Sunday, August 17, 2008

يوميات زوجه تعيسه


يوميات زوجه تعيسه ..
هي يوميات لقصص بنات حلمن بالزواج كأي بنت تربت وكبرت في صحراء قاحله كبلدي
جرعوها الامومه منذ الصغر.. علموها ان الحياه زوج و ابناء .. و ان المرأه هي فقط الانثى المتزوجه .. اما غير المتزوجه ماهي الا عاله على المجتمع.. زياده عدد فيه ..فأخذنا نحن الفتيات نسبق الزمن للزواج.. وخابت امالنا فيه .. واصبحنا بسببه زوجات تعيسات..


تعيسه ووسواسي..
انا تعيسه تزوجت وسواسي .. لا خطبه اهل و لا حب .. وسواسي ريلي دكتور .. ذكرني له ريل رفيجتي " ماسوا خير " بحكم صداقتي بزوجته.. خطبه تقليديه كأي خطبه كويتيه
فيها الكثير من الكذب و قليل من المجاملات .. و مليون حلم براسي بحققه ..
مثلت في البدايه دور سندريلا .. العاشقه الولهانه .. يومين بس و الثالث احباط!
ماكو رده فعل كلش.. دايما كنت اتمنى الزواج برجل هادي .. ولكن ماطلبت رجل شبه ميت !!
مراسم احتفال بسيطه .. و بعدها شهر عسل .
. و اعتقد ان من دخلت الفندق معاه و كأني اول مرا اتعرف عليه .. في المطار ..
و بالاونج تحديدا اشوفه مندمج يدز ايميل !
قطيت ويهي و بطالع عبالي اهتماماته ايميل و خرابيط مثلي !
طلع يراسل الفندق و ايميل اشطوله اشعرظه للفندق ..
قلت بقلبي ياحليله رومانسي يبيهم يجهزون الغرفه لنا و يضبطونها ...
اسأله بكل سعاده
تعيسه : يدرون ان هوني مونر قلت لهم ؟
وسواسي : اي طبعا طبعا .. و قلت لهم يجهزون الغرفه و بتشوفين انشاء الله

تعيسه ترسم الاحلام الورديه .. و سعيده وايد بحلم ليالي شهرزاد مع اميرها شهريار..
لاحظت ان زوجها كل شوي ينظف ايده في انتي بكتريال.. و الويت نابكن ديتول بمخباته
في الطياره يغسل الشوك و القفاش.. و ماياخذ ولا يشرب اي شي .. من احد
وصلو الاوتبل خذو غرفه ..
الغرفه دبل روم عاديه ! وين جناح الهوني مونر !!
مع شيتز احتياطي مغلف من اللوندري !!
تشوفه مشتط ويا الفرونت ديسك يسألهم ان طلب الغرفه تتعقم ! و الدار تتنظف
بس فيه بقايا غبار في كل مكان و يمشي و يمسح !!
و ايون الهاوس كيبينج و يغيرون الشراشف .. و يحطون احتياطي غير هذولاك!!
ساعتين يعقم الحمام و يمسح فيه .. و ديتول في كل مكان و مواد معقمه غير ديتول
تخيلت اني في غرفه عمليات مو شهر عسل!!
بقلبها تقول " شالمريض الي متزوجته "
بعد ساعتين من التنبر و التعقيم .. يطلب منها ان تغسل ايدها و تعقمها عشان يسبحون و تنام عقب الرحله الطويله ..
تعيسه: انا بسوي الجنطه بعدين اغسل انت دش الحمام قبلي
وسواسي : بطلعين هدومج تحطينهم في الكبت من غير ما تنظفيه
تعيسه : هاااو كبت فندق شنظف فيه مسافره انظف !!
وسواسي : جم واحد مستخدم الكبت قبلج ! تدرين اذا منظفينه عدل او لأ
انتي مشكلتج ماتشوفين .. ترا البكتريا والجراثيم معانا في كل مكان تنتقل من مكان لي مكان
تعيسه : " تقول بقلبها شالبلوة الي ابتلييييييت فيها " اقول وسواسي اذا بتفكر جذي ترا مانخلص !! يعني جم مليار من البكتيريا كانو بالطياره و على ارضيه جناطنا و على السير و بالتاكسي و يبناهم الدار نقلناهم ويا جناطنا !! المفروض قبل لا تعقم الكبت عقم الجناط قبل لا يدشون الدار !!
بعدين ترا ماحب هالمصاخه ولا وسواس النظافه خلك طبيعي !!
وسواسي : بلوتج ما شفتي شي ولا تعرفين ولا تدرين شنو الامرا ض الي ممكن تنتقل !!

