Monday, August 11, 2008

وااي بموت من الوقاحه !!!

واااااااااااااااااااااااااااااااااااااااااااااااااااااااااااااااي
بنفجر
بنفجر
واااااااااااااااااااااااااااااااااااااااااااااااااااااااااااااااااااااااااااااااااااااااااااااي بنبط من الاعصاااااااااااااااااب
انا شفت نااس وقحه
شفت ناس مجرده من الاخلاق بس ما شفت نفس البنت الي وياي في الدوام !!!!
قليله ادب بشككككككككككككككككككككككككل مو طبيعي
من اهف مني او مني او اغيب يوم او اطلع نص ساعه
ارد الاقيها قاعده بمكتبي ! و مسكره الباب بعد
و طايحتله رضاع بالتلفون بمكتبي !!
للعلم المكتب خاص فيني مو شروكه هاا!!
الي صااااار اليوم الصبح يدق واحد علي يطلبها !!
اقوله نعم منو انتي
يقولي انتي مالج شغل نادي فلانه
اقوله و شكو ما تدق على مكتبها !!
يقولي هذا مكتبها !
اقوله لا اخوي غلطان هذا مكتبي
و ارقعه
الحين رحت شوي البنك و رديت ماوعيت الا الاخت سايحه بالكرسي !!
و يوم دشيت وقفت
وتسولف عطيتها نظره الي يلا سكري التلفون !!
تطالعني بكل بقااااااااااااحه تقولي تبين التلفون !
قلت خلصي بسرعه اي
سكرته قلت لها فلانه مرا ثانيه لا اسمحلج تقعدين في مكتبي و تمدين ايدج على تلفوني
و لا ابي شباب اشكال و الوان يدقون علي !!
عطتني نظره من فوق لي تحت و مشت !!
ششششششششششششششششفتوا وووووووقاااااااااااااااااااااحه اكبر من جذي
تكلم شباب من تلفون دوام بس ما تبي تدبس فيهم تكلمهم من مكتبي بس
الي قهرني ان اقولها خلصي بسرعه
والي على الخط مو راضي يسكره
تعرفون لماوحده تترجى واحد بتسكره و اهو ما يرضى !!
مسسسسسسسسسسسسسسسسسسسسسسسسسسسسسخره
شكو ايبووووووون خياسهم الدوام !!
اشلون اتجرأ اخلي احد في الدوام ممكن ان يلتفت لي بنظره اني اكلم او اييب مزبلتي الدوام
FUUUUUUUUUUUUUUCK

30 comments:

Gee™ said...

لوول صج جلة حيا
انزين ليش تكلم خرفانها من المكتب عفوا !!
ما عندها موبايل ؟؟
ولا ما عندها رصيد بنت الفقر

انتي هدي بالج بس وذكري الله
واذا تمادت كلمي احد اعلى منج ومنها
عشان يشوفلج فيها صرفه

مو سالفه هذي بعد يقعدون يدقدقون عليج
ما تدرين باجر واحد يتبلى عليج بشي
هالايام متطرفين الاوادم الله يكافينا الشر

Hamad Alderbas said...

المرة الياية قدمي شكوى عليها عشان تخلين مسؤوليتج من خمالها

المهم هدي اعصابج وترة يمدحون اليمون بالنعناع :)

lawyer said...

واااااااااااااااااي لي الحين بنفجر من اعصابي
بطلع من الدوام من الحره !!


غدورااااااااااا
اشدراني عن ويهاااااااا

و عطتني نظره من فوق لي تحت !!


اشلون اكلم مسؤل انا مسؤؤؤؤؤؤؤؤؤلتها !!!!!!!!!!!!!!

هذي القراده !!

يعني اروح حق المدير اقوله فلان ترررررررضع بتلفوني

عييييييييييييب والله ما اقدر اسويها ولا تطلع مني

مو حلوة يعني كلش


حمد
وااااااااااااااي
انت مو حااااااااااس فيني والله شي يحر يحر حدااااااااا يحر

تخيييييييييييييييل اتكاسرني بعيونهاا

ياربي استحي ادخل على مدير بدااااااال ما اتكلم في موضوع الشغل اتكلم في خصوصيااااااااات بنات

مااا اقدر عيييييييييب والله ما تطلع مني !!

اقوله فلانه ترضع

يااااااااااربي شقووووووووووووووووووول

شقوووووووووووووووووووووول

bhr.qadsaweya said...

