Thursday, August 07, 2008

صييفن اقشششششششر علي !!


كعادتها السنويه لوير لازم في وقت بالصيف اكون بروحي في البيت
و اكون هوم الون !! و اعفس البيت عفيسه
و اصير مرت البواب !!
ليش مرت البواب لان كل ادمي يمر بيتنا عامل صباغ مدري منو لازم يحصله حجوة مني !!
هالسنه بعد ما سافرت امي حملت الرايه من بعدها !!
و طحت مريضه و اعابل باذوني و اسناني
لان الكبر شين و بوادر الشيخوخه بدت تظهر علي
الشي الحلو الي قزر علي هالصيف هو ان شهر رمضان قرب
و حطيت حرتي في الطباخ
و يوم كامل يلف في هالسمبوسه !!
ليش سمبوستنا بس جبن كرافت و فونك !!
مابي ليش احنا مو حالنا حال الاوادم عشر انزاع جبن
قمت مابقى نوع ما شريته !! ويلا تجنيد
خلص السمبوسه
يوم ثاني كبه !
يوم ثالث افخاذ الدايااي
يوم رابع لف دولمه و وحطه بالفريز !!
الاخ طباخنا مو عاجبه لاني كل يوم مكدشته !!
بس انا ما علي منه خيولي
المهم ما يقعد
هذا غير ان قلبت بيتنا دوانيه
يوم بنات خالتي
يوم رفيجاتي
يوم بنات عمي
يوم موفي نايت و قازرة
انزين الشر الي فيني ما هيع !!
شسوي شسوي
يتني رفيجتي تشوف موفي عندي و من يومها اوقظت الشيطان براسي!!
تقولي فطيييييييييم دارج حدها اتزرقين فيها واحد!!
قلت لها عشان مداخل بيتنا مهيه!
ابشرررررج عندي مدخل من الكراج لي داري بروحي بعد
بس انتي سمعتي في المثل الي يقول البنت سنعه مو عشان سنعه
عشاااااان ما لقت احد تصيع وياه هذا انا !!
لوووووووووووول
المهم الخدامه ما سوت شي باطه جبدي خليتها اهي و الصبي يغسلون الكنابل كلهم
!!
خلصوووووو
يوم ينفظون الدور
يوم كبتات
يوم امشي و اطفح الحماماااات بجميع انواع المنظفات و اناديهم يفكرون
قبل امس ارتكبت جريمه في حق نفسي
ولكن ما قلت حق احد عشان محد يزفني !!
دقيت على الي يرشون ملوووووت الصحه
الي يرشون المطابخ ذبحنا النمل
وياريتني ما دقيت
الصبح اعطي امر بان جميع المواعين تطلع من المطبخ عشان يرش المطبخ
ايووووووون الصحه مدري منو هذولا الي بالجريده دقيت عليهم
و يرشوووووووووون
صار باليل
صار من باجر
صار اليوم
ابي الريييييييحه تروووووووووح مارااااااحت !!
لزقت ويا الرطوبه
ياحسرتي
ماني قادره ادش المطبخ تسببت على عمري !!!
الله يعدي هالصيف على خيييييير
بصير فيني شي
بمووووووووووت من الغلقه
اذيييييييييت الخدم !!
صرت عيووووووز بس احن
ربعي الي مسافرين
ماتبون كبه
سمبوسه
اغراض رمضان
اي شي المهم بس اقززززززززززر الوقت
اييييييييييييييييييه
تعبت نفسيااااااااااا صج


*******
مسجات صيفيه
ربعي الي تنقصولي اكله سمج من محلي المفضل في تانون
ثانكيووووووو اذا كليتو انتو جني انا الماكله
((جذااااااااابه الله ياخذكم شوقتوني )) هههههههههه



الغالي الي في ماربيا
الله يخليك مرا ثانيه لا تعطيني رقم حسابك ما اشتغل عند ابوك
سنع جناطك
و اطلب من الكونسرج ميزان و اوزن جناطك و شوف اذا تحتاج هاندباج

حبيبي الغالي
شوفتك ردتلي روحي
يوم كامل و دموعي تطير فرح
بس لي الحين محتره من الحماره الي رازه عمرها !!