ايييب بخاخ تعقيم ينظف الكبت و يوم يخلص ارتب هدومي
" لا تنسوووووووووووووووووووون انا في شهر العسل و هذا اول يوم بصل لي "
عقب ما خلص مهمه تعقيم كل مكان و قعدنا و خلصنا و متنا يوع طلبت اكل و هم سوالي قصه على الاكل و الصحون و التعقيم و النظافه ...
جان اقول بقلبي انا ان ماخليتك مينون ما اطلع تعيسه !!
تعيسه : اقول حبيبي .. عادي بتنام يمي و الا بعد بنقلك جراثيم !!
ابخر الدار عقب الاكل .. و اترتب و اسطر ! عروس لا تنسووووون ..
و هالوسواسي يحوس !!
سكر باب الحمام
سكر الستاير
سكر الليتات
الابجورات !!
تعيسه: وسواسي شالظلمه !! قمت قلبي ليش جذي
وتفتح الابجوره الي يمها
وسواسي : سكريها بنام ! منتي نايمه ..
وعدا اليوم على خير طلع يحب ينام بالظلمه !!
اكو ريال ينام بالظلمه !!
اكو ريال حياوي و يستحي ! شالقمته !
عدا اليوم الاول سكتنا
الثاني نص مستحيه
الثالث تعيسه طقت جبدها من هالظلمه !!


تعيسه: اقول وسواسي .. تعرف فيلم سهر الليالي ؟؟
وسواسي : سامع فيه ليش ؟
تعيسه: في واحد اسمه علي ابن الناس الكويسين .. ذكرتني فيه !!
ينام ويا مرته بالظلمه و بهدومه بعد !! بس انت زود عنه حتى لمس ما تلمس و لا تجيسني
عشان مكروباتي ماتنتقل لك !! اشرايك تفكر عدل في الزواج و تعيد النظر ترا المعاشره الزوجيه انا اعتقد انها تنقل ملايين من الجراثيم و البكتيريا ما تشوووف الحريم و الرياييل اييهم التهابات ... فانا انصحك يعني انصحك .. انت بدار وانا بدار عشان حتى الهوا الي انتنفسه ينتقل وماتدري شنو الجراثيم الي في صدري لما اتنفس من هالسوقه و الاماكن العامه الي اروح لها !! تلاقيها تارسه الدار الحين !!
ومع الوقت تعيسه تطفر من وسواسي و بتنبط منه ووسواسي مشكلته ان عند نفسه صح
بدت احلامها تتلاشى
و عرفت ان الزواج واقع مرير جدا من هذا الانسان
ولها خيار يا انها تتأقلم
او انها تنفصل ..
ولكن احد يتطلق بشهر العسل الحين..
وقامت تتحاشاه لان اهان الكثير من انوثتها بسبب الوسواس
و قامت من تشوفه دش الحمام بعد يوم طويل من الرحلات تسوي نفسها نامت
وسواسي: تعيسه .. تعيسه .. نمتي؟
تعيسه تحقره ..
وبقلبها قصه..
ليش نحلم بحياه حلوة اذا الحياه خاشتلنا مصيبه مثل هذا الانسان
ليش نعتقد ان السعاده بشهر العسل اذا هذي اتعس ايام حياتي ..
مافيها مشاكل بس مافيها الاحلام الي حلمت فيها ..
ادور في ملامح وسواسي بقايا رجل حلمت فيه وتمنيته و يكسرني واقع مرض كبير
وبعد 3 ايام
يتقرب مني وسواسي
وتكون الصاعقه ردي له
كلام من مشاعري
وكبريائي المهزوز

