Thursday, August 14, 2008

لا انام


هو : شنو الاغنيه الي تذكرني فيج و كل ما سمعتها اذكرج..؟؟
انا : (جاوبته صح)
هو: والله يا فاطمه من يقول محمد عبده نامت عيوني .. اذكرج
انا : ابتسامه
هو : مع الايام صرتي صج الفجر البعيد !
بس الحين قربتي ... الله جابج


هل يعلمون الان اني لا انام؟

يبدأ يومي الساعه الثانيه فجرا

اتقلب
الساعه 4:19 مسج
اخاف افتحه
صار صوت المسج الفير يسببلي رعب

مسج من البنك!!

خيبه امل كبيره


نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
أنا حروفي في غيابك
لا هي حكي ولا هي قصيد
أكتب الظلمة وأعيد
وإنت يالفجر البعيد .. نامت عيونك

اسكت دائما عند هذا المقطع

قم نادني .. يالله عسى تحتاجني
إن زاد ظلمك ما عدلت
وإن مر ليلي ما سألت

25 comments:

ray said...

ما تنامين ؟ أكيد ما تصيرين لي ؟ ;)
عندي شغل و لي الحين مو نايمة

ويهي مترووس نوم بس من أحط راسي عالمخدة تطير النومة

خنسوييلنا نادي :P

enter-q8 said...

اول مره بحياتي و على عمرى اللي مضى منه 36 عاما
اسمع احد يخاف من مسج البنك
بالعاده ما اعرفه الا اخر الشهر

بذمتك فطيم
سمعتيه لما يقول
و صحى الليل

ياااااو

جنة الحواس said...

روعة الأغنية
أحب أغاني محمد عبده اللي تشرح حالة معينة بكل تفاصيلها

::

اذا كان سبب صعوبة نومتك نفس اللي في بالي فالله يعينك

أنا لقيت لي حل و هو إني ما أنام الظهر و أطلع بعد الدوام >> ما أرد إلا الساعة 10 بالليل


أوصل البيت كأني جثة ..مافيني طاقة أفكر

مو شرط أسويها كل يوم ..بس يعني

every now and then

::

أمس مريت دبنهامز و شفت المخدة اللي قلت لج عنها من قبل

Here u go :

http://kuwait.tempur.com/page3270.aspx

and also :

http://kuwait.tempur.com/page3288.aspx

::

مسجات البنك مسببة لي قلق مثلك هاليومين

lawyer said...

راي

حياتي معفوسه
الله يجازي الي كان السبب

ارد من الدوام الساعه 2 الظهر انام من بعد صلاه العصر لي الساعه 2 باليل و هذي حياتي!!




حاكي عقالي
ما اخاف من مسج البنك!!!


اخاف من صوت المسج

والا طلع مسج سخيف من البنك

خيب ظني

المفروض الساعه 4 الفير اتييك مسج حلوة

مسج تطمنك انك مو سهران بروحك

ولكن خيبه املي لانها من بنك

مو من احد يسوا..

اسمع عيل لما يقول و غطت جناح الثواني غيييييييييييييبتك و صارت الساعه اماني

شوفه اشلون يقوووول غيبتك...






بروك
صعوبه نومتي اني عافسه نومتي و حياتي معتفسه وياها

حبيبتي رفيجتي
صارت جنها امي
بس تدق تقعدني
و تدز مسج تزززفني
وشايله همي و ملوعه جبدها

وجني ياهل بسسسسسس اتدلع عليها



انا عندي حل
تطلعين من الدوام
تروحين صالون
وياج مجله حلوة او كتاب

و تسوين حمام زيت من النوع الي وياه مساج

و عقبه سواي اظافرج سواي اي شي

بعدين روحاي زارا او اي مكان تاخذين منه بديات
او شي ناقصج المهم كملي شغلات

حوسي بالسوق
صار المغرب

تواعداي ويا وحده تروحون قهوه

و رداي من لقهوة على 10

مقتووله


تقدرين مرا من المرات تبدلين السوق في سينما و الصالون في غدا برا


انا خبيره هياته
بعدين

الكوت احبه في وسط الاسبوع





شفت المخاد
اذا رحت دبنهامز باخذلي وحده ...


البنك يبطون الجبد

قاعده في امان الله لا لج و على عليج

موبايلج حايشه حاله حداد


فجأه بنك

تنبط جبدج..


امي من الناس الي تشكي من موبايلي ما يسكت ولا مسجاتي تسكت


بس الظاهر انا ما اسمع ولا ابي هالمسجات :))

الزين said...

شنو هذا؟؟

توارد خواطر

اثنيناتنا عبده بنفس اليوم

@@

جنة الحواس said...

OMG Lawyer ..

هذا كان جدولي أمس
( رحلة البحث عن بديات )
..بس بدال الصالون رحت تغديت بـ

Fusion

اللي يم الأبراج

Kwaitiyya said...

نبي قصة رومانسية تكسر لنا روتين الصيف والدوام
بس بشرط عاد تكون من جزء واحد
ما احب النطره اتنرفز

guevara said...

وأنا أيضا لا أنام لأاني ناطر شنو ناطر مو مهم بس المهم أني ناطر
لوووووووووول

Kaadi said...

لوييييييير !!!
أدري تعليقيي مو محله ..

بس بليييييز ..صارلي 3 أيام احوووس ادور أختـــــــــــلاس !!

وين احصلها ..؟؟ بليــز ! لاني حست فيرجن و جرير ما كو :(((

why me said...

لول


تونسين


اذا مايالج نوم دقي علي


;p

Amphibious said...