شهر اوغست ممكن تعدي على خير
لانك ثقيل و كئيييييب


31 comments:

Tekana said...

لوووول حدج تونسين...زين تسوين انج كدشتي الخدم احسن من القعده والهذره وتاليها طاخ طيخ..بس ديري بالج لا يهجون وتتوهقون برمضان تالي منو يقلي السمبوسه :P

ممكن طريقه افخاذ الدياي :P

lawyer said...

تكانه
اييييييييييييي مو هذا الي انا خايفه منه
ازززززززفهم من صوب و بعدين ادعس عليهم فلوس من صوب

لووووووووووووووول

بما ان الساعه 3 ونص الفير و حدي فاضيه


ماعندي مشكله اشرحلج كلش

افخاذ الدياي عباره عن بف باستري محش بدياي على شكل فخذ و بطرفه حبه معكرونيه مغطى بالبقسمااط و يتقلى
هههههههههههههههههه

فاضيه فاضيه حدي

تاخذين بف باستري و تقصينها بالنص على شكل مثلث
و تكونين فايحه دياي و مسويته مسحب و حامسته ويا بصل و مايووو و شويه بقدونس
و بهاراتج
المهم تلفين على شكل فخذ
تالي تقزين فيه من تحت حبه مكرونه البنني
و تقططينها في بيض و بقسمااط
و تصفينها بالصينيه و تدخلينها فريزر لين تصك تحطينها بجياس على كثر الوجبات الي بتقلينها

متى ما بغيتاي تاكلين تطلعينها قبل القلاي بنص ساعه

و تقلينها

عوافي
ترا من الفضاوة عطيييييييتج الطريقه

:P

Kuwait said...

وااااااااااي ..
امبييه امبيييييييييه لويررررررر ..
انا هالحاله هالسنه ما حاشتني ولله الحمد لكن حاشتني السنين الي طافت ..
من امه انا واختي مقزرينها على الخدم والطباخ والسايق ..
قعدنا شهر ونص انا واختي بروحنا البيت فاضي يصفرررررررررررر :|
قزرناها الصبح دوامات نرد من الدوام نوووووووووووووم بعدها على طوووول المغربيات طلعااااات لما الساعه 11 نرد على طوووووول ندور المخده ..
والخدم كلا كارفينهم على قولتج تخيلي لدرجة ان اختي تقولهم شيلوا الغنفات و قطع السجاد طلعوهم من الغرفه ومسحوا الرخام وردوهم ودهم يكفخونا ومره مسحوا الدرايش من داخل ومره من برا ولدرجة حتى الثريات والسبوت لايت خلتهم ينضفونها ..
لااااااااا وازيدج من الشعر بيت لما تشوف ما سووا المطلوب على أكمل وجه تعاقبهم لووووووووووووووووووول :P
ولا تشوفينا واحنا رايحين نشتري ماجلة البيت واحنا مانعرف شي ماخذين السايق والطباخ اهم يختارون الخضره واحنا ندفع لوووووووووووووووووول
والله كانت أيام لا تعليق ..
بس قزرناها عدل يوم عند خالاتي ويوم عند يدتي وعمامي ويوم طلعه مع البنات و يوم معزومين عند فلانه وطاف الشهر ونص بدون لا نحس لووووووووول
بين سينما وسوق وزوارات وعزايم :D
بس حطي حيلج بالسمبوسه وقعدي بيعي ترزقي الله لووووووووووووووووووول
لويرررررر تكفين طباخنا قاعد فاضي روحي كرفيه ما أحببببببببه

AseeL said...

لما اصير هوم الوون
اصير عكسج.. البيت يتحول الى مجاعة افريقيا
والطباخة تشكي من قلة الشغل

بوستج حده صيفي :)

JooJ o MaJooJ said...