تعيسه: وسواسي انا بطلع الصبح او بتأخر في الريوق او اقدر اروح اي مكان وانت تعذر بان عندك شغل وخلك بالفندق و اتصل على الريسبشن يدزون لك وحده ترتاح معاها باسلوب نظيف جدا .. لا تلسمها ولا تكلمها ولا تجيسها ولا اي شي مجرد تواليت تقضي حاجتك فيه .. بعدها قوم تغطا لف نفسك و دش الحمام غسل ساعتين و اربط ملابسك عشان الجراثيم و غسل ايدك حيل و يفضل تحرق هدومك .. عشان تكتمل عمليه التعقيم مثل ماحرقت مشاعري

ينطفئ بريق تعيسه
ترجع من شهر العسل ..
تستمر في الحياه مع وسواسي ..
تحاول تتأقلم معاه مقنعه نفسها ان مو كل العلاقات الزوجيه مبنيه على حب و احلام
وان كل الرياييل فيهم عيوب.. وسواسي احسن من شي ثاني..وانها مع الوقت بتتكيف



34 comments:

NewMe said...

يا حسرة عمري
ظلت وياه عقب كل اللي صار
لوير
ما سويتي خير بقصتج
دومي بحب
تحياتي

الزين said...

:$

فنتازيا مضحكة ومبكية بنفس الوقت

واقع مر مستغربة منها ليش خضعت له

اللي هذا اوله ينعاف تاليه

عجز وضعف واستسلام

استغفر الله

مجتمع ظالم

عشان لا ينقال عنها مطلقه تضطر تكمل مع هالمعاق باخلاقه وحياته

اففففففففف

تبط الجبد القصه

7osen said...

روعة لوير
صج وايد عجيب اللي كتبتيه

بس زين تسوي انها تحاول تتأقلم معاه
واكيد اهو بمرور الوقت وبتعوده عليها بيقل وسواسه
والحياة عموماً مو دائماً تعطي الانسان اللى يبيه
والمثل يقول
إن طاعك الزمان ولا طيعة

ما احب اللى على طول يقولون تركيه
خليه يولي
ترى الايام ممكن انها تعدل الإنسان والسعادة بعد ممكن انها تيي شوي شوي
مع مرور الوقت

مميزة كتاباتج

bhr.qadsaweya said...

لوير
القصه واقعية شوي و فيها من الخيال شوي
ما اعتقد ان الرجل الوسواسي ما بجيس مرته و زوجته و حلاله عشان يخاف تنتقل له جراثيم و بكتيريا
يمكن يكون وسواسي في وايد اشياء بس مرته يوخر عنه لأنه وسواسي, هذا عنده عجز جنسي مو وسواسي
عالعموم و جهات نظر
تسلمين عالموضوع او يعطيج العافية

نون النساء said...

واااااااي
يحر يحر يحر
هذا المفروض يقطونه بالحجر الصحي
لأنه اهو كله فايروس

انزين لابغى يُقبل إمرأته وزوجته
هل كيف ؟؟

بيغسل ضروسه بعد؟؟


واااااي شهالبلاوي ياربي

انا ضحكت وزعلت عليها
ترا صج اكو ناس جذي

ْx_X

Unknown said...

احنا نموت عالليتات ونبقق عيوننا وهذا يسكر الستاير والليتات ... يحليله ..

موتيني ضحك

انتي يا يوم تخليني دموع بالدوام
يا يمرون ويسمعون ضحكتي واحس فيهم يتحلطمون ويقولون الحمدلله والشكر

enter-q8 said...

