكر بالطلاق
بس وين
قلت لاهلي قبل انى عايزة اطلق
قالولي غورى فداهيه لو تطلقتى مالك غير القبر
والله العظيم اتمنى الموت علي انى اعيش هالعيشه
ماعندى صحبات
ما اطلع من البيت
ما اعيش حياه كريمه
لو جابلي بربع جنيه بسكويته
يزلنى بها العمر كله
مرة كان نفسي فاللبن
اقسم لك
قولتله عايزة اشترى لبن اعطنى فلوس
قاللي ليش كان اهلك ربوكى علي شرب اللبن عشان اجيبه لك
والله يا أختى تعبت والي طريق ولا ملتجأ
قلت ادخل النت اللي مايدرى انى ادخله
لانى ادخل من وصله مودم اتصالات
وطبعا ماعندى تمنه
صرت اسوى سكس فالتليفون عشان اجيب رصيد ابيعه واجيب اللي عايزته
قرفت من نفسي ومن حياتى
وما اعرف ايش اسوى
دخلت النت وكتبت حياتى تعيسه
لقيت يومياتك
قلت ادخل افضفض
سامحينى اذا خرجت بكلامى عن الادب
بس وين الرجال اللي يخاف ربه في زوجته هالايام
وين بروح
وين القي احد يسمعنى
كل الناس عندى وبمجتمعنا البدوى او الصعيدى تجيب الغلط عالمرة
حتى لو مظلومه
وعلي راى نبيل شعيل
آآآآآآآآآآآه يالقهر
شايفه حياتى سواد اذا استمر زواجى
اهو مايجيب اولاد
وانا محرومه من شوفه ابنى
ومافي مجال يكون عندى اطفال من الرجال ده
ولو كان طبعا ماتشرف ان يكون ولادى يحملون اسمه