عيل انا اموووووووووووت على الصيف
الكل مسافر.. وناسه
هدوووووووووووء
بس وعليه على هالخدام...
شكلهم اكرهووج
ديري بالج و تحرصي..
و هالباب الي يوديج لي الكراج ديري بالج منه .. خوفج الخدم مكيفين عليه
ترى مره خادمه عمتي يت عندنا بالصيف لان عمتي مسافره
وكل ما نسأل عنها وينها إلا تحت تقص السلطه..
ما صارت كل يوم و اكثر من ساعتين اتقصص بالسلطه..
ما وعينا إلا الحلوه دايره على كل الصبيان الي في بيت يدي و بيتنا..
خلوه تخلي يمبها
سوي تحريات كثيفه ما اوصيج.. دشي فجأه البيت و في وقت مو وقت ييتج ...

والحافظ الله يا كويت :)


ماجووووووووووووج

Diver said...

انا كنت افكر جديا باني اعرض خدماتي عليج عشان تكزورة الشهر بس للاسف اكتشفت اني لازم اكون يوم السبت في كندا

Blog 3amty said...

من كثر البدليات باللغة السريالية اللي تكتبين فيها

يوم قريت البوست أخفى الماوس !


:P

Traveleer said...

ممكن تلفينلي سمبوسة لحم مع بزاليا و انا مابي اتعبج اجي اخذهم. بس اهم شي رحتي شريتي الفيمتو ترى رمضان هاذا الصيف حار و تحتاجين ليكويدز و لا تنسين خبز الرقاق حق التشريب.

حنا الكويتيين كلش مو بطينية بس نفكر في الاكل

Najmah said...

لوووووووووووول
عيل انا لما امي وابوي يسافرون مادري عن البيت ولا الخدم
انام بيت يدتي
بيت خالتي
واذا قعدت بالبيت
على قولتج اقلبه ديوانية
ماتحمل بروووحي يصير فيني شي

وسلامات سلامات ماتشوفين شر
توج شبااب :))

Fahad Al Askr said...

ليش الغلط، البنت ما سوت لج شي

Enter-Q8 said...

يالله سترك
اشوه اني كويتي
يالله لك الحمد
يعني لو يدور الزمن و اصير راجوا ولد كومار
و اشتغل عند بيت اهل لوير
الله يا كثر الذنوب اللي باخذها من كثر ما اتحلطم علي هالمعزبة
هذا غير اني بكون بوذي يعني
جهنم حد الدوسة
شوفي لوير
انا اكتشفت انتم يا صنف النساء
تحوشكم هالعره هذي مالت النظافه و الاكل بس تصدف لما يكون الواحد فينا بيوم اجازته او متملل
و انتم رايحيين رادين
احلى شي لما البيت مافي احد يالله
شنو وناسه هدوء
ام كلثوم بصوت عالي
و شيشة سلوم

ShLaLaT said...

فطووووووووووووووووووومه


واااااااااي عورتي قلبي
تبين اطلعلج شغل ؟؟ لوول ترا انا راضيه

عندي اغرااااااض وااااايد ومالي خلق اروح

ها شرايج ؟؟

تخلصين شغلي واعطيج عموله بعد شتبين ؟؟



وعلى السمبوسه لوووووول

احنا سوينا حق بيتنا
وبيت عمتي
وعمتي الثانيه


انترس الفريزر
واذا تبين سمبوسه تييييييينن صج
وصيلج على عجينة سمبوسه من السعوديه
او العجينه اللي عند مال الجباتي اللي بفرع العديليه ورا ثانويه شريفه العوضي

والجبن اشتري السعودي
مووووووو طبيعي احلى جبن


وادعيلي

اي تعالي

قولي حق طباخكم يسوي باكوره مو بس سمبوسه
اشتريله بطاط وخليه يسوي :)
وانا اقول فري اثاث بيتكم كله
:)
يعني تغيير

The Simper said...

mali khilg i comment.. so i decided to COPY and PASTE from ur post ;) ;) :P


1.
ليش سمبوستنا بس جبن كرافت و فونك
madri chanha badliya.. shino fonk??