شوفي بغض النظر عن القصه
اهم شي رجعتي تكتبين و تطلعين المستخبي من كتاباتك
انا عرضت القصة على لجنة الظواهر قالوا هذي مشروع استجواب قوي

اما هالوسواسي

ياخوك انا اعرف حريم اخس منه اهم اللي يسوون جذيه مو الريال اللي بالعاده
هذا حلاته ياخذونه النعيرية هناك يربع له اسبوعين
علشان يعرف ان الله حق

فطيم تعرفيني صريح
بس تقيمي لبدايةالقصة و موضوعها
اعطيه 10=8
اما تفاصيلها اسمحي لي
5=10
مو قلمك و لا خيالك اللي معتاده
اخوك اللي يحن وايد عليك و يعزكو يهمه قلمك ومستواك

mo3ath said...

آآآوتش :)

اوكي ممكن الزواج يكون ظالم إذا كان بالطريقه الغلط وممكن الريال يكون معقد بدرجه معينه كل واحد وشخصيته

بس مااعتقد بتكون العيشه جافه بهالشكل ؟؟

وجهة نظرج وصلت :)

lawyer said...

نيومي
حبييييييبتي
اي ظلت وياااااه شفتاي








زيونا
ااااااااااي زيونا وايد بنات في بيوت رياييلهم لانهم ما يبون كلمه مطلقه








حسين
اي بعد شتسوي البنت مردهااااااا بتزوج و بتقظب المينون الي عندها..


الحياه تمشي






قدساويه
ينااااااااااام وياها
بسسسسسسسسس في شغلات وايد مايسويها بحكم الوسواس








نووووووووووون
يتروالي يبوووسها و اهو يتخيل جم جرثوووومه باللعااااااااب

واشلون البكتيريا بسسسبح في سعابيلها







محمد
سسسسسسسسكر باب مكتبك لاحد يششششششششك فيك






حاكي عقالي
حبيييييييييييييييييييتك

بننننننننننننننننننننصر دينك
انا تقيمي لكتابتي هالمرا 2-10
قووووووووووووووووووووول ليش؟؟

لاني مسسسسسسسسحت نص القصه و شفرتها

مبييييييييييين مو انااااااااا ولا طبيعتي صصصصصصصصصح؟؟


مليييييييييييت من نصايح الي يقولوووووون لي نظفي قلمج؟؟

ييييييييييعني ششششششسوي بعمري ما اعرف اكتب

كنت كاتبه تفاصيل التفاصيل
وووووواشياااااااااااء يمكن يتسكر بلوقي فيها و حل مجلس امه موبس استجوااب

بس انا اذا ماكنت لووووووير يكون شغلي مو عدل


احيييييييييييييييييييك على نقدك
عشااااااااااااااااان تشوف قصتي اليايه

انا ابي بس دزة


اسسسسسكت اليوم ساعتين و انا امسح و اعيد و امسح واعيد

شششششششسوي بعمري
ابتلشششششششششت






معاذ
هذا اهم شي ;)

why me said...

ضاق خلقي



ماني متزوجه

على نفسها جنت براقش said...

لو قاعده ببيت ابوها ابرك لها

J Daily said...

انا تعرفت على واحد بالنادي
وسواسي لي درجة غريبه
انا استغربت اشلون راح يتزوج

وانتي اليوم كتبتي عنه (:

أتيت متاخرة said...

لوير
بصراحة في زوجات وااااااااااايد يعانون من أطباع أزواجهم بصمت
وخاصة الي عندهم عيال
لكن هاذي مجتمعاتنا شنسوي ؟؟؟؟؟

Shather said...

فطوووم

اهي غلطانه في اشياء تتطلب منها ان
تتلاحق على عمرها
مو كل شي اذا المراه صبرت عليه صارت سنعه
في انفصالات تكون اهي الأفضل و الأحسن
و على فكره ترى الوسواس ساعات يورث

باجر يجوز حتى عيالها بيطلعون مثله وراثه اجتماعيه


رغم اني اعتبر الاستمرار مع رجال من هالنوع باسم الصبر غباء لكن هم عورت قلبي :\~~

JooJ o MaJooJ said...

امبيييييييه يافرحة ماتمت اكسرت خاطري :(
عاد اتصقدين أعرف واحد ريال كبير همن وسواسي جذيه او أكثر خلا مرته تجه؟ مرتين عشان خايف من وسخ البهال..و الصابونه يستخدمها مرة واحدة ويقطها
الحمدااله و الشكر الله لا يبلانه

JooJ o MaJooJ said...

eeh i;m jooj bas 3ashan matakhrb6ein :P

عــــــابره said...