عزيزتي لوير
اهيه صج الحركة وقحة و البنت مالها حق تدخل مكتب مو مكتبها من غير اذن
بس هم انتي تقدرين تكلمينها بطيب و تقولين لها لوسمحتي ان هالتلفون مال مكتبي و اذا تبين ادقين دقي من مكتبج لأن انتي ماتقدرين تمنعينها من مكالماتها بالدوام بس تقدرين تمنعينها من دخول مكتبج, مع ان شكلها من النوع الي ما ايي بالطيب بس شتسوين الناس اجناس
اووو يعطيج العافية

. . . ساخر كويتي said...

فعلا قلة ادب
في مثل كويتي يقول غاسلين وجهه في ...بيب .... ) الرقابة قصت الكلمة ههههه

انا اقول طلعي حرتك بتقييمها السنوي خخخخ هذا من ناحية

ومن ناحية ثانية اذا طلعتي من المكتب فصلي الخط كلها كم يوم وماراح تشوفينها تعتب بمكتبك مرة ثانية

اي صح ليش ما تقفلين مكتبك
بس المشكلة اذا كان مشوارك دقايق برة المكتب واهيا ما تصدق تطمر عليه

الله يعينك
تحياتي

NewMe said...

لوبر
دامج مسؤلتها
كتبي لها لفت نظر
ونسخة منه لمسؤولج
وإلا إذا هالمرة عطتج خزة
بكرة تعطيج كوع
ناس تخاف ما تختيشيش
وأنت طولي بالك لأن ما يسوى
حرة وبالصيف بعد
ما ودي أضحك وأنتي معصبة
بس أنتي أسلوبج
غصب يضحكني
دومي بحب
تحياتي

Traveleer said...

ممكن تعطيني رقمها؟ انا أتصل فيها و انصحها لول. غشمرة ترى :P
بس فعلا وقاحة و قلة ذوق! وصلت ليه هذي الدرجة ماكو احترام للناس؟

guevara said...

من حظي التعيس أنه اول مره اقرى مدونتك واشوفك معصبه
انا أقول طولي بالج على وقاحه الناس وقله ادبهم
وثاني شي دام انه مكتبج من تطلعين قفلي المكتب عشان ست الحسن والدلال ما تدخل ولا هالاشكال يدقون عليج
وثاني شي شكلها قايله حق الاوادم انه هذا مكتبها وانها مديره ولا شي بالك بالك
وثالث شي لا تسبين لأن السب من علامات الضعف والنرفزه خلج طبيعيه وطولي بالج على الآخر

secret said...

وين مديروووو

نون النساء said...

يمكن حبّيبه
:P
لازم تكونين الراعيه لهم
LoooL :P~

وتصيرين القديسة لوير على غرار فالنتاين

ادري ودج تكفخيني
يايه انكت ههههههههه



اذا شفتيها مرة ثانيه لا اتعصبين
قوليلها اذا تبين احجزلكم بالفندق وحبو بعززز على راحتكووو

بلا ئرف عندي في المكتب

ويع قطع

why me said...

لووووووووووووووووول


عندي لج حل


اذا دق واحد فيهم على مكتبج


قوليله كالتالي


فلانه اتقولك لا دق .. وكل شي بينا انتهى



لوووووووووووووووووووووووووووووول



بالعربي طفشيهم


كااااك


واستمتعي بالتطفيش


اذا مالج خلق

بس قوليلي اييلج اسنعها لوووووووول


:))

RoOra said...

واااي لأ ويع مو من صجهـا ;s
يعني بدال ما تحترم نفسها و تقدر أنها بمكان عمل !

تدرين لوو أنا منج شسوي!
على يوم أتعمد أطلع , و أنطرها تدش المكتب عقب انادي المسؤوول اقوله دش انته المكتب ! و عقب
ردااايل و خليه يسمع!
خوفج باجر تحذف بلاويها عليج ;s

p.m: can you visite my blog to cheak rOwayte ;p mabe agOl novel :pPp~

Mohammad Al-Yousifi said...

وين دوامكم؟

mowa6en said...

الا تبن لها ..

و الله يلوم الي يلومج

haifa said...