2.
ليش احنا مو حالنا حال الاوادم عشر انزاع جبن

3.
يوم ثالث افخاذ الدايااي

4.
لف دولمه و وحطه بالفريز

5.
خيولي

6.
عشاااااان ما لقت احد تصيع وياه هذا انا !!

malegait wayid badliyat..

o salamtich ;)

lawyer said...

كويت
هههههههههههههههههههههه

بعد قلبي كلنا نفس الشي
بس اناااااااااا اشوة من ايام الثانوي و انا اشتري ماجله البيت

ههههههههههههههه
واعرف السمج من وين و اللحم من وين و كل شي من وين


اي بعد لا تنسييييييييييييين غبار الحين حتى فتحات السنترال نظفوووووهم
هههههههههههههههههه
تجنيد!




اسييييييييل
ههههههههههههههههه

يعبر عن معاناه وحده طفشاااااااااانه من الغلقه




ماجوووووووج
ما تدرين انا يسمووووووووني مكافحه الجريمه الجنسيه اصلا
لووووووووووووووول

لا ماعندي خدامه مني منااااااااك
قصبن عليها فراشها بالصاله تناااااااااام داخل و اقفل عليهم بعد

ينيييييه انا ماني ادميه ههههههههههههه





دايفر
باالسلاااااااااامه

وناااااااااااسه عليك بالعافيه



بلوق عمتي
اناااااااااااااا كلا بدلياااااات
ما اعرف اكتب صح اصلا





ترافليير

افا عليييييييك ههههههههههه

الحين اخلى طباخنا يسويييييييلك
و تعال اخذهم ههههههههههه





نجمه
تعااااااااااالي شوووووووووفي موفي عندنااااا هههههههههههههههههه





فهد العسكر
الله يااااااااااخذها عمى بعينها
طراااااااااااره بطت جبدي





حاكي عقالي
هذا الي هاااااااااااامكم
تمووووتون على هالشيييييشه






شلالات
هههههههههههههههههههههههه
وااااااااااااي اشوووووووووووووة اكو مثلي
لاااااااااا انااااااااا شاريه العيينه من العديليه بس الي يم سب واي مال السمبوووووووووسه

اشوراناااااااااا
نطررشه يروووووح اييب

ههههههههههههه
تعالي صااااااااااجه باكوووووورا

اشلون نسيييييييييت

ههههههههههههههههههههه

واي تكفين بعد دوريلي شي اكدشهم هههههههههه

lawyer said...

سمبرررررررررررررررررررر

بس رقم اثنين بدليه
جبن اسسسسسسسسمه فوووووونك

و الباجي كلا صصصصصصصح
يلا عاد بس يلا عااااااااد

عن الخوارة

why me said...

لووووووووووووووووووووووول

حرام عليك


شسويتي فيهم اقول بليل قفلي باب دارج لا بذبحوونج

لووووووووووول


ابيغت سمبوسه وكبه بليز


;p



ابي ابي ابي

SHAHAD said...

وااااي لوير حالتج مأساوية !
لو انا منج بس أنااام
أقضي العطلة نوووم
حده مو حاصلي أناام لول
يللا ما بقى شي ويخلص شهر 8 ويبدي رمضان : ))

9ahba'a said...

مشكورة هلى هذا البوست وسعت صدري عندج

خفة طينة

soul said...

قريت هالبوست وآنا قاعدة بالصالة
وأمي تحوس يمي ..
ضحكت على ينونج .. جان تقول ضحكيني معاج ..
.. ضحكت ..
لحد احين أوووكي ..
شوي
ايه هذا السنع
مو احنا محد يدري عن البيت ..
ولا عن المطبخ .. الخدم يسرحون ويمرحون ...بلا بلا بلا
يعلج شقول .. يالوير ..

lawyer said...