لوير ..
القصه من كتاباتج .. او قصه صجيه ؟

لانه في صج ناس وساويس الله لايبلينا فيهم

بس انه مايلمس مرته شكو متزوجه عيل .. يعذبها معها ..

وليه ماانتبهت لحركاته هذي من ايام الملجه .. لانه واضح انه فيه وسواس النظافه القهري

واضح تكتشفينه .

وساعات الزواج يكون ابتلاء على الوحده مع ريل تعبان ..

مافي غير تكثر دعاء ربي يسخر لها
والزواج مو كله تعيس والا كان الناس ماتزوجت .

وفي بنات ميتييييييين يبون الزواج من داخلهم مو من ضغوط الناس عليهم

يبون الذريه والعيال شي حلو بالحياه

الله يرزق ويسعد كل عزوبيه وعزوبي ..

واحس اني قرقرت واااااااااايد مشكوره لوير

تراب الكويت said...

صباح الاحساس

تعيسه ،، تدرين وايد وايد أثرت فيني هالتسمية

تعيسة

عاد تخيّلي

عورني قلبي

انتي رائعة فعلا

ابدعتي في تصوير الألم


بنتظر كل جديد


:)

محـــــارة said...

هذا مريض لازم تتعالج

ياربي كل ما أكبر وتزيد معرفتي بهالدنيا أكتشف عيوب الريايل الي كنا راسمين غالبيتهم ملائكه وحياتنا معاهم أغلبها ملفوفه بالسعاده

شنغبر بعمرنا أستفغر الله ماتشوفين اليزبين زايدين تهقيت خطهم خوش ولا لوعه البلا أشكالهم قبل عشرتهم تقلب الجبد

عافاهم ربي من ما ابتلاهم ونحمد ربي على مافظلنا على كثير من خلقه

lawyer said...

واي مي

رفعتي شعار غالبيه البنات هاليومين


براقش

واااااااايد صح








يعقوبو
واااااااي الله يعينك زين يلعب في الاجهزة ما يمسحهااااا قبل لا يعلب؟؟







اتيت متاخره
حياج الله

فعلااااا و البيوت مليانه ماكو شي اسمه حياه كامله او سعيده
وكل ريال فيه عيوب

تصبر و تحتسب شتسوي فقيره







شاذر
خااااااب املها و اصبحت تعيسه





جووج
فعلااااااا انا سامعه في وايد رياييل وسواسين

انا واحد اعرفه ممنوع الخدامه تمر يمه و اهو ياكل يحس ان جراثيمها كلها طاحت في الاكل

فجيييييييت عيوني







عابره
بالعكس يا حلووو كومنتج لا هذره ولا شي..

فعلا في وايد بنااااات صابرات


الله لا يبلي احد في زواج تعيس





تراب الكويت
وانتي رائعه في احسااااااااسك :))))


انشاء الله الجديد احسن





محاره
لوووووووووووووول
مت ضحك
لا تلوعين جبدي في الليزبيااان
توني مخلصه قصه فيها فصل كامل عن الليزبيااااااان فجيت عيوووووووووني

لوووووووووووووووووووووووووعه
لووووووووووووووووووووعه


ههههههههههههههههههه

اي كل ما نكبر اتغير وجهه نظرنااااا

Kaadi said...

الله يبعدنا عن الوسواااااااااس الخنـــــــــاس !!!

AseeL said...

عندي تساؤل.. ليش في ناس يخشون بعض عاداتهم وطباعهم قبل الزواج؟ المفروض العيوب قبل الميزات تنقال وتنكشف هذي حياة وعشرة عمر

هذا دليل على ضعف الناس في مجتمعنا وعدم ثقتهم بنفسهم يمكن يحسون ان عيوبهم اكثر من ميزاتهم... ماكو ثقة


علي ابن الناس الكويسين

!!كان مليييييييييييق

وما أملق منه إلا عمر.. في عن العشق والهوى


ترى نيومي سوت لج دعاية في مدونتي فالت لي ادش عندج اشوف بوستج اليديد ;)

AseeL said...
This comment has been removed by the author.
Najmah said...