اشتركي بنادي وانتي الساعة 9 بالفراش من التعب :)

J Daily said...

مسج البنك ما يخووف
و إذا تبين تنامين

في حبة يصرفونها الطب النفسي اسمها سيركويل..
يصرفونها لصاحبي
انا اتسلف منه ساعات d-;
ربع حبة ولا انا طايح 16 ساعة نايم (:

Selezya said...

ماعليه هم السهر ترا حلو
:)

Cr8ivia said...

انا داشه عرض بعد

كادي
kaadi

انا امس شايفه الروايه في مكتبه ذات السلاسل اللي بمرينا .. مرينا كرسنت يم جوني

kuwaitawy said...

ونعم الاختيار



نامت عيوني


الله الله

Eng_Q8 said...

خوش اغنيه

نام القمر بوسادتك نام

the tooth.fairy said...

Yaaa kerh hal 7araka ..

Lama akon na6ra message, oo yousal il fayer .. wekoon tanzeelat Debenhams 50%, 7athaft il talifoun min il 7arrrra !!


Wana ham mayeeni elnoum bellail .. Akhaf teshrebeen gahwa 24 sa3a ! ;p

oo letghayeer nawbat il depression elli 7ayeshni, mfakra ages sha3ri gseer mara wa7da. chayki emailich :P abi na9aye7, WAIN agessa! :P that's urgent


:* :*

oo bassich gahwa, oo 3iddi kherfan

The Simper said...

wain i read ur comment 1000 times! nabi actions..

U-Turn said...

مو خوش إحساس :S

عاد كلش ولا النومه :d


بس بيني وبينج خووش أغنيه :]

يعطييج العافيه وعساج على القوة

MANAF said...

يا حلو عيونه وعيونك بعد

:))


انتي ذووق.. تدرين؟؟



..


انا رجعت

محـــــارة said...

أووووووف هذي الكلمه الي طلعت من قلبي لما قريت بوستج

فطوم أحنا غير البشر والا أهما مخلوقات هلاميه !!!! فعلا النوم والتفكير ابشر مايستحقون السهر شيء يعور القلب لو بيدي أقلب مشاعري بأسرع من رمش عيني

تتمنين أن ناس تفكرين فيها وأهيه بنفس الوقت تفاجأج بمشاعر تحلمين فيها وبأوقات تكونين مشتاقه لناس تغليج من قلب بس كالعاده تضحكين على قلبج وعلى توقعاتج الخنبوجيه

يا دعاية محل يا مجوهرات يا بنك ولا مسج وصوله أو عدمه ماكو فرق

فطوم ذكرتيني بهوشه ماصار لها دقايق ومحمد عبدو الله يسامحه :)

lawyer said...

خووووش خبر

نمت الساعه 5 الفير ! قمت الساعه 8 الا شي جميل 3 ساعاااااااات

صج انا لا اناااااااااااااااااااام





زيونا
يااااحلو بوستج من امسح وانا اردد برداان






بروك
من كثر السهر رافجت ينانوة هههههههههه

احضر ارواح الظاهر





كويتيه
البوست الياي :*




زارادشت
الله ينولك مرادك





كادي
في ذات السلاسل مرينا كرسنت





واي مي

اتصدقين ما احب اسولف بالتلفون

مسجات اي
مسنجر اي
بس تلفووووون الا اذا بصرخ
محتره
بتهاوش
هههههههههه




47
خنظبط النومه المعفوسه عشان اقدر اسوي شي




يعقوبوووو

في حبه من لندن عجيبه
و في بندول مثل بندول نايت بس ماعرف شنو ماركته بالصيدليات براا..

عطتني منه مرا رفيجتي و نمت قتيله يومين



سيلزيا
السهر عجيب





كراتفيا

ثانكيووووووو





كويتاوي
من ذووووقك الطيب





انجنير

يحب اهو هالمقطع

;)









Tooth


عديييييييييييييت خرفان الكويت كلهم ههههههههههههههه


رديت على الايميل

:*******


انا بلوتي موبايلي فيه شي مخليني ما اقدر احذفه فمفزتها تحذف مشوووطه

ابجورة
عطر خالص

هههههههه





سمبر
اي اقرا شي و اطبق شي ثااااااني

لا لا بطبق

خلااااااااااااص


انت بس اصبر علينا شوي





يوترن

ثانكيووووووووووووو
اي توني متريقه و برد انااااام

اساااااحل النومه ههههههههه





منااااااااف
يا هلااااااااااااااا

حمدللله على السلااااااااااااامه


يااااااااازين البووووووست
قريته جني انا ويا هالمسجات ههههههههههههه


اشلون ماربيا؟؟






محاره
ههههههههههههه

انا و انتي حابين اخووااوون صدام من ابووووه الظاهر

انا كلا اقوله انت ان من سلاله صدام


عادي تعوداااااااااااي


ريحاي بالج

Super Woman said...

فطوومه

كل بوست ايي بعلق عليه
اسكر الصفحه واطلع


في حجي وايد وايد ودي اقوله بس ما اقدر اقوله


اقولج سر

قمنا نخاف ندخل الفراش مبجر
اخاف من التفكير والذكريات
!!

الهي روحي بأي شي عشان ادوخ

هذي حاله ؟؟

lawyer said...

شلالااااااااااات بعد قلبي

اعرف هالاحسااااااااس اعرفه ...

عدل

قوووووووووولي الي في قلبج ولا تسكتيييييييييين

و خليها على الله




انا من امس لي اليوم نومتي بس ساعتييييييييين

Om MoD said...

الله يكون بالعون :)