فطيم

تستاهليييييييين .. بذمتج هالاشكال كفو تسكتيلها .. المفروض من اول يوم تعطينها كلمتين بالعظم .. واذا كررتها قوليلها ريولج اقصها اذا شفتج موطوطه مكتبي وانا مو موجودة.. ودايركت عطيها لفت نظر شديد اللهجة ونسخة لمسؤولج مثل ماقالت نيومي .. لاتنسيت كل فوله ولها كيال .. مو كل الناس ينفع معاهم الاسلوب المحترم والدليل نظراتها وردت فعلها .. بالعربي مومعبرتج ..((قاعدة اشيشج ها;).. خليني اقولج شغله .. انا بدوامي اعامل كل الناس بذوق من الفراش لي المدير .. بس الناس الوقحة ما اطوف لهم .. موبطوالة اللسان انا ما احب السوقية فاشرشرحهم بأدب.. لأن لازم اربيهم واوقفهم عند حدهم .. والي مايحترم نفسه مو ملزمة الناس تحترمة .. اكو ناس ممكن تحت ظرف معين او نفسية معينة يغلط وانتي تكونين عارفة معدنه فتعذرينه .. بس الاشكال الي مثل الخانوم ماتتسنع الا بالملاس الي اهوا لفت النظر على راسها

SHAHAD said...

قطيعة تقطعها
أكره هالنوعية
الله يعينج عليها

شوفي هالأشكال مو مال تعطينهم ويه
وعلى أقل حركة لازم توقفين لها وما تسمحين لها
ولو تشتكين عليها يكون أحسن

Kuwait said...

لووووووووووووووووووووووول ..
لووووووويررررررر شنو هالدوااااااام ..
احنا دوامنا أكشخه الحمدلله بالدري كل وحده لابده مع واحد :|
لووووووووووووووووووووووووول
تخيلي أول مره أنصدم بحياتي لما شفت موظفه مع موظفه طايحينله قلت أدب بالدري :|
لا شعورياااااااااا انا ورفيجتي قلت امبييييييييييييه ..
والا ينتبهون لنا سحبتني رفيجتي جان ازلق وأطيح بالدري ما سوت علي ..
بس يعني والله وقاحه وقلت أدب أنا عبالي بس دوامنا فيه هتليه آثاري كل مكان منتشرين :\

فريج سعود said...

ما عندج سالفة
روحي مكتبها وطلبي من تلفونها ثمانين وجبة بيج ديلوكس من هارديز
وبس

Amphibious said...

ما لك الا واي مي
خل تمر تسنعها لك

lipstic80 said...

ما تنلامين حبيبتي عيل انا شقول اذا تركت مكتبي شوية ييت لقيت الكمبيوتر مفتوح علي
porn sites
و خرابيط من هالنوع...
رحت و بلغت قسم الكمبيوتر عشان باجر ما ابتلش و قمت اقفل مكتبي حتي لو رايحة الحمام

enter-q8 said...

اممممممم
فطيم
كم مقاس ريولك
الله لا يهينك
اشتري مقاس اكبر
و نوع يكون شحاطه او بو كعب عالي مربع
و عند الباب
اهديها اياها
اهداء و يفضل بالمنطقة اللي ما بين الخد و تحت العين
بهالطريقة
راح ترتاحين على الاقل من ويهها اسبوعين

بتقولين مشاكل
لاابدا

انا اعلمك الطريقة
قولي لهم ان واحد يتصل علي
و يقولي كلام خادش للحياء
و يطلب فلانة بعدين
وانا بحكم زمالة العمل نبهتها و ابي استر عليها
قالت لي اوكي
ثاني يوم اتصل الشخص نفسه و هددني و سبني و ايضا قال كلام استحي اقوله و دخيل على عاداتنا
و تاخذين هالشكوى
و تروحين حق سكرتارية محمد هايف و صالح عاشور علشان ما يقولون اننا طائفيين او عنصريين
هذا اذا مديركم بعد صاف وياك شي زين مو صاف
راح نتهمه بالعنصرية و الطائفية بالمدونات
و بهالحالة راح يشوفون الاتصالات و يستدعون الولد
وياكلها عدل مدل اهو و البنت و اهلها و اخوانها و اهو راح يتبرى منها و يتزوجها علشان ما ينسجن و بعدين يتهاوشون و يطلقها
امممممممم وفي حل ثاني
خلينا نشوف مدون معضل على ابو ان اخوك او خالك او عمك
انا مانفع الا بدور الاب بس
و يكون عليه حكم بالسجن علشان خالف قانون الانترنت
و يخربها ويسبها ويعطيها تفله محترمه بس قبل رمضان لأن الريج ينشف
على الاقل ينحبس بتهمة تسوى

يوبا النوعية هذي ما تيي الا بالزف

يعني و انتي
داشه علي صوتك
انا مو قايلت لك الف مره لا تستخدمين تلفوني و هالمصبنة اللي يتصلون عليج

J Daily said...

ماتعرفين تتصرفين.
اسهل وابسل شي
حطي جهاز تسجيل (:

وبعدها تهديد d-;
-
لا المره الياية اشتكي عليها

lawyer said...