تعبت نفسيا

!!
هذا مو طبيعي كلش

انزين لما سئلت عنه قبل لا تتزوج
ليش محد قال لهم
!!
وبعدين ليش ما اكتشفت هالشي قبل العرس؟

ابيه اصلا اهوا شلون طول عمره عايش جذي
تعبت تعبببت

Amphibious said...

خوش قصة
يعطيك العافية

Anonymous said...

خل تقرى كتاب الرجل من بريدة والمرأة من باريس



عقبها بتحس أن حالها مثل حال باجي خلق اللة


..................

عزيزتي لوير

اعتقد ان جزء كبير من تربيتنا غلطفنح تربينا ان لازم نتزوج وهذا غلط مو كل انسان يصلح لة الزواج


في ناس وايد ماينفع الزواج لهم ولكنهم يتزوجون لان لازم نتزوج

غلط في ناس لو ما يتزوجون ايداحسن لهم من الزواح

guevara said...

بل هذا صج وسواسي
ويعين هالزوجه التعيسه على بلواها
بس الصراحه قصه حلوه وخفيفه دم

lawyer said...

كادي

اي والله صدقتاااااااي

اسيييييييل

ياهلا ياهلا

انا اوووووووووول شي اعترررررررررف فيه كل عيوبي
وفي بدايه الخطبه وانا اسررررررد عيوبي واهو يتحلى علي و يتضضضحك و مستاااااااااانس و اذا صاااااااااار شي قلت له انا من البدايه قلت لك
انا مثثثثثثثثثثثلج ما اخش عيووووووووبي



ياحلوووووووها نيومي
احيها






تجمه
اي والله ممممممممممممممممتعب حداااااااااااااااااااااا


ييييييعل القلب





47

الله يعافيييييييييييييج حبي


حسااااااااافتج

ياهلاااااااااااااااا يااااااااهلااااااااااااااا


اين انت

هههههههههههههههه

الرجاااااااااااااال من بريدا هااااااا

ههههههههههههههههههين

هذا لووووووو ريلي جاااااااان طراقاااااااااااااات

والنساااااااااء من باريس
عشتووووووووووووووو



فعلا وايد ما يصلج لهم الزواج ولا يتعاشرووووووووووون ابد

Eluded Euphoria said...

القصه تعور القلب :(

elq87obi said...

مسكينة عورت قلبي

و تعاطفت معاها

حدها تكسر الخاطر

أما هذا مال ذبح

هذا كفو اسمه ريال

صج لقالوا الرجال قليل

ما أدري حراني حده

إن شاء الله تحوشه مليوم بكتيريا و فيروس

صج في رياييل مو كفو زواج يعني إذا إنت مو كفو زواج ليش تظلم بنت الناس معاك ؟

يعطيج العافيه

سلامي لج :)

PearL said...

قبل ما اتزوج
كنت دايما اقول حق امي

3 ما اتزوجهم لو شنو

1- بخيل
2- وسواسي
3- سكير


لان العيشة معاهم مستحيلة

haifa said...

يا حسافة الغوا التجنيد

والا جان سنعه وسنع غيره .. كل ماعليها تبلغ عنه التجنيد ويتلونه .. ويردلها ياكل عيش ومرق ويمش ايده بالطوف

lawyer said...

زارادشت

ثانكيوووو تسلم


براون شوجر

:((






الكويت حبي
هههههههههههههههههه
مليوووووووون ماكروب
ضحكتني

ايوالله مو ريال





بيرل
ايييييييييي والله صاجه
وشكاااااااااك

لا تنسين الشكااك بعد





هيفا
اييييييييييييييي والله صاجه من وين يبتاي فكره التجنيد
صاااااااجه

feelingstalk said...

بعد الكلام اللي قالته له قلت اكيد هدته
استغربت انها معاه .. تقص على روحها .. هذا مرض مزمن