واي مي

اطقه قفل مرتيييييين بعد مو مره هههههههههههههه

شهد
انام لي السعه 4 العصر
للاسف




صهبااااااااء
يااااااااااااااازينها طله منج
ترد الرووووووووووووووح





سوووووول
قوووووووووووووووولي حق امج يمه هذي اتسووووووي و تحن
احنا ما نحن

يعني لو بنتج ذبحتيهاااااااااا

اقريلها شي من شطاااااانتي خليها تقووول اعوذ بالله ربي لا يبليناااااااااااااا

єĽ маѕан said...

حالتج صعبه ياختي
قصي تذكره وتعالي بيتنا بسويلج برنامج :P

MO3ATH said...

بل بل بل

شنو هذا انتي فيج كبت مبين عليج لوووول :)

مالفيتي على بيت الييران بعد شفتي شعندهم ماعندهم

ماشالله عليج والله لج خلق واهم شي داقه على مكافحه الحشرات ، خو لما يدقون عليهم بيتنا كل جم سنه انا اشيل عمري واشوف لي بيت ثاني انتي من صجج قاعده :)

على طاري السمبوسه لاتنسينا دامج منوعه فيهم لووول :)

محـــــارة said...

لوير الغلقه ذابحتني وزايده صاير لها جم يوم مادري شغبر بعمري اعاند نفسي حتى بالنوم ؟؟؟

مت ضحك على السنعه ليش سنعه لأن مالقت أحد :) تهقين هذا العايق

البلا الي مثل البوست الي قبله وااايدين بس مو هذالا الي يملي الراس مالت عليهم دخنا من الريايل وبلاويهم

الي يتسلى ولي اهبل شكبره بس مخه ياهل والسنعين قله مادري وينهم

وصح لا وصيج خليهم يسوون سبمبوسه جبن مع الزيتون وفلفل بارد حلوه ترى :)

Shaima'a Alkandari said...

والله طلعتى شقرديه موهينه

حركات

الله يعطيييج العافيه

انتى ست بيت بس مش اي بييييييييت كامله سمله عليج



الا تعالى قوليلي الحين الريحه راحت ولا لأ

تدرين عاد حلوه القعده بروحج تحسين بالحريه بس بالاخير تحسين بان في شي ناقصج



والله يرد اهلج بالسلامه

met7mla said...

yazench et7ben el loya ... el hodo2 shakla mayamshy m3ach ... atwqa3 el khadam kan wedhum ysafron m3a ahalech b3d el 3eqab elly 7al 3lehum ;)

o lesh entay masafartay m3ahum??

ray said...

lawyer,

بدعتي , حالتي هالصيف مثل حالتج , ما بقى شي ما فكر فيه ... ملل ملل

غلقة خلصت كل كتب المكتبة , شفت كل الافلام اليديدة و القديمة , ما بقى طبخة ما سويتها , ما بقى شي

لي درجة اني فكرت أقضي يومي كله رياضة من الملل

شنو الواحد يسوي اذا كل ربعه سافروا ؟ و الحر مو طبيعي برة

انا طلعاتي و وناستي كلها بالهواء الطلق , بله وين استانس و الجو قتال

بنت الشامية said...

الله يا انت ماتركدين...ههههههههه

المهم عيل زهاب رمضان هالسنه عليج
ماراح ارد الكويت الا ليلة رمضان
الله يعافيج كل اللى توصينه لكم زيده اربع درازن...علشان اقرز فيه اول رمضان ....اااااو نسيت

الله يعافيج لا ننسين البهارات لو سمحتى سويلى وياكم

ومشكوره وما قصرتى
بكل فطور بدعيلج انت واهلج وطباخكم
بيت عامر ومفتوح باهله دايما يارب

`~MnO YeNSa! ~` said...

hello

ها شلونها و شلونج مع الحوسة ؟
والله انج سنعة


كدشيـــــه هالطباخ

سمبوسة وكبة و ورق عنب

عندنا و عندج خير
قبل رمضان يبوز و نفسيه
:P
ترى فونك ناطع بس :P

est`3lei each moment

:D:D

bhr.qadsaweya said...