صبااااااااااااحكم ورد

قدساويه
اسسسسسسسم الله ماحط راسي براس هالاشكال
ياااااااااااريتني مطوله لساني وراده عليها بس ممو اناااااا

"""قلت لها فلانه مرا ثانيه لا اسمحلج تقعدين في مكتبي و تمدين ايدج على تلفوني""

هذا اقصى شي سوييييييته لان اعاملهاااا باخلاقي مو اخلاقها الوقحه





ساخر
بالظظظظظظظظظبط
فعلاااااا

اي بالظبط يعني من اروح مني او مني بسسسسطت





نيو مي
حطيتها براسي من امس
و باجر بيوصلها لفت نظر







تلفيييييييير

اي فعلا وصلت في بنات هالوقت الوحاقه لاقصى درجه

انا لما اكرهه امهات 20 و 21 هالبززع الي توهم متوظفين ما انلام





زارادشت
شششششفت اشلون و اانا ملاحظه كل ما اعصب و اولول اتعرف على ناس يدد في بلوقي


اي استوعب ان فعلا انها قايله هذا مكتبها

بس عادي بيوصلها لفت نظر






سيكرت
ياربي ما اقدر اوصلها للمدير

لفت نظر كافي





نون النسوة
لا قطيعه و احاجيها و لا احط مستواي بمستوى قذارتها او اني اجرئها علي اكثر






واي مي
اي بلييييييييييز تعالي






رورا
امي قالت نفس كلامج تحذف بلاويها عليج


الحييييييين انشاء الله بقرا القصه


بس ها بصييييير ناقده انزين




مطقوووووق
بتييب سلمى تسنعها؟

lawyer said...

مواااااااااطن
تمنيت حزتها صج اني احذف التلفون على راسها

بسس اكتفيت في لفت النظر اليوم





هيفااااااا

ماقصرت عطيتها حجوة

قلت لها فلانه مرا ثانيه لا اسمحلج تقعدين في مكتبي و تمدين ايدج على تلفوني


وبس قمت من الصبح اليوم سويت لها لفن نظر

بعد شنسوي ما نربى هالاشكال و لا بنززل لها




شهد
نيومي دخلتها براسي و لفت نظر على طووووول

بشوف اخرتها ويا هالاشكال




كويت
يماااااااا
قطيعه !!

وين تدوامين

انا على طول هذولا ادق على 777

فعل فاضح




فريج سعود
يعت!





47
طلبت الاستعانه بصديق اقصد واي مي




ليبستك
بوستي هذا خلاني اعرف ان في ناس وايد متأزمه اخلاقيا في دوامها




حاكي عقالي
مديلي اقرا تعليقك و مصدقه
و اقول من صجه اشلون اشلووووون

اخر شي استوعبت !!

اي عطيتها كلمتين و لفت نظر





يعقوبو

اسسستحي اشتكي على جذي مستوا احس مدري

استر عليها و اكتفي بلفت نظر ابرك

marshmallows said...

o.O

امبي من صجها هذي

تدرين لو انا منج اروح اقول حق المسؤول او اي احد

بس هم ديري بالج من هالاشكال الوصخه لان الصراحه ينخاف منهم توقعي تسوي اي شي

عندي فكره=p

حطي مسجله صغيره باليراره و طلعي و سجليها و ايها اتكلم خل نسمع شتقول

عــــــابره said...

انا مت من القهر وانا اقرا البوست حقج ..

قليله ادبببببببببببببببببببببببببببببببببببببببببببببببببببببببب

تبط الجبد هذي ليه ماتسكرين باب مكتبج والا ممنوع ؟؟

مافي الا تسوين لها لفت نظر داهيه مشكله
الحقيييييييييره

The Simper said...

salaaaamtich ;)

9ahba'a said...

looooool lawyer
جد ضحكتيني قفلي مكتبج لما تطلعين

lawyer said...

تم اجراااااااااء الازم

سسسسسلم لفت النظر



ثانكيووووووو نيومي ههههههههه


مارشملووووو

ما اعتقد ودج تسمعينها

مسكينه املق ما خلق ربي






عابره
عمممممممممممملت يا شييييييييييخه ما كذبت خبر

ههههههههههههههههه





سمبر
سلامه عمرك






صهبااااااء
ني هي ني هي

عقب لفت النظر امس

تسسسسسسنعت

كاهي من الصبح اتقلقسسسسس

feelingstalk said...

انزين ليش ماتكلمين مديرج او مديرتج! هذا شي ماينسكتله .. دامه وقحه وماتخاف منج .. يبيلها اللي يخوفها