ماقول الا الله يعطيج العافية لوير
و ديري بالج من الخدم على كثر ماتسوين فيهم يعاملونج .. تحملي

mowa6en said...

أغص طس .. اي والله ، الي ما سافر وده هالشهر يطس على اسمه .
وسالفت النمل سالفة ، انا اليوم شفتهم بالمطبخ وسويت نفسي ولا كأني شايفهم لأني اعرف تبعات سم النمل ، اتوقع آخر مره راح تتحرشين بالنمل
:)

قريتي رواية 7 حق القصيبي ؟ اذا (لا) يطلع ما عندج سالفة ، اذا (اي) ابي رايج فيها

lawyer said...

المااااااااسه
أأأأأأأخ صصصصصج انج طيبه انتي الوحيده الي عزمتيني ههههههههههههههه

يلا يلا جهززززززززي دار الضيووووووف انا يايييييييتكم

:**

معاذ
ههههههههههههههههههههه
من النمممممممممل اذوني
!!

وبعدين ابي اكدش الخدم عشان يغسلون المطبخ و المواعين و الجدور كلهااااااا النظيفه والي مو نظيفه حق رمضان




محاره

هذي حالتي بالظببببببببط
شكرا انج اتكلمين عني هههههههههههههههه

عادي وياه زيتون انا قلت له نعناع بس؟






شيماء الكندري
هههههههههههههههههههههههههههه

ست بيت من غير بيت

هههههههههههههههههههه





متحمله
معيار الفقير من الغني عندي
هو من يملك رصيد اجازات

وانا فقيره الا حد يصعب تصديقه
رصيييييييييد اجازاتي 4 ايام !!





راي

حداااااااااااااا

انزين ييت على نفسي و رحت سينما الساعه 8

ورحت عشا بس مو حاله كل يوم


انا يومي انقلب
انام طوووول النهار و سهر بالليل


بعد شوي برووووووووح اسويلي عشا
تو الناس ليلي طويل ما بدا







بنت الشاميه
من عيوووووووووووووووووووووني افا عليج

كل الي تبييييييينه دزيه ايميل

و اذا بالمرا قبل رمضان بيومين ييبنا الخرفان نذبح بالبيت ييبتلج خروفين وياي

اما البهارات
تعالي شممممممممي الصااااااله رحتها كززززززبره

خبرج لي غسلتاي البهاراااات ماكو شمس غباااااار

الله يعافي السايق طرشته يشتري من سمراااااء عدن
و تالي عقب باجر نرجعهم يطحنونهم و يخلطهم


اذا انتي راده على الاماراتيه مراي كارفور بطريجج و ابي جوز الطيب احبه


ممنوع بالكويت يقولون مخدرات






منو ينسى

هلا بالشوووووووووووفه

اشوة السفاااااراا بدوو يردون و بدت ترد رووووووووووووحي






بحرينيه قدساويه
ياهلااااا يا هلا

اييييييييييييييي لا الحمدلله
الله يستتتتتتتتتتتتتتر لي رمضان

هههههههههههههههههههه




مواطن
يبتهاااااااااااااااااا ييييييييييييب
اغس طسسسسسسسسسسسسس


اي والله طسسسسس


اي روايه سبعه قاريتها من السنه الي فاتت او قبلها

كانت بالنسبه لي مثل بنات الرياض بس على رياااااااااااااييل


فهمت الرياااااااااااااايلل صصصصصصصصح فيها


يحروووووووووووووووووووني يوصفون حريمهم اشلون !

هههههههههههههههههههه

صيف 2006 كنت ماخذه الروايه وياي لوغانوووووووو

في الصيف
و على اجواء رومانسيه قاتله وقت الغروب
كان غازي القصيبي ملازمني رحلتي


كاتبه عن الرحله



احب غااااااااااااااااازي
يفهمني
و يعرف من اين تأكل الكتف